तीतस 3:5 - परमेश्‍वरए ताँ तमु क्युइर

⁵ खीजीन् ङ्योलाइ जोगेमिंइ। ङ्योइ छ्याँबै के लसि छारा छ्ह योंब आङिं, बरु खीए दयाउँइँले पबित्र प्ल्हजी ङ्योलाइ पापउँइँले ख्रुमिंसि छारा छ्ह पिंसि, छारा लमिंइ।

तीतस 3:5 Iomraidhean Croise

भजनमैं 130:7

ओ इस्राएल, याहवेहए फिर आशा थेंन्! तलेबिस्याँ याहवेजी खोंयोंन् बिलै म्याँया लरिम्, धै तोंन्दोरि आछ्याँबै सैउँइँले खीजीन् जोगेमिंम्।

भजनमैं 143:2

ह्रोंसए केब्छैंए बिरोधर निसाफ आलमिंनु, तलेबिस्याँ क्हिए उँइँर सोगों म्हिमैं खाबै या ठिक ठर्दिल् आखाँ।

भजनमैं 51:10

ओ परमेश्‍वर, ङए खों छ्याँब लमिंन्, धै ङलाइ ठिक सैं पिंन्।

भजनमैं 62:12

ओ याहवेह, क्हिजी खोंयोंइ आनुबै म्हाँया लमुँ। तलेबिस्याँ क्हिजी ताँन् म्हिमैंलाइ ह्रों-ह्रोंसइ लबै के अन्सार्बै नों सै पिंम्।

भजनमैं 86:15

दिलेया ओ प्रभु, क्हि ल्हयो खब नेरो दयाम्हाँया मुँबै परमेश्‍वर ग, युनन् ह्रिस आखब, ताँनए फिर खोंयोंइ आनुबै म्हाँया लब नेरो भर लल् खाँब मुँ।

भजनमैं 86:5

तलेबिस्याँ ओ प्रभु, क्हि स्वाब नेरो क्षमा पिंरिब् मुँ, क्हिए मिं किंब्मैं ताँनलाइ क्हिजी खोंयोंइ आनुबै थेबै म्हाँया लम्।

मत्ती 3:11

“क्‍हेमैंए सैं परमेश्‍वरउँइँ एइ बिब् उँइँबर ङइ क्‍युर प्‍ल्हुँमिंसि बप्‍तिस्‍मा पिंम्। दिलेया ङए लिलि युबै म्‍हि ङ भन्दा बेल्‍ले शक्‍ति मुँब मुँ। खीजी क्‍हेमैं परमेश्‍वरए पबित्र प्ल्ह नेरो मिइ बप्‍तिस्‍मा पिंब्‍मुँ। ङम् खीए जुत्ता नोबै लायगर्बै आरे।

लूका 1:50

खीए मान लब्‍मैंए पुस्‍ता-पुस्‍ताए फिर खीजी ल्हयो खम्।

लूका 1:54

परमेश्‍वरजी ङ्योए खेमैंने फैबै बाछा पूरा लसि ह्रोंसलाइ म्हाँदिबै इस्राएलीमैं ल्होबर खी युइमुँ।

लूका 1:72

खीजी ङ्योए खेमैंने फैबै पबित्र बाछा मैंसि ङ्योए फिर ल्हयो खमिंइमुँ।

लूका 1:78

तलेबिस्याँ ङ्योए परमेश्‍वरए ल्हयो म्हाँया मुँब मुँ, छतसि न्हाँगर प्योबै त्हिंयाँ धोंले खीए चारबै ह्‍वे स्वर्गउँइँले ङ्योए फिर चारब्मुँ।

रोमी 11:14

चु केइ लमा ह्रोंसए ह्रेंर्बै म्‍हिमैंज्‍यै या क्‍हेमैं म्रोंसि ह्रिस लसि को-कोइ परमेश्‍वर ङाँइ सैं एल् खाँलै।

रोमी 11:6

चमैंइ धर्म-कर्म लसि आङिं, परमेश्‍वरए दयाम्हाँयाइ लमा खीजी चमैंलाइ त्‍हाँब् ग, आस्याँ खीए दयाम्हाँया छलेन् पिंबै दयाम्हाँया आतमल।

