रोमी 1:8 - परमेश्‍वरए ताँ तमु क्युइर

⁸ ओंसों बिल् त्हुबै ताँ, येशू ख्रीष्‍टए फिर क्‍हेमैंइ बिश्‍वास लइमुँ बिबै छ्याँबै ताँमैंए बयन ह्‍युल तिगोंन् थेनेइमुँ। छतसि क्‍हेमैं ताँनए ल्हागिर येशू ख्रीष्‍टउँइँले ङए परमेश्‍वरलाइ धन्‍यबाद पिंम्।

रोमी 1:8 Iomraidhean Croise

मत्ती 24:14

झाइले स्‍वर्ग ग्याल्सर्बै सैं तोंबै ताँ ताँन् ह्‍युलर्बै ह्रेंमैंए ल्हागिरि ग्वाइ तरिगे बिसि बिमिंब्मुँ, च लिउँइँ चु ह्‍युल नास तयाब्मुँ।

लूका 2:1

यूहन्‍ना फिबै त्‍हेजरे ह्‍युल तोगोंर्बै म्‍हिमैं च्योबै ल्हागिर मिं प्‍ह्रिल् त्‍हुम् बिसि अगस्‍टस बिबै रोमी म्रुँइ बिइ।

चेला चिब्मैंए केमैं 11:28

चमैंए न्‍होंरि अगाबस मिं मुँबै म्हि घ्रि मुँल। ताँन् ह्‍युलर थेबै अँङ्गल् तबि छेइमुँ बिसि लिउँइँ तखबै ताँ पबित्र प्ल्हउँइँले चइ पोंइ। (च अँङ्गल् थेबै क्‍लौडियस म्रुँए पलोर तल।)

चेला चिब्मैंए केमैं 28:22

दिलेया क्‍हिए सैंर मैंबै ताँमैं ङिइ क्हिउँइँलेन् थेदा ङ्हाँइँमुँ, तलेबिस्याँ खन्तोदोंन् म्हिमैंइ क्हिए टोलिमैंए बारेर बिरोध लसि पोंरिब ङिइ थेइमुँ।”

रोमी 10:18

बरु ङ चु ताँ ङ्योएम्: यहूदीमैंइ थेल् आयों रो वा? थेइमुँ, तले आथेब! तलेबिस्याँ परमेश्‍वरए छ्वेर छले प्ह्रिइमुँ: “चमैंए कै पृथ्‍बी तिगोंन् थेनेइमुँ, चमैंइ बिबै ताँ ह्‍युलए कुना-कुना समन् फेनेइमुँ।”

रोमी 16:19

दिलेया क्‍हेमैंइ सैं तोंबै ताँ छेनाले म्हाँदिसि च अनुसार प्रम् बिब ताँनइ थेइमुँ। चु ताँर ङए सैं बेल्‍ले तोंइमुँ। अझै क्‍हेमैं छ्याँबै के लबर सिपालु तरिगे, धै आछ्याँबै केमैंए छ्याब क्हेमैंए फिर आखरिगे बिब ङए सैं मुँ।

रोमी 6:17

ओंसों क्‍हेमैं पापए केब्छैं मुँल, दिलेया तोगो क्‍हेमैंए सैं न्होंउँइँले परमेश्‍वरजी बिबै ताँ ङिंब्मैं तइमुँ। छतसि परमेश्‍वरलाइ धन्‍यबाद तरिगे।

१ कोरिन्थी 1:4

क्‍हेमैंए ल्हागिर खोंयोंन् बिलै ङए परमेश्‍वरलाइ धन्‍यबाद पिंम्, तलेबिस्याँ येशू ख्रीष्‍टउँइँले क्‍हेमैंइ खीए दयाम्हाँया योंइमुँ।

२ कोरिन्थी 2:14

परमेश्‍वरलाइ धन्‍यबाद तरिगे! तलेबिस्याँ खीजी ङ्योलाइ ख्रीष्‍ट येशूने घ्रिन् लमिंसि ट्होगों घ्याँर डोरेब्मुँ! धै छ्याँबै थाँ खबै धुप धों तबै खीए ज्ञानए ताँमैं ङ्योउँइँलेन् ताँन् क्‍ल्‍ह्‍योजरे फेनेब्मुँ।

एफिसी 1:15

क्‍हेमैंइ प्रभु येशूए फिर बिश्‍वास लसि परमेश्‍वरए ताँन् म्‍हिमैंए फिर म्हाँया लइमुँ बिबै ताँ ङइ थेइमुँ।

एफिसी 1:16

चु ताँ थेसि ङइ परमेश्‍वरलाइ धन्‍यबाद पिंब आपिइमुँ। ङइ खोंयोंन् बिलै क्‍हेमैंए ल्हागिर प्राथना लरिम्।

एफिसी 3:21

छतसि तारे खबै ताँन् पुस्‍ता-पुस्तार्बै बिश्‍वासीमैंइ येशू ख्रीष्‍टउँइँलेन् परमेश्‍वरलाइ खोंयोंन् बिलै मान लरिगे। आमेन, छान् तरिगे!

