Juan 19:28 - Ino sapiti Dios: bawuwa tulag

²⁸ Wasinoy, ammuwenni Jesus si inangwanan amminino nepakwa i Dios sikwana, e sinapiꞌna si, “Mauwawak,” takesi meyakkuruwino nepeturakki Dios.

Juan 19:28 Iomraidhean Croise

Lucas 12:50

Maawa madyatanakungke, antuweno aggalowino nakangku kiyad si madaꞌngenay.

Lucas 18:31

Wasinoy, neyaroyuwi Jesusino karadwera a adalanna, e sinapiꞌna sikwara si, “Dingngaggandaw. Sitoya, umangngetam sey Jerusalem, e meyakkurungngeno ammina neturakkino gumalabbunira mappeafu sikwaka Abbingnga Tolay.

Lucas 22:37

Se meyakkuruwin sikwakino neturakka sapiti Dios a kunna si, ‘Nebilang si tulisan.’ Sitoya, araꞌniyenna meyakkurug amminino neturakkino gumalabbunira mappeafu sikwak.”

Juan 13:1

Wasi tata si gafi liyeya mangiyafuweno fiyestana Laꞌwutan, ammuwenni Jesus si nadaꞌngennino tiyempowa anawanna sito lubag ta muliyen ki Amana. Inaanggammangke ino tolenera sito lubag, e ipaitaneno agganggamma sikwara makkiyad sino katayanna.

Juan 17:4

Nepaitak sito lubaggino kedayawannu, se inangwak amminino nepakwam sikwak.

Juan 18:4

Gafu se ammuwi Jesus amminino makwa sikwana, inangngera dinambal e sinapiꞌna si, “Inyeno tufukandaw?”

Juan 19:24

E nattatarabbanda si, “Nalawad nu ammetam pissayan, ta pabbabinnunutantam ta itantam nu inyeno makangkwa.” E antuweno inangwara. Kunnenoyino nakwa ta meyakkuruwino nepeturakki Dios a kunna si, “Ginaradwareno barawasik, e nabbinnunutandeno barawasika ataꞌnang.”

Juan 19:30

Wasin sinussupi Jesus inoya tayug, sinapiꞌna si, “Neyakkuruwin.” E nalluntay se natayin.

Juan 19:36

Nakwa ammin inoy takesi meyakkuruwino nepeturakki Dios a kunna si, “Awana mabandu si massiki tata sino tulangnga.”

Juan 4:34

Wasinoy, sinapiti Jesus sikwara si, “Ino akkanangkuwa mamiyag sikwak, antuweno pangwangku sino anggammino nanundun sikwak anna balinangkuweno nepakwana sikwak.

Inangwa 13:29

Wasin inangwarenoy e neyakkuruwin amminino neturak mappeafu sikwana, nepaarira sino krus e sinannanda.