रोमी 12:2

चु ह्‍युलर्बै म्‍हिमैंइ लब् धोंबै आछ्याँबै केमैं क्‍हेमैंइ आलद्, बरु ह्रोंसए सैंर छारा तसि सैं न्होंउँइँले ओंनों छ्याँब तद्। छ तस्‍याँ मत्‍त्रे क्‍हेमैंइ परमेश्‍वरए इच्छा तो मुँ बिसि था सेल् खाँम्, अथवा तो सै स्‍वाब मुँ, तो सैइ परमेश्‍वरए सैं तोंन् लमना, तो सै छ्याँब मुँन बिसि क्‍हेमैंइ सेब्‍मुँ।

रोमी 3:20

छतसि ठिमर्बै ताँमैं छेनाले म्हाँदिलै या परमेश्‍वरए उँइँरि ठिक ठर्दिल् आखाँ। तलेबिस्याँ ठिमर्बै ताँउँइँलेन् म्‍हिमैंइ पाप तो जा बिसि सेम्।

रोमी 3:28

छतसि ठिमइ बिब् म्हाँदिसि परमेश्‍वरए उँइँर ठिक ठर्दिल् आखाँ, दिलेया येशू ख्रीष्‍टए फिर बिश्‍वास लसि मत्‍त्रेन् परमेश्‍वरए उँइँरि म्‍हिमैं ठिक ठर्दिम्।

रोमी 4:5

धर्म-कर्म आलन बिलेया ठिक ठर्दिमिंबै परमेश्‍वरए फिर बिश्‍वास लस्याँ, चइ बिश्‍वास लबइले परमेश्‍वरजी चलाइ छ्याब् आरेबन् ठर्दिमिंम्।

रोमी 9:11

चमैंइ छ्याँब आछ्याँब तोइ आलमन् फो न्होंर मुँमन् चमैंए के ङ्‌ह्‍योसि आङिं, बरु परमेश्‍वरजी बिब् धोंलेन्, च च्हमैं ङ्हिंर घ्रिलाइ त्हाँल बिबै प्रमाण उँइँबर

रोमी 9:16

छतसि म्‍हिए इच्छा नेरो भोंइ आङिं, परमेश्‍वरए म्हाँयाजी म्हिलाइ त्‍हाँब् ग।

रोमी 9:30

छतसि ङ्योइ तो बिल् त्‍हुम्? ठिमइ बिब् धोंले आप्रलैया अरू ह्रेंर्बै म्‍हिमैंइ बिश्‍वास लबइले परमेश्‍वरजी चमैंलाइ खीए उँइँरि ठिक ठर्दिइ।

१ कोरिन्थी 6:11

क्‍हेमैं न्‍होंरि ओंसों को-कोइ छाबै म्हिमैं मुँल, दिलेया तिंजोरो प्रभु येशू ख्रीष्‍टए मिंउँइँले नेरो ङ्योए परमेश्‍वरए प्ल्हउँइँले क्‍हेमैं पापउँइँले चोखो तइमुँ, क्‍हेमैं परमेश्‍वरए म्‍हिमैं तइमुँ, झाइले परमेश्‍वरए उँइँर क्‍हेमैं ठिक ठर्दिइमुँ।

गलाती 2:16

दिलेया ‘यहूदीमैंए ठिम म्‍हाँदिसि म्हि ठिक आठर्दि, येशू ख्रीष्‍टए फिर बिश्‍वास लसि मत्‍त्रे म्हिमैं परमेश्‍वरए उँइँर ठिक ठर्दिम्,’ बिसि ङ्योइ था सेइमुँ। ठिमइ लद् बिबै के लबर्न परमेश्‍वरए उँइँर खाबै या ठिक ठर्दिल् आखाँ। छतसि ख्रीष्‍टए फिर बिश्‍वास लसि मत्‍त्रे ङ्यो परमेश्‍वरए उँइँर ठिक ठर्दिरिगे बिसि ङ्योज्यै या ख्रीष्‍ट येशूए फिर बिश्‍वास लइ।

एफिसी 2:4

दिलेया सजैं पिंबै साटोर परमेश्‍वरजी बेल्‍ले ल्हयो खसि थेबै म्हाँया लइ।

एफिसी 4:23

तारे पबित्र प्ल्हजी क्हेमैंए सैं छारा लमिंरिगे।

एफिसी 5:26

बिश्‍वासीमैंलाइ पबित्र लबर ख्रीष्‍टजी ह्रोंसए बचनउँइँले नेरो क्युइ ख्रुसि चोखो लमिंइ।

