रोमी 1:3 - परमेश्‍वरए ताँ तमु क्युइर

³ चु सैं तोंबै ताँ खीए च्‍ह येशू ख्रीष्‍टए बारेर ग। खी म्हि तसि स्‍योंम्‍बै दाऊद म्रुँए खलकर फिइ।

रोमी 1:3 Iomraidhean Croise

उत्पत्ति 3:15

क्हि नेरो च्हमिरिए म्हाँजोरि धै क्हिए सन्तानमैं नेरो च्हमिरिए सन्तानए म्हाँजोरि ङइ प्होंब्-नेब् लमिंम्। च्हमिरिए सन्तानइ क्हिए क्र प्‍लेब्मुँ धै क्हिइ चए प्‍हले तिंजुर चोब्‍मुँ।”

भजनमैं 2:7

“याहवेहजी बिद् बिबै ताँ ङइ बिब्मुँ: खीजी ङने बिइ, ‘क्हि ङए च्ह ग; तिंयाँ ङ क्हिए आबा तइमुँ।

मत्ती 1:1

चु येशूए खलकर्बै ताँ ग। येशू खीए खे, दाऊद म्रुँए हाँगउँइँले फिब् ग। दाऊद स्‍योंम्‍बै खे अब्राहामए हाँगउँइँले फिब् ग। च हाँगर्बै खेमैंए मिं छाब् मुँल:

मत्ती 1:16

याकूबए च्‍ह योसेफ मुँल। योसेफए प्ह्रेंस्यो मरियम मुँल। मरियम परमेश्‍वरजी कुल्मिंबै म्रुँ ख्रीष्‍ट येशूए आमा मुँल।

मत्ती 1:6

यिशैए च्‍ह दाऊद म्रुँ मुँल। दाऊद म्रुँए च्‍ह सोलोमन मुँल। सोलोमनए आमा बतसेबा मुँल। बतसेबाए ब्ह्‍या ओंसों उरियाहने तल।

मत्ती 12:23

छले सल् लमिंब् म्रोंसि चर्बै म्‍हिमैं प्लेटोयासि “चु म्‍हि ङ्योए खे दाऊद म्रुँए च्ह मुइ उ?” बिबर होंइ।

मत्ती 15:22

च क्‍ल्‍ह्‍योउँइँले कनान ह्रेंर्बै च्हमिरि घ्रि ओरदै खसि येशूने बिइ, “ओ प्रभु, दाऊदए च्ह, ङए फिर ल्हयो खमिंन्। ङए च्हमि मोंइ स्यासि बेल्‍ले ह्रुगुदिइमुँ।”

मत्ती 26:63

दिलेया येशू तोइ आबिल्‍ले टिरिइ। धै ख्रो पिंबै खेगि क्रथेइ येशूने बिइ, “सोगों परमेश्‍वरए मिंर कसम चसि बिद्। क्‍हि परमेश्‍वरजी कुल्मिंबै म्रुँ ख्रीष्‍ट, परमेश्‍वरए च्‍ह वा?”

मत्ती 27:43

चुइ परमेश्‍वरए फिर बिश्‍वास लम्, ‘ङ परमेश्‍वरए च्‍ह ग,’ बिसि चुइ बिमल। छतसि परमेश्‍वरजी चुने म्हाँया लम् बिस्याँ खीजीन् तोगो चुलाइ जोगेमिंरिगे।”

मत्ती 3:17

झाइले “चु ङइ खोबै च्‍ह ग, चु म्रोंसि ङ बेल्‍ले सैं तोंइमुँ बिबै कै घ्रि स्वर्गउँइँले युइ।”

मत्ती 9:27

येशू च क्‍ल्‍ह्‍योउँइँले ह्‍यामा कनमैं ङ्हिंइ “ओ दाऊदए च्ह, ङिए फिर ल्हयो खमिंन्,” बिसि ओरदै येशूए लिलि ल्हैदिइ।

