रूथ 2:13 - परमेश्‍वरए ताँ तमु क्युइर

¹³ छबिमा रूथइ बिइ, “ङ क्हिए क्येब्स्यो आङिंलै या क्हिइ ङए सैं क्होमिंसि ङए फिर ल्हयो लइ, छलेन् खोंयोंन् बिलै ङइ क्हिउँइँले ल्हयो योंरिगे।”

रूथ 2:13 Iomraidhean Croise

उत्पत्ति 32:6

च स्यार्बोमैं याकूब ङाँर एखसि बिइ, “ङि क्हिए आघें एसाव ङाँर ह्‍यासि खइ। च क्हिने त्होबर म्हि प्लिब्ब्रा किंसि खसिन् मुँ।”

उत्पत्ति 33:10

याकूबइ बिइ, “आङिं, क्हिए म्हाँया ङए फिर मुँस्याँ गार आम्हाँदिल्‍ले ङए योर्बै क्होल्सैमैं किंमिंन्। तलेबिस्याँ ङए फिर च्हौ थेबै म्हाँया उँइँसि क्हिइ ङलाइ मान लइ। क्ह्रोंसेंन क्हिने त्होल् योंमा परमेश्‍वर म्रोंब् धोंन् ङ्हाँइ।

उत्पत्ति 33:15

एसावइ बिइ, “छ बिस्याँ ङने बालु मुँबै च्युगुदे म्हिमैं क्हि ङाँर वाथेंम्।” दिलेया याकूबइ बिइ, “च म्हिमैं चैदिलै रो वा? क्हिए दयाम्हाँया ङए फिर मुँसेरो तम्।”

उत्पत्ति 33:8

“ङइ त्होबै चु बगालए अर्थ तो जा?” बिसि एसावइ याकूबने ङ्योएमा याकूबइ बिइ, “ङए फिर क्हिइ ल्हयो खरिगे बिसि ङइ चु बगालमैं कुल्मिंब् ग।”

उत्पत्ति 34:3

शकेमइ दीनालाइ खोमल। छतसि चइ दिनाने म्हाँया लसि छ्याँ-छ्याँबै ताँमैं लइ।

उत्पत्ति 43:14

क्हेमैंए अर्को अलि नेरो बेन्यामीन फ्रेपखबै ल्हागिर च म्हिए उँइँरि तोन्दोंरि सै लल् खाँबै परमेश्‍वरजी क्हेमैंए फिर ल्हयो खरिगे। ङ प्हसे आरेब् तयाम् बिलेन तरिगे।”

हितोपदेश 15:33

याहवेहए मान लबै म्हिइ बुद्धि योंम्, ह्रोंस च्योंने तस्याँ मान योंब्मुँ।

फिलिप्पी 2:3

ह्रोंसए फायदाए ल्हागिर मत्‍त्रे तोइ आलद्। तोन् तोर्न थेब प्हैंदै तोइ आलद्, बरु ह्रोंसन् च्‍योंने तसि घ्रिइ घ्रिलाइ ह्रोंस भन्दा थेब् मैंन्।

रूथ 2:12

छले छ्याँबै के लबइले क्हिए फिर इस्राएलए परमेश्‍वर याहवेहजी आशिक पिंरिगे। खी ङाँर क्हि खइमुँ, छतसि खीजी खोंयोंन् बिलै क्हिए फिर आशिक पिंरिगे।”

रूथ 2:14

प्रु चबै त्हे तमा बोअजइ चने बिइ, “खो खो, प्रु चखो, क्हें लुँसि सिर्कार तिंसि चद्।” छबिमा रूथ जौ खैंब्मैंनेन् बालु क्हुँमा बोअजइ चलाइ ङ्‍होबै जौ या पिंइ, धै चइ म्रेंनाले चसि ङैब थेंइ।