दर्शन 8:3 - परमेश्‍वरए ताँ तमु क्युइर

³ झाइले माराए धुपारा छेबै अर्को स्‍वर्गदूत घ्रि परमेश्‍वरए मिंर ख्रो पिंबै क्ल्ह्‍योर खसि राइ। चइ परमेश्‍वरए राजगद्दिए उँइँर्बै माराइ बेनबै ख्रो पिंबै क्ल्ह्‍योए फिर परमेश्‍वरए ताँन् म्‍हिमैंए प्राथनाने बालु चडेबै ल्हागिर चलाइ ल्हें धुप पिंल।

दर्शन 8:3 Iomraidhean Croise

भजनमैं 141:2

ङइ लबै प्राथना क्हिए उँइँर लिंबै थाँ खबै धुप धोंब तरिगे, ङइ ह्रोंसए यो क्वेमा ङेसर पिंबै ख्रो धोंन् तरिगे।

प्रस्थान 40:26

पर्दाए ओंसों मोशाइ माराल धुप म्रोबै क्ल्ह्‍यो थेंइ।

लूका 1:10

चइ न्‍होंर धुप झोंरिमा बैरुबै म्हिमैं परमेश्‍वरने प्राथना लरिल।

रोमी 8:34

ख्रीष्‍ट येशून् चमैंए ल्हागिर सजैं नोसि सिमिंइ, दिलेया सिबइले परमेश्‍वरजी खीलाइ धबै सोगों लमिंइ। धै तिंजोरो ख्रीष्‍ट परमेश्‍वरए क्‍योलोउँइँ टिसि ङ्योए ल्हागिर परमेश्‍वरने यो छ्युँ लमिंसिन् मुँ। छतमा ङ्योलाइ खाबइ सजैं पिंल् खाँम्?

हिब्रू 7:25

छतसि खीउँइँले परमेश्‍वर ङाँर ह्‍याब्‍मैंलाइ येशूजी खोंयोंइन जोगेमिंल् खाँम्, तलेबिस्याँ चमैंए ल्हागिर परमेश्‍वरने प्राथना लबर खी खोंयोंन् बिलै सोगों तरिम्।

हिब्रू 9:4

च क्‍ल्‍होरी माराइ बनेबै धुप झोंबै ख्रो पिंबै क्ल्ह्‍यो नेरो माराइ म्‍होरबै बाकस मुँल। च बाकसर बाछा मैंबै ल्हागिर चिनुमैं झोंथेंल, अथवा मन्‍ना बिबै क्हें झोंबै माराए भाँडो नेरो स्‍योंम्‍बै हारून बिबै म्‍हिइ छेबै पलुवा खबै प्‍हरे, नेरो बाछार्बै ठिममैं प्‍ह्रिथेंबै युँम् प्ला ‍ङ्हिं मुँल।

दर्शन 10:1

च लिउँइँ अर्को बेल्‍ले भों मुँबै स्‍वर्गदूत घ्रि स्‍वर्गउँइँले युरिब् ङइ म्रोंइ। च स्‍वर्गदूतलाइ न्‍हाँम्‍स्योइ बेर्दिल, झाइले चए क्र कारग्युले ह्‍यागों मुँल। चए लि त्‍हिंयाँ धों तब् मुँल, धै चए प्‍हले लुँरिबै मिए प्हैं धों तब् मुँल।

दर्शन 14:18

छलेन अर्को स्‍वर्गदूत ख्रो पिंबै क्ल्ह्‍योउँइँले खइ। च स्‍वर्गदूतइ लुँरिबै मि सिल् आपिंबै जिम्‍मा योंल। च स्‍वर्गदूतइ बेल्‍ले छ्यारबै कोरे छेबै स्‍वर्गदूतने थेबै कैले बिइ, “पृथ्‍बीर्बै अँगुर ताँन् मिंल् खाँइमुँ। छतसि क्हिए कोरे छेसि थुद्।”

दर्शन 5:8

च्हमा चर्बै सो प्ह्‍याबै सै प्लि नेरो ङ्हिस्युसे प्लि चिब्मैंइ क्‍यु च्हजलाइ पद्खु तसि फ्‍योइ। चमैं ताँनए योर बीणा नेरो धुप झोंबै माराए धुपारामैं मुँल। च धुपए थाँ परमेश्‍वरए म्‍हिमैंए प्राथनमैं मुँल।

दर्शन 6:9

झाइले क्‍यु च्हजजी अर्को छाप फोर्दिमा परमेश्‍वरए मिंर ख्रो पिंबै क्ल्ह्‍योए न्‍होंर प्रभुए ल्हागिर सियाब्‍मैं ङइ म्रोंइ। चमैंइ परमेश्‍वरए ताँ बिप्रबइले, प्रभुए ल्हागिर ग्वाइ पिंबइले, म्‍हिमैंइ चमैंलाइ सैवाल।

दर्शन 7:2

च स्‍वर्गदूत प्लिइ पृथ्‍बी नेरो मा ङ्युँइलाइ नास लबै हग योंल। झाइले सोगों परमेश्‍वरए छाप छेबै अर्को स्‍वर्गदूत घ्रि स्यारउँइँले खरिब् ङइ म्रोंइ। चइ अर्को स्‍वर्गदूत प्लिने थेबै कैले बिइ,

दर्शन 8:4

धुपए मिखु नेरो परमेश्‍वरए म्‍हिमैंइ लबै प्राथनामैं बालुन् स्‍वर्गदूतए योउँइँले परमेश्‍वरए उँइँर ह्‍याइ।

दर्शन 8:5

झाइले च स्‍वर्गदूतइ ख्रो पिंबै क्ल्ह्‍योर्बै मि भुर धूपारार तिगोंले झोंसि पृथ्‍बीर भ्‍योंवाइ। झाइले मु ङ्‌हेसि, काम्‍लि तिम्‍लि रासि पृथ्‍बीर सयो ह्‍याइ।

दर्शन 9:13

झाइले धबै अर्को स्‍वर्गदूतइ थुतुरु ह्रामा परमेश्‍वरए उँइँर्बै माराइ बेनबै ख्रो पिंबै क्ल्ह्‍योए कुना प्लिर मुँबै रुँउँइँले खबै कै घ्रि ङइ थेइ।