रूथ 3:2 - परमेश्‍वरए ताँ तमु क्युइर

² बोअज ङ्योए नातो न्होंर्बै म्हि ग, क्हि या चए म्रोंस्योमैंनेन् बा-बालु के लप्रइमुँ; तिंयाँ म्हुँइँसर बोअजइ खलर जौ बतेब्मुँ।

रूथ 3:2 Iomraidhean Croise

उत्पत्ति 50:10

छले चमैं यर्दन ङाँर्बै आतादए खलर फेनेसि चर बेल्‍ले शोक लसि क्रोइ। योसेफइ चर ङिरो समा ह्रोंसए आबाए ल्हागिर शोक लइ।

रूथ 2:1

चर बोअज बिबै प्लबै म्हि मुँल। च ह्रोंसए प्युँ एलीमेलेक ङाँइले नाओमीलै या नातो फेमल।

रूथ 2:8

छबिमा बोअजइ रूथने बिइ, “ओ ङए च्हमि, थेद्, अरूमैंए म्रोंर ह्‍यासि सिलमैं आम्हैद्, ङए के लबै म्रिंस्योमैंने प्रे चुर्न सिलमैं म्हैद्।

रूथ 3:1

तिगैं रूथए स्युमि नाओमीइ चने बिइ, “ओ ङए च्हमि, ङए सैंर तारे क्हि ब्ह्‍या लसि ह्रोंसल्न धिं-नाँ चुसि टिस्याँ तमला ङ्हाँइमुँ।

रूथ 3:3

छतसि ख्रुसि छ्युगु फोद्, धै छ्याँबै क्वें खिसि खलर ह्‍याद्, दिलेया चइ चब-थुँब लल् आखाँन् समा क्हि चए ओंसों आह्‍याद्।