कलस्सी 3:10

छतसि छारा बानि योंसि तारे क्हेमैंइ छ्याँबै सैं प्ह्‍यासि छारा म्‍हिमैं तइमुँ। धै क्हेमैंइ खीलाइ छेनाले ङो सेरिगे बिसि परमेश्‍वरजी चु छाबै छारा म्हि बनेसि खी धोंबन् लमिंरिइमुँ।

२ तिमोथी 1:9

परमेश्‍वरजी ङ्यो जोगेमिंसि खीए म्‍हिमैं लबै ल्हागिर त्‍हाँइ। ङ्योइ छ्याँबै केमैं लमा आङिं, ङ्योए फिर मुँबै खीए दयाम्हाँयाउँइँले परमेश्‍वरजी ङ्यो त्हाँबै सैं खइ। तलेबिस्याँ ह्‍युल बनेब् भन्दा ओंसों ओंनोंन् ख्रीष्‍ट येशूउँइँले खीजी च दयाम्हाँया ङ्योलाइ पिंल।

तीतस 3:4

दिलेया ङ्योलाइ जोगेमिंबै परमेश्‍वरजी खीए ल्हयो नेरो म्हाँया उँइँमिंसि,

हिब्रू 10:22

छतसि ङ्योए आछ्याँबै सैंमैं चोखो लसि पबित्र क्युइ ङ्योए ज्यु ख्रुमिंइ, छतसि छ्याँबै सैंइ खीए फिर बिश्‍वास लसि खीए फिर सैं केंसि ङ्यो परमेश्‍वरए उँइँर ह्‍याले।

हिब्रू 4:16

छतसि ङ्योलाइ खाँचो तबै त्हेर खीए साहयता नेरो परमेश्‍वरए दयाम्हाँया योंल् खाँरिगे बिसि सैं भोंब् लसि दयाम्हाँया मुँबै परमेश्‍वरए ङाँर ङ्यो ह्‍याले।

हिब्रू 6:6

दिलेया चमैंइ परमेश्‍वरए फिर बिश्‍वास लब पिवास्याँ, चमैंए सैं एसि परमेश्‍वर ङाँर पखल् आखाँ! तलेबिस्याँ चमैंइ खेंमैंइ लबै पापइ लमा परमेश्‍वरए च्‍हलाइ धबै क्रूसर च्योवामुँ, धै ताँनए उँइँरि खीए आब्रु वाम्।

१ पत्रुस 1:3

ङ्योए प्रभु येशू ख्रीष्‍टए आबालाइ ङ्योइ धन्‍यबाद पिंल् त्हुम्! तलेबिस्याँ खीए शक्‍तिजी येशू ख्रीष्‍टलाइ सिबउँइँले धबै सोगों लमिंबइले ङ्योइ छारा छ्ह योंइ। छतसि ङ्योइ खोंयोंन् बिलै परमेश्‍वरने टिल् योंबै क्ह्रोंसेंन्बै आशा योंइमुँ।

१ पत्रुस 2:10

ओंसों क्‍हेमैं परमेश्‍वरए म्हिमैं आतल, दिलेया तिंजोरो क्हेमैं खीए म्हिमैं तइमुँ। ओंसों क्हेमैंइ परमेश्‍वरए म्हाँया आयोंल, दिलेया तिंजोरो क्‍हेमैंइ परमेश्‍वरए म्हाँया योंइमुँ।

१ पत्रुस 3:21

चु नाँ बाडिए क्यु बप्‍तिस्‍माए नमुना ग, तलेबिस्याँ नोआ नेरो चए परवालाइ क्‍युउँइँले जोगेब् धोंले क्‍हेमैंलाज्यै या येशूए मिंर क्‍युर प्ल्हुँसि जोगेमिंब्मुँ। खैले जोगेम् बिस्‍याँ परमेश्‍वरजी येशू ख्रीष्‍टलाइ सिबइले धबै सोगों लमिंबइले क्‍हेमैंइ छारा छ्ह योंइमुँ। चु बप्‍तिस्‍मा क्‍युइ ज्यु ख्रुब् धों तब आङिं, बरु क्‍हेमैंए सैं छ्याँब् प्ह्‍यासि बानि ब्योर छ्याँब् तरिगे बिबै ल्हागिर परमेश्‍वरउँइँले खबै बाछा ग।