एफिसी 5:20

झाइले खोंयोंन् बिलै तोन्दोंरि सैए ल्हागिर प्रभु येशू ख्रीष्‍टए मिंर परमेश्‍वर आबालाइ धन्‍यबाद पिंन्।

फिलिप्पी 1:11

झाइले परमेश्‍वरलाइ मान लसि खीए मिं थेब लबै ल्हागिर येशू ख्रीष्‍टउँइँले योंबै छ्याँबै बानि क्हेमैंने तरिगे।

फिलिप्पी 1:3

क्हेमैंए साँ खब्रें लमा खोंयोंन् बिलै ङए परमेश्‍वरलाइ ङइ धन्‍यबाद पिंम्।

कलस्सी 1:3

ङिइ क्‍हेमैंए ल्हागिर प्राथना लमा ङ्योए प्रभु येशू ख्रीष्‍टए आबा परमेश्‍वरलाइ खोंयोंइ या धन्‍यबाद पिंम्।

१ थेसलोनिकी 1:2

ङि प्राथना लमा खोंयोंन् बिलै क्‍हेमैंलाइ मैंसि परमेश्‍वरलाइ धन्‍यबाद पिंम्।

१ थेसलोनिकी 2:13

धै ङिइ क्‍हेमैंने परमेश्‍वरए ताँ बिमिंमा क्‍हेमैंइ “चु क्‍ह्रोंसेंन परमेश्‍वरए ताँ मुँन” बिसि छेनाले थेसि सैं तोंन्‍ले क्‍वेंइ। चु ताँ म्‍हिइ बिबै ताँ आङिं, परमेश्‍वरजी बिबै ताँ क्‍हेमैंइ म्हाँदिइ। धै क्हेमैंए सैंरि परमेश्‍वरजी के लइनमुँ। छतसि ङिइ खोंयोंइ बिलै परमेश्‍वरलाइ धन्‍यबाद पिंरिम्।

२ थेसलोनिकी 1:3

ओ अलि-अङाँमैं, क्‍हेमैंए ल्हागिर ङिइ परमेश्‍वरलाइ खोंयोंन् बिलै धन्‍यबाद पिंलन् त्‍हुम्। छ लब ठिक मुँ, तलेबिस्याँ क्हेमैंइ लबै प्रभु येशूए फिर्बै बिश्‍वास बडिसि ह्रों-ह्रोंसए न्होंरै या घ्रिइ घ्रिने झन् ल्हें म्हाँया लरिइमुँ।

२ तिमोथी 1:3

ङए खेमैं-मामैंइ परमेश्‍वरए केमैं छ्याँबै सैंइ लब् धोंले, ङज्यै या छ्याँबै सैंउँइँले परमेश्‍वरए के लम्, छले ताँनइ छ्याँबै सैंउँइँले मान लल् त्हुबै परमेश्‍वरए सेवा लबै म्हि क्हि तबइले ङए प्राथनार खोंयोंइन् बिलै ङइ क्हिए ल्हागिर परमेश्‍वरलाइ धन्‍यबाद पिंम्।

फिलेमोन 1:4

ओ अलि फिलेमोन, ङइ प्राथना लमा क्हिलाइ मैंसि ङए परमेश्‍वरलाइ खोंयोंन् बिलै धन्‍यबाद पिंम्,

हिब्रू 13:15

छतसि येशूए मिंउँइँले परमेश्‍वरए सैं तोंबै ख्रो खोंयोंन् बिलै ङ्योइ पिंरिले। “येशू ङए प्रभु ग,” बिब्मैंइ परमेश्‍वरए छ्याँबै बयन लदै पोंस्याँ, चुन् ङ्योइ परमेश्‍वरए मिंर पिंबै ख्रो धों तब् ग। छले ङ्योइ येशू ख्रीष्‍टन् प्रभु ग बिबन् परमेश्‍वरए सैं तोंन् लबै ख्रो ग।

१ पत्रुस 2:5

छतसि क्हेमैं या येशू ख्रीष्‍टउँइँले परमेश्‍वरजी खोबै सैंर्बै ख्रो पिंबै ल्हागिर पबित्र खेगिमैं तसि खोंयोंइ तरिबै पारा धोंले पबित्र प्ल्ह टिबै धिं बनेदै ह्‍याद्।

१ पत्रुस 4:11

खाबज्यै पोंम् बिस्याँ, चइ परमेश्‍वरजी पिंबै ताँ पोंब् धोंले पोंरिगे। खाबज्यै सेवा लम् बिस्याँ चइ परमेश्‍वरजी पिंबै शक्‍तिउँइँले लरिगे, तलेबिस्याँ खाबइ तो ललेया येशू ख्रीष्‍टउँइँले परमेश्‍वरलए छ्याँबै बयान तरिगे बिसि च के लल् त्हुम्। येशूए मिंउँइँले खोंयोंन् बिलै परमेश्‍वरल थेबै मान नेरो शक्‍ति तरिगे आमेन, छान् तरिगे।