दर्शन 6:4 - परमेश्‍वरए ताँ तमु क्युइर

⁴ झाइले ओल्‍ग्‍या घोडा घ्रि त्‍होंखइ। पृथ्‍बीर म्हिमैंइ खेंमैंइ-खेंमैंन् सैवारिगे बिसि च ओल्‍ग्‍या घोडाए फिर क्रेबै म्हिलाइ ल्हडें लल् पिंबै हग नेरो थेबै सेलाँ घ्रि पिंइ।

दर्शन 6:4 Iomraidhean Croise

भजनमैं 17:13

ओ याहवेह, रेत्ति, चमैंने नेसि ट्होमिंन्। क्हिए सेलाँइ च दुष्‍टमैंउँइँले ङ जोगेमिंन्।

मत्ती 10:34

“ङ ह्‍युलर शान्‍ति पिंबर युब् ग बिसि आमैंन्। शान्‍ति पिंबर ङ युब आङिं, बरु सेलाँ (तरवार) चलेबर युब् ग।”

मत्ती 24:6

लडे तइ बिब् नेरो लडे तबै हल्‍लामैं क्‍हेमैंइ थेब्मुँ। दिलेया क्‍हेमैं आङ्हिंन्, छाबै लडे तलन् त्‍हुम्। छान् तलेया च त्हेर्न ह्‍युल नास तरिब् आरे।

यूहन्‍ना 19:11

येशूजी बिइ, “परमेश्‍वरजी आपिंस्याँ क्हिला ङए फिर तोइ हग आतमल। छतसि ङलाइ क्हिए योर पिंवाबै म्हिए फिर पापए छ्याब् झन् ल्हें तब्मुँ।”

दर्शन 12:3

च लिउँइँ धबै मुर अर्को औदिबै चिनु म्रोंइ: चर बेल्‍ले थेबै ओल्‍ग्‍या अजिङ्गर मुँल। चए क्र ङि मुँल, धै क्र ह्रोंसे मुकुट मुँल। झाइले चए रुँ च्‍यु मुँल।

दर्शन 13:10

झेलर झोंल् त्हुब्मैं झेलर्न झोंब्मुँ। सेलाँइ सैल् त्हुब्मैं, सेलाँइन सैब्मुँ। छतब म्रोंलेया परमेश्‍वरए म्‍हिमैं आङ्हिंन्, ढुक्‍कले बिश्‍वासर भोंब् तद्।”

दर्शन 17:3

झाइले ङ पबित्र प्ल्हए न्होंर मुँमा च स्‍वर्गदूतइ क्यु आयोंबै क्ल्ह्‍योरि ङलाइ क्‍हासि बोइ। चर च्हमिरि घ्रि ओल्‍ग्‍या खेदो फिर क्हुँरिब् ङइ म्रोंइ। च खेदोए ज्यु तिगोंन् परमेश्‍वरए आब्रु वाबै ताँमैं प्‍ह्रिथेंल, धै चल क्र ङि नेरो रुँ च्‍यु मुँल।

दर्शन 17:6

झाइले च च्हमिरिइ परमेश्‍वरए म्‍हिमैंए को नेरो येशूए ल्हागिर सिब्‍मैंए को थुँसि म्हेरब ङइ म्रोंइ। च म्रोंसि ङ प्लेटोयाइ।