Juan 8:7 - Ino sapiti Dios: bawuwa tulag

⁷ Wasin patotonutandeno nappakibebut sikwana nu sanneno masapiꞌna, ginabwat e sinapiꞌna sikwara si, “Nu inya sikwayuweno awana liwaꞌna, antu naddino maunta a mallappag sikwana.”

Juan 8:7 Iomraidhean Croise

Juan 7:46

E sinabbino gwardiyera si, “Awaningke kakunnaneno addamiꞌna!”

Juan 8:10

Ginabwati Jesus e sinapiꞌna sino bafay si, “Antomatiran? Awana natak si mangastigu sikwam?”

Juan 8:8

Kasena kappay inoꞌmadda manurak sino lafuk.

Colosas 4:6

Kanayun nadda mappaanggammino assapiꞌdaw e nalawara dingngaggan, e nadadangkayu nadda manombat si massiki inya a mabbebut sikwayu ta fustuweno isombaꞌdaw.

Nepakaammu 1:16

Aneno pituwa bituna aggiggammanino diwanana kamaꞌna. Ana kappayino saseta nannumangino ngaramma a mallawan sino wangiꞌna. Mangngilikilitino mutungnga se kunnangke sinag si tangnganaw.

Nepakaammu 19:15

E ino pingnganda si Sapiti Dios, aneno nataramma saseta mallawan sino wangiꞌna a antuweno pangaffuꞌna sino tolayira si palulubbuna ammera mangurug sikwana. E antuneno matturay sikwara a ammena dama si ammera kuruwannino sapitanna. Paitaneno bungubunguti Dios a mannakadama sino malliwatira, se ino angngastiguna sikwara, kakunnaneno ammappat sino diyuna ubas.

Nepakaammu 2:16

Ibobolira naddino liwaꞌda, se nu ammera iboboli, ammena mabayag e gumamwangak sitan ta gubattangkuwera a musar sino saseta mallawan sito wangikku.