Lucas 13:31 - Ino sapiti Dios: bawuwa tulag

³¹ Wasin sinapitinni Jesus inay, ginamwangino korwanira a Fariseo, e sinapiꞌda sikwana si, “Nalawad nu umanoka sitaw, se anggandaka i Herodes a papapatay.”

Lucas 13:31 Iomraidhean Croise

Mateo 14:1

Sinoya tiyempo, naammuwani Herodes a turay sey Galilea ino inangangwa i Jesus,

Mateo 14:3

Antuwenayino sinapiti Herodes gafu sino nakwa siꞌin. Se nepadoꞌmana i Juan e nepabalunna a nakadenan, gafu sino nallangngani Juan sikwana. Se i Herodes, inatawaneno ipangnga a i Herodias a ataweno kolaꞌnga a i Felipe. E namipidya a sinapiti Juan sikwana si mekontara sino lintig nu atawanteno ataweno kolatta.

Mateo 14:6

Udde wasin nadaꞌngeno awa neyanakani Herodes, nassaleno balatanga abbingi Herodias sino aꞌlangino ammina inayanna a makilanggak. Nappelalotino langgaki Herodes sino nassalanna.

Lucas 23:7

Wasin naammuwanna si naggabwati Jesus sey Galilea a patturayani Herodes, nepeyangnga i Jesus sikwana, se agyani Herodes sey Jerusalem sinoya tiyempo.

Lucas 3:1

Wasin kadwafuluwen si lima a runino patturayani Emperador Tiberio, i Poncio Pilatoweno gubernador sey Judea. I Herodesino matturay sey Galilea, e ino kolaꞌnga a i Felipe ino matturay sey Iturea anna sey Traconite. I Lisaniasino matturay sey Abilene.

Lucas 9:7

Wasin nadingngaggi Gubernador Herodes sey Galilea ammin inaya inangangwa i Jesus, nakungkulino nakamma, se aneno nassapitira si nangngangoliyenni Juan a Gumabawtisar.