दर्शन 8:12 - परमेश्‍वरए ताँ तमु क्युइर

¹² झाइले अर्को स्‍वर्गदूतइ थुतुरु ह्रामा त्‍हिंयाँ, लयाँ नेरो मुसारामैं सोंबाँर तिबाँलाइ ल्हिनेइ धै चमैंए ह्‍वे सोंबाँर तिबाँ म्हयाइ। छतसि त्‍हिंयाँ नेरो म्‍हुँइँसल सोंबाँर्बै तिबाँ मिछु तयाइ।

दर्शन 8:12 Iomraidhean Croise

मत्ती 24:29

“च दुःख तबै त्हिंइ खाँबै तोदोंन् त्‍हिंयाँ मिछु खैयाब्‍मुँ, लयाँ या चाररिब् आरे, धै मुसारमैं या मुउँइँले तेयाब्‍मुँ। छले मुर मुँबै सैमैं ताँन् लायाब्‍मुँ।

मत्ती 27:45

झाइले त्हिंयाँर्बै च्युसे ङ्हिं ह्राबै त्हेसेरो सों ह्राबै त्हे समा ह्‍युल तिगोंन् मिछु खैयाइ।

मर्कूस 13:24

“च थेबै दुःख तबै लिउँइँ त्‍हिंयाँ म्‍हुँइँस छु तयाब्मुँ, धै लयाँए चारबै या म्हह्‍याब्मुँ।

मर्कूस 15:33

त्‍हिंयाँर्बै च्युसे ङ्हिं ह्राबै त्हेसेरो सों ह्राबै त्हे समा ह्‍युल तिगोंन् मिछु तयाइ।

लूका 21:25

येशूजी धबै बिइ, “लयाँ, त्‍हिंयाँ नेरो मुर्बै सारामैंर औदिबै चिनुमैं म्रोंब्‍मुँ। थेबै कैले खबै मा ङ्युँइए भेल्‍गइ लमा ताँन् ह्‍युलर्बै म्‍हिमैं ङ्हिंसि बेल्‍ले आतिदिब्‍मुँ।

चेला चिब्मैंए केमैं 2:20

याहवेहए थेबै ह्‍वे चारबै त्हिंइ खब् भन्दा ओंसों त्हिंयाँ मिछु खैयाब्मुँ, धै लयाँ को धोंले ओल्‍ग्‍या तयाब्मुँ।

२ कोरिन्थी 4:4

परमेश्‍वर खैब मुँ, ख्रीष्‍टै या छाबन् मुँ। खी ङाँइँले खबै सैं तोंबै ताँ आक्होरिगे बिसि चु ह्‍युलर्बै देवताइ बिश्‍वास आलब्मैंए सैंर्बै मिइ च ताँ म्रोंल् आखाँब लवाइमुँ।

दर्शन 12:4

चए म्येइ मुर्बै सारा सोंबाँर तिबाँ सोर्दिसि पृथ्‍बीर भ्‍योंवाइ। कोलो फिबै तोंदोंन् क्ल्ह्‍योंवाब् बिसि च अजिङ्गर कोलो फिबि छेबै च्हमिरिए उँइँर रारिल।

दर्शन 16:10

झाइले अर्को स्‍वर्गदूतइ खीने मुँबै प्‍हेलर्बै ह्रिस च खेदोए राजगद्दिर युवाइ। छलमा च खेदोए ग्याल्सर मिछु खैयाइ। धै चर्बै म्‍हिमैं नब छब तसि बेल्‍ले दुःख योंइ, छतसि चमैंइ ह्रों-ह्रोंसए ले क्रेइ।

दर्शन 6:12

झाइले च क्‍यु च्हजजी धबै अर्को छाप फोर्दिब् ङइ म्रोंइ। च लिउँइँ थेबै सयो खइ। त्‍हिंयाँ म्‍लोंग्‍या रुँदो क्‍वें धोंन् तयाइ। लयाँ को धोंले ओल्‍ग्‍या तयाइ।

दर्शन 9:15

धै म्‍हिमैं सोंबाँर तिबाँलाइ सैबर च स्वर्गदूत प्लि पिवाइ। परमेश्‍वरजी चमैंलाइ चु बर्ष, चु म्हैंन, चु त्हिंइ नेरो चु त्हेए ल्हागिर्न ओंसों ओंनोंन् तयार लथेंल।

दर्शन 9:18

च दुःख सोंउँइँले, अथवा चमैंए सुँउँइँले त्‍होंबै मि, मिखु नेरो आछ्याँबै थाँ नाँबै सैउँइँले सोंबाँर्बै तिबाँ म्हिमैं सैवाइ।