Juan 18:8 - Ino sapiti Dios: bawuwa tulag

⁸ “Ikkanak kungkummangke sikwayu,” kunni Jesus. “Nu ikkanakino tufukandaw, ammeyu nad idagga yo bafulungkuwera.”

Juan 18:8 Iomraidhean Croise

Mateo 26:56

Udde nakwa ammin yaw takesi meyakkuruwino nepeturakki Dios sino gumalabbunira.” Sin nassapitani Jesus sinay, nabbafukal amminino adalannera e nananawanda.

Juan 10:28

e aꞌdangkuwera si biyaya mannayun. Ammerangke mekatway ki Dios si makkikiyad, e awangkappaya makafulat sikwara sikwak.

Juan 13:1

Wasi tata si gafi liyeya mangiyafuweno fiyestana Laꞌwutan, ammuwenni Jesus si nadaꞌngennino tiyempowa anawanna sito lubag ta muliyen ki Amana. Inaanggammangke ino tolenera sito lubag, e ipaitaneno agganggamma sikwara makkiyad sino katayanna.

Juan 13:36

Wasinoy, nebebuti Simon Pedro si, “Afu, sintomatino angannu?” E sinabbi Jesus si, “Ammeka makadandan sikwak ingkein, udde dumandangka kappena.”

Juan 16:32

Se araꞌniyennino tiyempowa makakaratwekayu. Tatatata sikwayuweno umang sino balenangkepay, e matakak. Udde ammek gakkuruwa matak, se kanayuna ana i Ama sikwak.

Juan 18:7

Wasinoy, nebebukkappayi Jesus si, “Inya maꞌlurino tufukandaw?” E sinapiꞌda kappay si, “I Jesus a taga-Nazaret.”

Juan 18:9

Antuweno sinapiꞌna takesi meyakkuruwino sinapiꞌna sino Amana si awaningke nawawan sino tolayira a netalaꞌnga sikwana.

1 Corinto 10:13

Ammina itutunggungi Satanas sikwayu, awana nedumanna sino itutunggungnga si ammina tolay. E natalakki Dios a manuffun sikwayu, se ammerakayu purayana matutunggungan sino ammeyu dama a affutan, nu ammena lud iyaꞌdaneno pannakadamayuwa miyattam, takesi ammekayu malliwat.

2 Corinto 12:9

Udde netabbangnga si, “Gafu sino duffungku sikwam, damama attamman ammin. Se nu nakafuyka, gakkuruwa maiteno pannakadamak sikwam.” Gafu sinaya sinapiꞌna sikwak, ammek netuluya nepaari, nu ammek lud naanggam gafu sino kinakafuyku, se kadda nakafuyak, giꞌnangkuweno pannakadama i Kristo a manuffun sikwak.

Efeso 5:25

Ikkayu kappaya lallaki, anggammandonaddino aꞌatawayuwera a kunneno agganggammi Kristo sikwatam ammina mangurug. Se ino inangwana, neyaꞌdaneno baggina a natay para sikwatam

1 Pedro 5:7

Italaꞌdonad ki Diosino ammina pakaburungandaw, se ikalorakayu anna imutandakayu.