Juan 11:28 - Ino sapiti Dios: bawuwa tulag

²⁸ Wasin sinapiti Marta inay, nuli sino balera, kinulafattanna i Maria, kasena nedumidumiya, “Ginamwangino Afutam e paayaddaka.”

Juan 11:28 Iomraidhean Croise

Mateo 26:18

Sinapiꞌna si, “Umangkayu sey Jerusalem sino agyananino tata a lalakiya ammutam, e sapitandaw sikwana si, ‘Kunnino Afumi si nadaꞌngennino katayanna, e sitawin baleyuweno pakipangnganammi ammin sino fiyestana Laꞌwutan.’ ”

Marcos 10:49

Nitturi Jesus e sinapiꞌna si, “Ayandaw taw.” Inayandeno lappat, e sinapiꞌda sikwana si, “Pattuyaggannu naddino nakammu. Mattaꞌdagga se paayaddaka.”

Marcos 14:14

e sapitandaw sino makwan balay si, ‘Kunnino Afumi, sintawino kwartuwa pakipangnganammi andino adalangkuwera sino fiyestana Laꞌwutan?’

Lucas 22:11

e sapitandaw sino makwan balay si, ‘Kunnino Afumi, sintawino kwartuwa pakipangnganammi andino adalangkuwera sino fiyestana Laꞌwutan?’

Juan 1:41

Kinangkamanna a sinufuki Simon e sinapiꞌna sikwana si, “Sinumpalammiyeno Mesias.” (Ino anggamma sapitan, ino Kristo a dinunduni Dios sito lubagga matturay.)

Juan 1:45

I Felipe, inangnga inintufuki Natanael, e wasin sinumpalanna, nekunna sikwana si, “Sinumpalamminnino tolaya neturakki Moises sino leburuwa neturakkanino lintig anna neturak kappayino gumalabbunira siꞌin. Antuwi Jesus a taga-Nazaret a abbingi Jose.”

Juan 10:3

Antuweno patallungannino gwardiya neno lamwangan, e ayanneno karneronera. E nu taiingnganannera, maimunuwandeno damiꞌna, e umaddanira sikwana, kasenera pallawanan.

Juan 11:20

Wasin diningngaggi Marta a araꞌniyenda Jesus a gumamwang, inangngira dinambal. Udde i Maria, natak sino balera.

Juan 11:29

Wasin diningngaggi Maria inay, ginabwat e nakkangkama inang dinambal ki Jesus,

Juan 11:30

se ana kepera Jesus sino patabboka nanambalani Marta sikwana.

Juan 13:13

Nganandak si Mesturu anna Afu, e nalawad yana sapitandaw se gakkuruwingke.

Juan 20:16

“Maria,” kunni Jesus. E inaꞌlangi Maria sikwana a sinapiꞌna si, “Rabboni.” (Ino anggamma sapitan sino damiꞌna Judyu, Mesturu.)

Juan 21:7

Waso kunnenoy, ino adalana iiddukani Jesus, sinapiꞌna ki Pedro si, “Antuwenayino Afutam.” Wasin diningngaggi Simon Pedro inay, nabbarawasiyen se nalluꞌbung, e nakkangkama nallattu sino danuma umang ki Jesus.

1 Tesalonica 5:11

Kunnantu, ituluydawino akwandawa makkapatapatuyag si nakam anna makkaduduffungkayu ta mattuyaggino angnguruddaw.

Hebreo 12:12

Kunna antu, massiki odduweno dyata lawumandaw, ammeyu nad madismaya sino angnguruddaw. Pattuyaggandonaddino nakandaw.