रूथ 1:14 - परमेश्‍वरए ताँ तमु क्युइर

¹⁴ चु ताँ थेसि चमैं धबै बेल्‍ले क्रोइ। धै स्युमिलाइ म्वें लसि ओर्पा माइत धिंउँइँ एह्‍याइ। रूथ बिस्याँ स्युमिनेन् टिइ।

रूथ 1:14 Iomraidhean Croise

उत्पत्ति 31:28

ङए क्वें-क्वेंमिमैं नेरो च्हमिमैं कुलबै त्हेर तले म्वें लल् आपिंल? क्हिइ चु आछ्याँब के लइ।

उत्पत्ति 31:55

लाबान न्हाँगर्न रेसि ह्रोंसए क्वें-क्वेंमिमैं नेरो च्हमिमैं म्वें लसि आशिक पिंसि धिंर एह्‍याइ।

हितोपदेश 17:17

क्ह्रिबै थुइ खोंयोंन् बिलै म्हाँया लमुँ, धै दु:ख सुखर आघें-अलिमैंन् केर फेम्।

हितोपदेश 18:24

म्हिल थुमैं ल्हें मुँलेया नोक्सन् तल् खाँम्, दिलेया कोइ थु बिस्याँ आघें-अलि भन्दा या सब तम्।

मत्ती 10:37

“खाबइ ङ भन्दा ह्रोंसए आबा-आमाए म्हाँया ल्हें लमुँ, च ङए म्‍हि तल् आखाँ। छलेन खाबइ ङ भन्दा ह्रोंसए च्‍ह-चमिए म्हाँया ल्हें लमुँ च ङए म्‍हि तल् आखाँ।

मत्ती 16:24

झाइले येशूजी खीए चेलामैंने बिइ, “ङए लिलि खदा ङ्हाँम्मैं, ह्रोंसए ज्यु म्हाँया आलल्‍ले दुःख नोसि ङए लिलि खल् त्‍हुम्।

मत्ती 19:22

छ बिब् थेसि च फ्रेंसिं सैं च्योंब् लसि एह्‍याइ, तलेबिस्याँ चए सै न्होर ल्हें मुँल।

चेला चिब्मैंए केमैं 17:34

पावलइ बिबै ताँ क्वेंसि को-कोइ म्हिमैं चने बालुन् ह्‍याइ। चमैंए न्होंरि म्हि च्होंर्बै डियनुसियस बिबै म्हि, दामारिस बिबै च्हमिरि, नेरो अरू म्हिमैंज्यै या प्रभुए फिर बिश्‍वास लइ।

२ तिमोथी 4:10

तलेबिस्याँ डेमासइ चु ह्‍युलर्बै सैमैंए म्हाँया लसि ङलाइ वाथेंसि थेसलोनिका सहरर ह्‍याइ। क्रेसेन्‍स बिबै अलि गलातिया ह्‍युलर ह्‍याइ, धै तीतस दलमातिया बिबै क्‍ल्‍ह्‍योर ह्‍याइ।

हिब्रू 10:39

दिलेया ङ्यो लिउँइँ स्योसि नास तब्मैं न्होंर्बै आङिं, ङ्योम् बिश्‍वास लसिन् सोरिब्मैं न्होंर्बै ग।

रूथ 1:13

चमैं थेब् तन् समा क्हेमैंइ पैंल् खाँम्‍मा? ब्ह्‍या आलल्‍ले टिम्मा? छ तलन् आखाँ ङए च्हमिमैं। क्हेमैंए फिर ङइ बेल्‍ले न्हुँ लइमुँ, दिलेया ङइ तोइ लमिंल् आखाँ। तलेबिस्याँ याहवेहए ङए बिरोधर मुँ।”

रूथ 1:15

धै नाओमीइ रूथने बिइ, “ङ्ह्‍योत्ति, क्हिए आन ह्रोंसए म्हिमैं नेरो ह्रोंसए देवतामैंए ङाँर एह्‍याइ; क्हि या आन धोंलेन् ह्रोंसए माइतउँइँन एह्‍याद्।”

रूथ 1:7

नाओमीइ ह्रोंसए चोंमैं ङ्हिं किंसि ह्रोंस टिबै क्ल्ह्‍यो वाथेंइ, धै ह्रोंसए धिंर ह्‍याबर यहूदाए घ्याँ क्हाइ।

रूथ 2:11

बोअजइ बिइ, “ह्रोंसए प्युँ सियासे या स्युमिलाइ म्हाँया लसि ह्रोंसए ह्‍युल, ह्रोंसए आबा‍-आमा वाथेंसि खाबै ङो आसेबै आगुए ह्‍युलर स्युमिने प्रे खब् ग बिबै ताँ ङइ थेइ।