लूका 1:35

स्‍वर्गदूतइ चने बिइ, “पबित्र प्ल्ह क्‍हिए फिर युब्‍मुँ, धै ताँन् भन्दा थेबै परमेश्‍वरए शक्‍तिए छरिउँइँले क्‍हिइ प्‍हसे नोब्मुँ। छतसि क्‍हिए प्‍हसे पबित्र तब्मुँ, म्‍हिमैंइ खीने परमेश्‍वरए च्‍ह बिब्‍मुँ।

लूका 1:69

खीजी दाऊद म्रुँए कुलर ङ्यो जोगेमिंबै ल्हागिर थेबै शक्‍ति मुँबै मुक्‍तिदाता कुल्मिंइमुँ।

यूहन्‍ना 1:14

परमेश्‍वरए बचन म्हिए क्हो किंसि ङ्योए म्हाँजोर युसि टिइ। खी दयाम्हाँया मुँब नेरो कह्रोंसेंन्बै ताँ पोंमल खीए चारबै ह्‍वे ङिइ म्रोंइमुँ, च चारबै ह्‍वे परमेश्‍वर आबाउँइँले युबै घ्रि मत्‍त्रे च्‍हल् मुँल।

यूहन्‍ना 1:34

ङइ म्रोंइमुँ धै ग्वाइ पिंइँमुँ, परमेश्‍वरए च्‍ह खीन् ग।”

यूहन्‍ना 1:49

नथानेलइ खीने बिइ, “रब्बि, क्‍हि परमेश्‍वरए च्‍ह ग! क्हि इस्राएलर्बै म्रुँ ग!”

यूहन्‍ना 10:30

आबा नेरो ङ घ्रिन् ग।”

यूहन्‍ना 10:36

दिलेया परमेश्‍वर आबाजी त्हाँसि ङ ह्‍युलर कुल्मिंइ। छतसि ‘परमेश्‍वरए च्ह ङन् ग’ बिमा ङइ खैले परमेश्‍वरए मिं वाइ?

यूहन्‍ना 20:28

छबिमा थोमाइ खीने “ओ ङए प्रभु, ओ ङए परमेश्‍वर!” बिइ।

यूहन्‍ना 20:31

दिलेया “येशू परमेश्‍वरए च्ह नेरो खीजी कुल्‍मिंबै म्रुँ ख्रीष्‍ट ग,” बिब क्हेमैंइ क्वेंरिगे धै खीए फिर बिश्‍वास लबइले क्हेमैंइ खोंयोंइ आखाँबै छ्ह योंरिगे बिसि ङइ चु ताँमैं प्ह्रिइमुँ।

यूहन्‍ना 5:25

क्ह्रोंसेंन ङ क्हेमैंने बिमुँ, च त्हे खसिन् मुँ, च त्हे तोगोन् ग। सियाब्‍मैंइ परमेश्‍वरए च्‍हए कै थेब्मुँ, धै च्हए कै थेब्मैं सोल् योंब्मुँ।

यूहन्‍ना 7:42

“म्रुँ ख्रीष्‍ट दाऊदए कुलकर्बै तब्‍मुँ, धै दाऊद नाँस बेथलेहेमउँइँलेन् खब्मुँ। बिसि परमेश्‍वरए छ्वेर आप्ह्रिइमुँ वा?”

चेला चिब्मैंए केमैं 2:30

दिलेया दाऊद अगमबक्‍ता तबइले परमेश्‍वरजी फैबै बाछा धोंलेन् चए सन्तानउँइँले म्हि घ्रि चए क्ल्ह्‍योर म्रुँ तल् पिंब्मुँ बिसि खिइ ओंसोंन् था सेल।

चेला चिब्मैंए केमैं 3:13

अब्राहाम, इसहाक नेरो याकूबए परमेश्‍वर, ङ्योए खेमैंए परमेश्‍वरजी ह्रोंसए सेवा लबै येशूलाइ कति थेब लमिंइ। दिलेया क्हेमैंइ खी क्हासि सैबर पिलातसलाइ पिंवाइ। पिलातसइ खीलाइ पिमिंबै सैं ललेया क्हेमैंइ पिलातसए उँइँर्न खीए बिरोध लसि खीलाइ पिल् आपिं।

चेला चिब्मैंए केमैं 8:36

धै चमैं घ्‍याँर ह्‍याना-ह्‍यान् क्‍यु मुँबै क्‍ल्‍ह्‍यो ङाँर फेनेमा च हिचडइ बिइ, “ङ्‍ह्‍योत्ति, चुर क्यु मुँन। ङ बप्‍तिस्मा किंबउँइँले तो सैइ क्वेल् खाँम्?”

