1 Corinto 13:9 - Ino sapiti Dios: bawuwa tulag

⁹ Se ino inammutam sito ingkein, kurang kepay, e kurang kappayino ipakaammutama naggabwat ki Dios.

1 Corinto 13:9 Iomraidhean Croise

Mateo 11:27

Wasinoy, sinapiti Jesus sino tolayira si, “Ikkanakino nitalakkani Ama si amammin. Awana makaammu sikwak nu bakkanni Ama, e awangkappaya makaammu ki Ama nu bakkannappelanga Abbingnga andino tolayira a pilingkuwa pangipakaammuwan.

Roma 11:34

Kakunnana kappayino nepeturaꞌnga siꞌina kunna si, “Awana tolay si makaammu sino nakammi Dios, anna awana makatuldu sikwana.

1 Corinto 13:10

Udde nanu gumamwangino awana pakkuranganna, maawanna ammin inaya pannakadama.

1 Corinto 13:12

Mekunnetam si abbing, se kurang kepayino ammutam mappeafu ki Dios. Ammetangkepay kura inammu, a kunnangke itantam pelangino alinona sino nakkulapata aggasopekawan. Udde naso maddagguna aw, awaninna kulapat si itantam, se makkaititetamma. Nanu dumaꞌnganenoya aw, awaninna kurangngeno ammutam mappeafu sikwana se mekunnana sino nangammuwanna sikwatam.

1 Corinto 2:9

Ino sapitammiyeno keyakkuruwanino nepeturakki Dios siꞌina kunna si, “Ino ammena kepay naita onnu nadingngangnga tolaya ammera madandam, antuweno nedadani Dios a iyaꞌda sino manggammira sikwana.”

1 Corinto 8:2

Ino tolaya isangeleꞌneno ammuna, ammena kepay ammuweno anggammi Dios si maammuwanna.

Efeso 3:8

Massiki ikkanakino kaabbafawan sino ammina tolena, pinilinak kepaya mangipakaammu sikwayuwa bakkanna Judyuweno kinalawanneno duffuni Kristo a awana kakunnana.

1 Juan 3:2

Ikkayuwa iiddukangku, abbindetami Dios sito ingkein, udde ammetangkepay kura inammuweno pabbalinantamma. Udde ino ammutam, nanu muliyi Kristo, mekunnetamma sikwana se maitatamma si nalawad.