रोमी 7:1 - परमेश्‍वरए ताँ तमु क्युइर

¹ ओ अलि-अङाँमैं, क्हेमैं ठिमर्बै ताँ क्होब्मैंने ङ बिमुँ: म्हिमैं सोगों मुँन् समा मत्‍त्रे ठिमइ के लम् बिब क्‍हेमैंइ आसेइमुँ वा?

रोमी 7:1 Iomraidhean Croise

हितोपदेश 6:23

तलेबिस्याँ चइ बिबै ताँमैं क्हिए ल्हागिर बत्ति ग, धै लोदा सैंदाए ताँमैं क्हिलाइ घ्याँ तेंबै ह्‍वे ग, धै बानि छ्याँब् तरिगे बिसि हौदिमा छ्याँबै छ्ह थोबर क्हिलाइ घ्याँ उँइँम्।

रोमी 1:13

ङए अलि-अङाँमैं, क्हेमैंइ चु ताँ सेरिगे बिब ङए सैं मुँ। ङइ अरू ह्रेंर्बै म्हिमैं बिश्‍वासर पखसि चमैंलाइ परमेश्‍वरए के छेनाले लल् खाँब्मैं लमिंइ। छलेन क्‍हेमैंलाज्यै बिश्‍वासर भोंब् लमिंसि परमेश्‍वरए के छेनाले लल् खाँब्मैं लमिंबै ल्हागिर क्हेमैं ङाँर ङ ल्हें खे खबै सैं लइ, दिलेया तो आङिं तो के पर्दिबइले तोगो समा खल् आयों।

रोमी 10:1

ओ अलि-अङाँमैं, ङए सैं न्‍होंउँइँलेन् यहूदीमैंलाइ परमेश्‍वरजी जोगेमिंरिगे बिब ङए थेबै इच्छा मुँ, चमैंइ खोंयोंइ आखाँबै छ्ह योंरिगे बिसि ङइ परमेश्‍वरने प्राथना लम्।

रोमी 10:4

तलेबिस्याँ खीए फिर बिश्‍वास लब्मैं ताँन् परमेश्‍वरए उँइँर ठिक ठर्दिरिगे बिसि ङ्योए ल्हागिर ख्रीष्‍टजीन् ठिमइ बिब् धोंबै के लमिंइ।

रोमी 6:14

तारे क्‍हेमैंए फिर पापइ तोइ लल् खाँरिब् आरे, तलेबिस्याँ क्‍हेमैं ठिमए न्होंर आरे, परमेश्‍वरए दयाम्हाँयाए न्‍होंर मुँ।

रोमी 6:3

क्‍युर प्‍ल्हुँसि बप्‍तिस्‍मा किंबै मतलब क्‍हेमैंइ म्‍लेयाइ वा? येशू ख्रीष्‍टए मिंर ङ्योइ बप्‍तिस्‍मा किंमा प्रभुने बालुन् सिब् ग बिब क्‍हेमैंइ सेइमुँ।

रोमी 7:6

दिलेया तारे ङ्योलाइ फैथेंबै ठिमए लेखि ङ्यो सियाइमुँ। छतसि ङ्यो ठिमइ बिब् धोंले ओंसोंबै तरिकाले आङिं, परमेश्‍वरए प्ल्हजी लोमिंब् धोंले छारा तरिकाले सेवा लम्।

रोमी 9:3

ङए ह्रेंर्बै अलि अङाँमैंइ खोंयोंइ आखाँबै छ्ह योंबै ल्हागिर परमेश्‍वरजी ङलाइ सराप पिंसि ङन् ख्रीष्‍टउँइँले फ्रेवाल् त्‍हुलेया ङ सैं तोंमल।

१ कोरिन्थी 9:8

चु म्हिमैंइ बिबै ताँ मत्‍त्रे आङिं, परमेश्‍वरए छ्वेरै या छाबन् ताँ प्ह्रिइमुँ।

गलाती 4:21

क्‍हेमैं ठिमए न्होंर टिदा ङ्हाँब्‍मैंइ ङने चु ताँ बिद्: ठिमइ तो बिइमुँ बिसि क्‍हेमैंइ आसेइमुँ वा?