Juan 6:68 - Ino sapiti Dios: bawuwa tulag

⁶⁸ Sinabbi Simon Pedro si, “Afu, waremmangke korwan si dumandanammi? Ikka pelangino manuldu sino mangaꞌda si biyaya mannayun.

Juan 6:68 Iomraidhean Croise

Mateo 16:16

Sinabbi Pedro si, “Ikkeno Kristo a Abbingino aggabiyaya Dios.”

Marcos 8:29

“Udde ikkayu pay,” kunni Jesus, “sanneno kundaw mappeafu sikwak?” Sinabbi Pedro si, “Ikka i Kristo a nekariyi Dios a gumamwang.”

Lucas 9:20

“Udde ikkayu pay,” kunni Jesus, “sanneno kundaw mappeafu sikwak?” Sinabbi Pedro si, “Ikka i Kristo a nekariyi Dios a gumamwanga matturay.”

Juan 12:49

Se awana sinapikkuwa naggabwat sino nakangkungkepay, nu ammena luri Ama a nanundun sikwakino nituldu sino sinapikkuwera andino assapikku.

Juan 12:50

Ammuk si ino tulduna, antuweno paggabwatanino biyaya mannayun. Antu gafuna, massiki sanneno itulduna a sapitangku, antu pelangino isapikku.”

Juan 17:8

Se kinuruddeno netulduk sikwara a sinapiꞌnu sikwak, e ammuran si ikkeno naggabwatangku anna ikkeno nanundun sikwak.

Juan 5:24

“Gakkurug yo sapitangku sikwayu, ino maddingngag sino sapitangku anna manguruggappay sino nanundun sikwak, mabiyangnga si makkikiyad. Ammenana makastigu se nalliꞌwen sino kakastiguwan si katayan, e naaꞌdanin si biyaya mannayun.

Juan 6:63

Ino mangaꞌda si biyag ino Espirituwi Dios, e awaningke damadamana tolay. Ino sinapikkuwera sikwayu, naggabwatira ammin sino Espirituwi Dios, antu gafuna, mangaꞌdera si biyaya mannayun, nu kuruwandaw.

Inangwa 13:26

“Ikkayuwa kakkolakkuwa gakagaka i Abraham, anna ikkayu kappaya bakkanna Judyu a maddayaw ki Dios, ikkanetamino nappakaammuwani Dios nu ansanneno akkesalakantam.

Inangwa 4:12

I Jesus pelangino dama a misalak sikwatam. Se awana korwan si dinunduni Dios sito lubagga mangisalak sikwatam, nu bakkampelang.”

Inangwa 5:20

“Umangkayu sino Templo e manuldukayu sino tolayira mappeafu sito bawuwa biyaya iyaꞌda i Dios.”

Inangwa 7:38

Sin nakkakarampattino gagginafutamira sey kalolowata araꞌni sey Sinai, i Moises kappayino sinatabbangnga anghel. Inappaneno neturakka sapiti Dios a mangaꞌda si biyag, takesi ikkanetam payino millalupat.

Inangwa 8:37

“Nu gakkuruwingke a kuruwannuweno netulduk, damana,” kunni Felipe. “On, manguruwak,” kunnino ofisiyal. “Kuruwangku si i Jesu Kristoweno Abbingi Dios.”