Juan 6:5 - Ino sapiti Dios: bawuwa tulag

⁵ Wasin nedipati Jesusino odduwera a tolaya umang sino agyananda, sinapiꞌna ki Felipe si, “Sintawino pappantam si ipakkantam sino tolayira ya?”

Juan 6:5 Iomraidhean Croise

Mateo 15:33

“On lud,” kunnino adalannera sikwana, “udde sintawino pangappantam si akkanan sito kalolowata makabalin sino kunnayawa kaoddura?”

Marcos 6:32

E nattakayira si abanga umang sino awana matotolena.

Lucas 9:10

Wasin nuliyeno apostolira ki Jesus, netuldura sikwaneno ammina inangwara. E nebulun sikwara a inang sino lubbuna Betsaida a ira pelang.

Juan 1:43

Waso metufara aw, dinandammi Jesus a umang sey probinsiya a Galilea. Sinumpalannani Felipe a kalubbunanda Andres anni Pedro a taga-Betsaida, e sinapiꞌna sikwana si, “Mebulungka sikwak ta mabbalika si adalangku.”

Juan 1:45

I Felipe, inangnga inintufuki Natanael, e wasin sinumpalanna, nekunna sikwana si, “Sinumpalamminnino tolaya neturakki Moises sino leburuwa neturakkanino lintig anna neturak kappayino gumalabbunira siꞌin. Antuwi Jesus a taga-Nazaret a abbingi Jose.”

Juan 1:46

Sinabbi Natanael si, “Ma, wara kad nalawad si maggabwat sey Nazaret?” “Anta lud ta itannu,” kunni Felipe.

Juan 1:48

“Sanneno nangammuwannu sikwak?” kunni Natanael. E kunni Jesus sikwana si, “Initatakan sin aggatutturannu sino fungalla kayuwa igos sin ammeraka kepay inayani Felipe.”

Juan 4:35

Aneno assapitandawa ‘Appata dakkino taronan, kasena aggarani.’ Udde ino sapitangku sikwayu, aggaraniyen sito ingkein. Itandonaddino tolayira a umaraꞌni sikwatam. Ireno ampariyangku si maganiyen nad ingkein.