दर्शन 7:11 - परमेश्‍वरए ताँ तमु क्युइर

¹¹ राजगद्दि, ङ्हिस्युसे प्लि चिब्मैं नेरो सो प्ह्‍याबै सै प्लिए कारग्युले स्‍वर्गदूतमैं मुँल। चमैं ताँनइ राजगद्दिए उँइँर पद्खु तसि छ बिदै परमेश्‍वरलाइ फ्योइ,

दर्शन 7:11 Iomraidhean Croise

भजनमैं 45:11

छ लइ बिस्याँ क्हि छ्याँब् म्रोंसि म्रुँ सैं तोंब्मुँ। खीलाइ म्हाँदिद्, तलेबिस्याँ खी क्हिए क्ल्हे ग।

भजनमैं 97:7

कु पूजा लब्मैं ताँन् फापिल् त्हुम्, कुलाइ थेबै सै ङ्हाँसि फ्योब्मैं ताँन् फापिल् त्हुम्; छतसि ओ ताँन् देवतामैं, खीए प्हले फ्योद्!

मत्ती 4:10

छबिमा येशूजी चने बिइ, “दुष्‍ट, क्हि ङ ङाँइँले ह्रेंगो तयाद्! तलेबिस्याँ ‘क्‍हिइ याहवेह ह्रोंसए परमेश्‍वरलाइ फ्‍योदु, धै खीए सेवा मत्‍त्रे लद्,’ बिसि परमेश्‍वरए छ्वेर प्‍ह्रिइमुँ।”

यूहन्‍ना 5:23

तलेबिस्याँ खैले म्हिमैंइ परमेश्‍वर आबाए मान लमुँ, छलेन ताँन् म्हिमैंइ खीए च्हए मान लरिगे। च्‍हए मान आलब्मैंइ च्‍हलाइ कुल्‍मिंबै आबालै या मान आल।

हिब्रू 1:6

खीए घ्रि मुँबै च्ह ह्‍युलर कुलमा खीजी छ बिइमुँ, “परमेश्‍वरए ताँन् स्वर्गदूतमैंइ खीलाइन फ्योरिगे।”

दर्शन 11:16

छबिमा परमेश्‍वरए उँइँर्बै ठिमैंर क्हुँरिबै ङ्हिस्युसे प्लि चिब्मैंइ परमेश्‍वरलाइ पद्खु तसि फ्‍योइ।

दर्शन 15:4

ओ प्रभु, क्‍हि म्रोंसि ताँन् म्‍हिमैं ङ्हिंल् त्‍हुम्, धै ताँन् म्हिमैंइ क्हिए मान लल् त्‍हुम्, तलेबिस्याँ क्‍हि मत्‍त्रे पबित्र परमेश्‍वर ग। ताँन् ह्रेंमैं क्‍हि ङाँर खसि क्हिलाइ फ्‍योब्‍मुँ, तलेबिस्याँ क्‍हिजी ठिक निसाफ लम् बिसि ताँनइ म्रोंल् खाँइमुँ।”

दर्शन 22:9

दिलेया चइ ङने बिइ, “छ आलद्! परमेश्‍वर मत्‍त्रे फ्‍योद्! क्हि, अगमबाणि पोंबै क्‍हिए आघें-अलिमैं नेरो चु कितबर मुँबै ताँमैंइ बिब् धोंले प्रब्मैं धोंबन् ङ परमेश्‍वरए के लबै दूत मत्‍त्रे ग।”

दर्शन 4:10

छ लरिमा च ङ्हिस्युसे प्लि चिब्मैंइ राजगद्दिर क्हुँबै खोंयोंइ या तरिबै परमेश्‍वरलाइ पद्खु तसि फ्योम्, झाइले खेंमैंइ कुबै मुकुट राजगद्दिए उँइँर थेंसि छ बिरिम्,

दर्शन 4:4

च राजगद्दिए कारग्यु ङ्हिस्यु से प्लि ठिमैं मुँल। च ठिमैंए फिर क्हुँबै ङ्हिस्युसे प्लि चिब्मैंइ माराए मुकुट कुसि फोस्रे ब्योंबै क्‍वें खिल।

दर्शन 4:6

च राजगद्दिए उँइँर सिसा धोंबै टल्‍कदिबै मा ङ्युँइ धों तबै सै मुँल। राजगद्दिए कारग्युले सो प्ह्‍याबै सैमैं प्लि मुँल। चए ज्यु तिगोंन् मि-मि मुँल।

दर्शन 4:8

च सो प्ह्‍याबै सैमैं प्लिल प्‍ह्‍या टु-टु मुँल, चमैंए ज्यु तिगोंन् नेरो प्‍ह्‍यागों न्होंरै या मि-मि मुँल। चमैंइ त्‍हिंयाँ म्‍हुँइँस “तोन्दोंरि लल् खाँबै याहवेह परमेश्‍वर पबित्र, पबित्र, पबित्र मुँ। खी ओंसों ओनोंन् मुँल, तिंयाँ या मुँ, लिउँज्‍यै या तरिब्‍मुँ।” बिसि भों आन्हल्‍ले भजन प्रिंबै प्रिंबन् लरिमल।