चेला चिब्मैंए केमैं 9:20

झाइले चर टिबै तोंदोंन् चइ येशू परमेश्‍वरए च्ह ग बिसि म्हि च्हों धिंजरे येशूए ताँमैं बिबर होंइ।

रोमी 1:9

ङइ प्राथना लमा खोंयोंन् बिलै क्‍हेमैंलाज्यै मैंम् बिबै ताँ परमेश्‍वरजी सेइमुँ। खीए च्‍हउँइँले योंबै सैं तोंबै ताँ बिप्रसि ङइ खीए के छेनाले लम्।

रोमी 4:1

ङि यहूदीमैंए खे अब्राहाम परमेश्‍वरए उँइँर खैले ठिक ठर्दिइ? चए बारेर सैंर मैंले।

रोमी 9:3

ङए ह्रेंर्बै अलि अङाँमैंइ खोंयोंइ आखाँबै छ्ह योंबै ल्हागिर परमेश्‍वरजी ङलाइ सराप पिंसि ङन् ख्रीष्‍टउँइँले फ्रेवाल् त्‍हुलेया ङ सैं तोंमल।

रोमी 9:5

स्योंम्बै मिं कालदिबै थे-थेबै चिबनाँब्मैं यहूदीमैंए खेमैंन् ग। धै ख्रीष्‍ट या म्‍हि तसि च ह्रेंर्न फिइ। म्‍हि तनाबिलेया खी ताँन् म्‍हिमैंए फिर ग्याल्स लबै परमेश्‍वर ग। छतसि खोंयोंन् बिलै खीए मिं थेब् लल् त्हुम्। आमेन, छान् तरिगे।

१ कोरिन्थी 1:9

तलेबिस्याँ परमेश्‍वर बेल्‍ले भर लल् खाँब मुँ, खीजी ह्रोंसए च्‍ह येशू ख्रीष्‍ट ङ्योए प्रभुने बालु टिबर क्‍हेमैंलाइ त्‍हाँइ।

१ कोरिन्थी 10:18

झाइले अर्को नमुना: इस्राएलीमैं ङ्‍ह्‍योद्, परमेश्‍वरए मिंर ख्रो पिंबै सै चब्‍मैं ख्रो पिंबै म्हिने घ्रिन् तइ।

गलाती 4:4

दिलेया तोक्दिबै त्हे पूरा तमा परमेश्‍वरजी ह्रोंसए च्‍ह कुल्‍मिंइ। खी म्‍हि तसि च्हमिरिए कोखाउँइँले ठिमए न्होंर फिइ।

१ थेसलोनिकी 1:10

झाइले स्वर्गउँइँले युबै परमेश्‍वरए च्‍ह खोंयों युब् ङ्‍हे बिसि क्हेमैं ह्रेरिइमुँ बिबै ताँ चमैंइ ङिने बिरिमुँ। खीजी ह्रोंसए च्ह येशू सिबइले धबै सोगों लमिंइ, धै येशूजी तारे खबि छेबै दण्डउँइँले ङ्योलाइ जोगेमिंब्मुँ।

१ तिमोथी 2:5

तलेबिस्याँ परमेश्‍वर घ्रि मत्‍त्रेन् मुँ, धै परमेश्‍वर ङाँर फेनबै घ्‍याँ या घ्रि मत्‍त्रे मुँ। च घ्‍याँ येशू ख्रीष्‍ट बिबै म्हि ग।

१ तिमोथी 3:16

येशू ख्रीष्‍टए बारेर परमेश्‍वरजी उँइँमिंबै ताँमैं कति थेब मुँ बिसि ङ्योइ क्ह्रोंसेंन्ले थहा सेसि बिम्: येशू ख्रीष्‍ट म्‍हिए क्हो किंसि चु ह्‍युलर युइ, पबित्र प्ल्हउँइँले खी ठिक ठर्दिइ, स्वर्गदूतमैंइ खीलाइ म्रोंइ, ह्रें ह्रेंर्बै म्‍हिमैंए म्हाँजोर खीए बारेर्बै ताँ म्हिमैंइ बिप्रइ, ताँन् ह्‍युलर्बै म्‍हिमैंइ खीए फिर बिश्‍वास लइ, झाइले थेबै मानले खी स्‍वर्गउँइँ क्वेयाइ।

