Lucas 23:38 - Ino sapiti Dios: bawuwa tulag

³⁸ Ana maꞌlurino neturakka nepikkaꞌda sino batuwi Jesus a kunna si, “Antuyawino Arina Judyu.”

Lucas 23:38 Iomraidhean Croise

Mateo 2:2

Wasin ginamwangira sinay, nabbebutira a nassapit si, “Sintawino agyananino bawuwa neyanaka ariyeno Judyuwera? Se initamiyeno nappaddanino bituna senyalneno neyanakanna, e antuweno inangkami sitawa maddayaw sikwana.”

Mateo 27:11

Wasinoy, nepaaꞌlanda i Jesus sino gubernador, e inimbistigarino gubernadora nabbebut si, “Ikkeno Arina Judyu?” “Nu antuweno sapitannu, antu,” kunni Jesus.

Mateo 27:37

Aneno nepikkaꞌda sino kalekeneno uluna a neturakkanino nepaliwaꞌda sikwana a kunna si, “Antuyawi Jesus a Arina Judyu.”

Marcos 15:18

E nassandayawira sikwana a nassapit si, “Madayoka nadda Arina Judyu!”

Marcos 15:26

Aneno neturakka itulduneno nepaliwat sikwana a kunna si “Arina Judyu.”

Marcos 15:32

Nu itantammaddi Kristo a Aritama gakagakana Israel a umullug sino krusna, manguruwetammad sikwana.” Massiki ino adwera a nelansa si krus sino idangnga, nakiayoyungira kappay.

Lucas 23:3

Antuweno nebebuti Pilato ki Jesus si, “Ikkeno Arina Judyu?” “Nu antuweno sapitannu, antu,” nesombati Jesus.

Juan 19:3

E nappatapataliyera a inaraꞌni sikwana a nassapit si, “Madayoka nadda Arina Judyu,” e sinipasipanda.