Lucas 20:17 - Ino sapiti Dios: bawuwa tulag

¹⁷ Udde sinulangngannera e sinapiꞌna si, “Nu kunnenoy, sanna mantuweno anggamma sapitan yawa nepeturakki Dios? ‘Ino batuwa inammayino mamataꞌdaggira si balay, antuweno nepabbaliyi Dios si kapatiyana batuwa mappatuyag sino balay.’

Lucas 20:17 Iomraidhean Croise

Mateo 21:42

Sinapikkappayi Jesus sikwara si, “Ammeyu kepekad binasa yawa nepeturakki Dios a kunna si, ‘Ino batuwa inammayino mamataꞌdaggira si balay, antuweno nepabbaliyi Dios si kapatiyana batuwa mappatuyag sino balay. Antuweno inangwa i Dios, e kakkaꞌbawingke sikwatam.’

Marcos 10:23

Wasinoy, nallangalanga i Jesus sino adalannera, kasena sinapit sikwara si, “Madyatingke a mesapatino bafaꞌnangngira sino patturayani Dios.”

Marcos 12:10

Ammeyu kepekad binaseno nepeturakki Dios a kunna si, ‘Ino batuwa inammayino mamataꞌdaggira si balay, antuweno nepabbaliyi Dios si kapatiyana batuwa mappatuyag sino balay.

Marcos 3:5

Nabbunguti Jesus a nangita sikwara, e malowino nakamma gafu se nataggatino ulura anna awana allaꞌda. Sinapiꞌna sino lalakiya pilay si, “Soꞌyarannu yan kamaꞌnu.” Sinoꞌyanna, e napiyen.

Lucas 19:41

Wasin makkataminda Jesus sey Jerusalem, initaneno lubbun e nattangit gafu sino allaꞌnga,

Lucas 22:37

Se meyakkuruwin sikwakino neturakka sapiti Dios a kunna si, ‘Nebilang si tulisan.’ Sitoya, araꞌniyenna meyakkurug amminino neturakkino gumalabbunira mappeafu sikwak.”

Lucas 22:61

E nallangngiyi Afu Jesus e sinulangnganna i Pedro. Wasinoy, dinandammi Pedroweno sinapiti Afu Jesus sikwana a liyeya massirallotino lalung sinaya aw, namiꞌluwannanna a neimad.

Lucas 24:44

Wasinoy, sinapiꞌna sikwara si, “Inayira a nakwa, ireno sinapikku sikwayu sin nagyanangku kepay sikwayu siꞌin, a maawag si meyakkurug amminino neturakki Moises andino gumalabbunira andino ana sino leburuwa Salmo mappeafu sikwak.”

Juan 15:25

Udde nakwa yaw, takesi meyakkuruwino neturak sino lintidda a kunna si, ‘Kababannaddak, massiki awana gafuna.’ ”

Inangwa 4:11

Antu kappayino neamparig sino nepeturakki Dios a kunna si, ‘Ino batuwa inammeyu, ikkayuwa mamaꞌdak si balay, antuweno kapapatiyana batuwa mappatuyag si balay.’

Efeso 2:20

Antuweno meyampariyetama mangurug si templowa pataꞌdagganni Dios. I Kristo Jesusino meyamparig si fundasiyonneno templowa mappatuyag sino ammina partina. Ino apostolira andino mangipakaammu sino sapiꞌna, ireno meyamparig si postena, e ikkayuweno meyamparig sino korwana partina.

1 Pedro 2:6

Ammutam si gakkuruwinay, se aneno nepeturakki Dios a kunna si, “Aneno pinilika ipataꞌdaggu sey Sion a kunnangke kapapatiyana batuwa mappatuyag si balay. Massiki sanna a tolaya mangurug sikwana, ammenana maatallan si makkikiyad.”