२ तिमोथी 2:8

सिबउँइँले सोगों तइ खबै दाऊदए खलकर्बै प्रभु येशू ख्रीष्‍टलाइ मैंन्। ङइ बिबै सैं तोंबै ताँ खीए बारेर्न ग।

१ यूहन्‍ना 1:3

क्हेमैं या ङिने बालु सैं घ्रिन् तसि प्रल् खाँरिगे बिसि ङिइ थेबै ताँ नेरो म्रोंबै ताँ क्‍हेमैंने बिम्। परमेश्‍वर आबा नेरो खीए च्‍ह येशू ख्रीष्‍टने ङ्यो सैं घ्रिन् तसि प्रम्।

१ यूहन्‍ना 3:23

खीजी बिबै ताँ चुन् ग: खीए च्‍ह येशू ख्रीष्‍टए फिर ङ्योइ बिश्‍वास लल् त्‍हुम्, धै खीजी लद् बिब् धोंले घ्रिइ घ्रिने म्हाँया लल् त्‍हुम्।

१ यूहन्‍ना 3:8

दुष्‍टइ ओंसों ओनोंन् पाप लइमुँ, छतसि पाप लरिबै म्हि दुष्‍टए म्हि ग। दुष्‍टइ लबै पाप केमैं नास लवाबर परमेश्‍वरए च्‍ह ह्‍युलर युब् ग।

१ यूहन्‍ना 4:15

येशून् परमेश्‍वरए च्‍ह ग बिब्मैं परमेश्‍वरने घ्रिन् तसि टिम्, धै परमेश्‍वर चमैंने घ्रिन् तसि टिम्।

१ यूहन्‍ना 5:1

“परमेश्‍वरजी कुल्‍मिंबै म्रुँ ख्रीष्‍ट येशू ग” बिसि बिश्‍वास लबै म्हि परमेश्‍वरए प्‍हसे ग, आबालाइ म्हाँया लबै म्हिइ च्हलाज्यै सैं न्होंउँइँलेन् म्हाँया लम्।

१ यूहन्‍ना 5:20

क्ह्रोंसेंन्‍बै परमेश्‍वरलाइ ङ्योइ ङो सेरिगे बिसि खीए च्‍ह युसि ङ्योइ खीलाइ ङो सेबै ज्ञान पिंब ङ्योइ सेइमुँ। झाइले ङ्यो क्ह्रोंसेंन्बै परमेश्‍वरए च्‍ह येशू ख्रीष्‍टने घ्रिन् तसि क्ह्रोंसेंन्‍बै परमेश्‍वरने घ्रिन् तम् बिसे या सेइमुँ। क्ह्रोंसेंन्‍बै परमेश्‍वर खीन् ग धै खीउँइँले खोंयोंइ आखाँबै छ्ह योंम्।

१ यूहन्‍ना 5:5

“येशू ख्रीष्‍ट परमेश्‍वरए च्‍ह ग” बिसि बिश्‍वास लबै म्हिन् चु ह्‍युलउँइँले खबै पापलाइ ट्होल् खाँबै म्हि ग।

२ यूहन्‍ना 1:7

“येशू ख्रीष्‍ट म्हि तसि चु ह्‍युलरि युब आङिं” बिसि भाँड्याल् म्हैबै म्हिमैं खन्तोंदोंन् खइमुँ। चुमैंन् स्‍योलिबै ताँ बिब्‍मैं नेरो ख्रीष्‍टए बिरोधीमैं ग।

दर्शन 2:18

“थिआटिर नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “चु ताँ मिए राब धों तबै मि नेरो टल्‍कदिबै पित्तल धों तबै प्‍हले मुँबै परमेश्‍वरए च्‍हजी बिइमुँ: