दर्शन 6:8 - परमेश्‍वरए ताँ तमु क्युइर

⁸ ङइ उर्ग्या घोडा म्रोंइ। चए फिर क्रेबै म्‍हिए मिं “काल” मुँल, चए लिलि क्रों प्रमल। धै पृथ्‍बीर मुँबै म्हिमैं न्होंर्बै प्ल्हिबाँर्बै तिंबाँ सैबै हग चमैंलाइ पिंल। छतसि चमैंइ सेलाँइ ल्हिल् पिंब, अँङ्गल् तल् पिंब, नब छब तल् पिंब, धै क्ह्‍योंर्बै खेदोमैंइ थाल् पिंब लमल।

दर्शन 6:8 Iomraidhean Croise

हितोपदेश 5:5

चए प्हले कालए घ्याँउँइँ क्युरु ल्हैदिम्; चए प्हलेमैं क्रोंउँइँ फेनेम्;

मत्ती 11:23

ओ कफर्नहुमथेंमैं, क्‍हेमैं स्वर्गर्न फेनेम् बिल् वा? आङिं! क्‍हेमैं नर्गर्न भ्‍योंवाब्‍मुँ। तलेबिस्याँ क्‍हेमैं ङाँर लब् धोंबै औदिबै केमैं सदोम सहरर लस्‍याँ च सहर नास आतल्‍ले तोगो समा तरिमल।

मत्ती 24:7

तलेबिस्याँ ह्रेंए बिरोधर ह्रें राब्मुँ ग्याल्सए बिरोधर ग्याल्स राब्मुँ, धै क्ल्ह्‍यो-क्ल्ह्‍योरि अँङ्गल तब्मुँ, सयो खब्मुँ।

१ कोरिन्थी 15:55

“ओ काल, खोइ! क्‍हिइ ट्होइ वा? ओ काल, क्‍हिए भों खोइ?”

दर्शन 1:18

सोगों परमेश्‍वर ङन् ग। ङ सियाल, दिलेया तारे ङ खोंयोंइ बिलै सोरिम्। काल नेरो म्‍हि प्‍ल्‍हमैं नाँसर्बै साँजु नेरो हग ङने मुँ।

दर्शन 12:4

चए म्येइ मुर्बै सारा सोंबाँर तिबाँ सोर्दिसि पृथ्‍बीर भ्‍योंवाइ। कोलो फिबै तोंदोंन् क्ल्ह्‍योंवाब् बिसि च अजिङ्गर कोलो फिबि छेबै च्हमिरिए उँइँर रारिल।

दर्शन 9:15

धै म्‍हिमैं सोंबाँर तिबाँलाइ सैबर च स्वर्गदूत प्लि पिवाइ। परमेश्‍वरजी चमैंलाइ चु बर्ष, चु म्हैंन, चु त्हिंइ नेरो चु त्हेए ल्हागिर्न ओंसों ओंनोंन् तयार लथेंल।

दर्शन 9:18

च दुःख सोंउँइँले, अथवा चमैंए सुँउँइँले त्‍होंबै मि, मिखु नेरो आछ्याँबै थाँ नाँबै सैउँइँले सोंबाँर्बै तिबाँ म्हिमैं सैवाइ।