Juan 12:37 - Ino sapiti Dios: bawuwa tulag

³⁷ Massiki odduwennino kakkaꞌbawa senyala inangwa i Jesus a initeno tolayira, ammera kepay mangurug sikwana.

Juan 12:37 Iomraidhean Croise

Mateo 11:20

Wasinoy, nebuya i Jesusino tolayira a nagyan sino lulubbuna nangwanna si oodduwa kakkaꞌbaw, se ammera nabboboli sino liwaꞌda.

Lucas 16:31

“Udde sinapikkappayi Abraham si, ‘Nu ammera kuruwannino neturakki Moises andino gumalabbunira, ammera kappay mangurug massiki nu wara mangngangoli si natay.’ ”

Juan 1:11

Massiki inang sino gakkuruwa lubbunna, inammera kappay.

Juan 11:42

Ammuk si aggadingngaggandak, udde sapitangku yaw gafu sino tolayira sitaw, takesi kuruwanda si ikkeno nanundun sikwak.”

Juan 12:36

Sitoya a ayawak kepaya sirwat, manguruggayu nad sikwak takesi mabbalikayu si tolaya mawaldanino nakanda.” Wasin sinapiti Jesus inoy, inanawannera e ammenan nappadda sino tolayira.

Juan 12:38

Antuweno neyakkuruwanino nelabbuni Isaias siꞌina kunna si, “Afu Dios, kunnangke awaningke a mangurug sino sinapiꞌmi, e ammera kappay nepilingalingeno nepaitama pannakadamam.”

Juan 15:24

Bakkan nadda liwaꞌdeno ammera panguruwan sikwak, nu awan nadda nepaitak si kakkaꞌbawa awana korwan si makaangwa. Udde massiki initareno inangwak, kababannaddakami anni Ama.

Juan 2:11

Inaya inangwa i Jesus sey Cana a tata a lubbunna Galilea, antuweno palunguwa kakkaꞌbawa inangwana a mangipaita sino pannakadamana. E nanguruwino adalannera sikwana.

Juan 6:2

Odduwera a tolaya dinandan sikwara, se initareno kakkaꞌbawa inangwana sino natakitira.