1 Juan 4:16 - Ino sapiti Dios: bawuwa tulag

¹⁶ Ikkanetama mitaꞌdag ki Jesus, ammutamino agganggammi Dios sikwatam e antuweno talakkantam. Gagangayi Dios a manggam si tolay. Antu gafuna, ino tolaya manggam ki Dios andino kasittolenera, mattalaginad ki Dios e mattalaginaggappayi Dios sikwana.

1 Juan 4:16 Iomraidhean Croise

Juan 6:69

Natalanggaggami si ikkeno nadiosana dinunduni Dios sito lubag a matturay.”

Juan 9:3

E sinabbi Jesus si, “Bakkanna liwaꞌneno nalappattanna, anna bakkangkappaya liwatino mapparanaꞌngera, nu ammena lud nalappat takesi maiteno pannakadama i Dios a mappabattunoy sikwana.

1 Corinto 2:9

Ino sapitammiyeno keyakkuruwanino nepeturakki Dios siꞌina kunna si, “Ino ammena kepay naita onnu nadingngangnga tolaya ammera madandam, antuweno nedadani Dios a iyaꞌda sino manggammira sikwana.”

1 Juan 3:1

Dandammantamino dokalla agganggammi Dios sikwatam, se gafu sino aggidduꞌnga sikwatam, nebilandetam si abbingnga, e gakkuruwa abbindetam. Udde ino ammera mangurug, ammera maimunuwan si abbindetami Dios, se ammera kappay ammuwi Dios a Amatam.

1 Juan 3:16

Ino pangammuwantam sino gakkuruwa agganggam, neyaꞌda i Kristoweno biyangnga para sikwatam. Antu gafuna, ikkanetangkappay, midadanetammadda mangaꞌda sino biyaddam para sino kakkolattamira.

1 Juan 3:24

Ino manuntul sino tunira i Dios, mattalaginad ki Dios anna mattalaginabbayi Dios sikwana. Ino pangammuwantam si mattalaginari Dios sikwatam, ana sikwatamino Espirituwa neyaꞌdana.

1 Juan 4:7

Ikkayuwa iiddukangku, makkaaanggammetammad, se i Diosino paggabwatanino agganggam. Kunnantu, ino manggam sino kakkolaꞌngera, abbingi Dios a nangammu sikwana.