रूथ 2:20 - परमेश्‍वरए ताँ तमु क्युइर

²⁰ च ताँ थेसि नाओमीइ ह्रोंसए चोंने बिइ, “याहवेहजी च म्हिलाइ आशिक पिंरिगे! याहवेहजी सोगोंमैं नेरो सियाब्मैंए फिर ल्हयो खमिंइ!” धबै नाओमीइ चने बिइ, “च ङ्योए नातो न्होंर्बै म्हिन् ग। ङ्योए फिर दु:ख तमा ङ्योलाइ ल्होल् त्हुबै म्हिमैं न्होंर च घ्रि ग।”

रूथ 2:20 Iomraidhean Croise

हितोपदेश 17:17

क्ह्रिबै थुइ खोंयोंन् बिलै म्हाँया लमुँ, धै दु:ख सुखर आघें-अलिमैंन् केर फेम्।

फिलिप्पी 4:10

ङ प्रभुर बेल्‍ले सैं तोंइमुँ, तलेबिस्याँ ल्हें त्हिं लिउँइँ क्‍हेमैंइ धबै ङलाइ मैंन। क्ह्रोंसेंन क्हेमैंइ ङए ल्हागिर न्हुँ लन, दिलेया क्हेमैंइ ल्होबै मौका आयोंल।

रूथ 2:21

स्युमिइ छबिमा रूथइ धबै बिइ, “च म्हिइ ‘ङए म्रोंर्बै जौ खुल् आखाँन् समा क्हि या ङए म्रोंमैंने बालुन् जौ खुरिद्,’ बिसि ङने बिइमुँ।”

रूथ 3:12

क्हिए दु:ख सुखर ल्होमिंल् त्हुबै म्हि ङ ग बिब क्ह्रोंसेन ग, दिलेया अझै ङ भन्दा चेंदोंर्बै नातो फेबै म्हि घ्रि मुँ। चइ क्हेमैंए दु:ख सुखर ल्होमिंल् त्हुम्।

रूथ 4:14

छतसि चर्बै च्हमिरिमैंइ नाओमीने बिइ, “याहवेहए मिं थेब् तरिगे! क्हिलाइ ल्होबै अर्को म्हि याहवेहजी पिंमा क्हिइ क्वें योंइ। इस्राएलर चु कोलोए मिं कालेदिरिगे।

रूथ 4:4

छतसि चु चिबनाँब्मैंए ओंसों च म्रों क्हिइ किंरिगे बिब ङए सैं मुँ। तलेबिस्याँ चेंदोंर्बै नातो न्होंर्बै हगवाल क्हि ग। क्हिइ आकिं बिस्याँ ङन् किंम्, तलेबिस्याँ ङै या नातो न्होंर्बै म्हिन् ग।” छबिमा चइ “अँ अँ ङन् किंम्,” बिइ।

रूथ 4:6

चु ताँ थेसि च चेंदोंर्बै नातो फेबै म्हिइ बिइ, “चु क्ल्ह्‍यो ङ आकिं, क्हिन् किंन्। ङ चेंदोंर्बै हगवाल मुँनबिलेया चु क्ल्ह्‍‍यो किंबै हग ङइ क्हिलाइन पिंस्यो, तलेबिस्याँ चु क्ल्ह्‍यो किंइबिस्याँ लिउँइँ ङइ योंल् त्हुबै सै न्होर आयों उ बिसि ङ ङ्हिंइमुँ।”