Juan 19:6 - Ino sapiti Dios: bawuwa tulag

⁶ Wasin initeno pangafuwanirana padi andino gwardiyera i Jesus, nekulawura si, “Papatayannun! Ilansam si krus!” Udde sinapiti Pilato sikwara si, “Ikkayungkepemantuweno milansa sikwana si krus, se nu ikkanak, awana ammuk si liwaꞌna.”

Juan 19:6 Iomraidhean Croise

Mateo 26:58

Dumadandani Pedro sino gafanda kiyad si ginamwang sino kalawatan inaya balay, e inang nakituttud sino gwardiyera kesi itanneno makwa ki Jesus.

Mateo 27:22

“Nu kunnenoy, sanna mantuweno akwangku ki Jesus a mingngan si Kristo?” kunni Pilato. “Ilansam si krus!” kunda ammin.

Mateo 27:24

Wasin magiꞌna i Pilato si awaninna damana akwan se araꞌniyenna maguluguluweno tolayira, nappaappa si danum e binagguwanneno kamaꞌna sino naraꞌlanganda, e sinapiꞌna si, “Antuyawino mangipaita si ammek lumaꞌlaka mamapatay sitawa tolay. Ikkayuneno makammu!”

Lucas 23:4

E sinapiti Pilato sino pangafuwanirana padi andino korwanira a tolay si, “Awana naammuwangku si liwaꞌna.”

Juan 18:3

Antu gafuna, inangngi Judas sinaya nifuyut sino sindaluwera andino gwardiyana Templo a dinundunino pangafuwanirana padi andino Fariseowera. Nassirwatira anna narmasira.

Juan 18:31

E sinapiti Pilato sikwara si, “Ikkayu pelangino makammu, ukumandawingkepaya metuntul sino lintiddaw.” E sinabbadda si, “Udde ikkamiya Judyu, awana kalintiyammiya mamapatay si tolay.”

Juan 18:38

“Adasi wara kakuruwan?” kunni Pilato. Wasinoy, nallawangkappayi Pilato, e sinapiꞌna sino Judyuwera si, “Awaningke a naammuwangku si liwaꞌna.

Juan 19:15

Udde neangkakulawura si, “Papatayannun! Papatayannun! Ilansam si krus!” E nebebuti Pilato sikwara si, “Anggandaw ta pelansakino ariyu si krus?” E sinabbino pangafuwanirana padi si, “Awana korwan si arimi nu bakkampelangino Emperador.”

Juan 19:4

Wasinoy, nallawangkappayi Pilato, e sinapiꞌna sino Judyuwera si, “Itandaw, ipaaꞌlangkuna sikwayu takesi maammuwandaw si awana ammuk si liwaꞌna.”

Inangwa 2:23

I Dios, neyakkurungngeno dinandamma siꞌina iyalawaꞌna i Jesus sikwayu, e ikkayuweno namapatay sikwana se neyalawaꞌdaw sino narakkattira a tolay takesi ilansara sino krus.

Inangwa 7:52

Se awana gumalabbuni Dios siꞌin si ammena nelopalopetino gagginafutamira. Massiki ino nangipakaammuwera sino gamwangani Kristo a awana liwaꞌna, pinapaterera kappay. E wasin ginamwangi Kristo, ikkayu kappayino nitittik sikwana e nepapapateyu.