दर्शन 4:5 - परमेश्‍वरए ताँ तमु क्युइर

⁵ च राजगद्दिउँइँले काम्‍लि तिम्‍लि धोंबै चारबै बत्तिमैं म्रोंमल धै मु ङ्‌हेबै कैमैं थेमल। च राजगद्दिए उँइँरि मि लुँब् धोंबै बत्ति ङि मुँल। च बत्तिमैं परमेश्‍वरए प्ल्ह ङि मुँल।

दर्शन 4:5 Iomraidhean Croise

उत्पत्ति 15:7

खीजी धबै चने बिइ, “चु ह्‍युल क्हिलाइ पिंबर कल्दिमैंए ऊरउँइँले क्हि पखबै याहवेह ङन् ग।”

भजनमैं 68:35

ओ परमेश्‍वर, क्हि पबित्र क्‍ल्‍ह्‍योउँइँले युमा क्हि म्रोंसि ताँन् म्हिमैं ङ्हिंम्; इस्राएलए परमेश्‍वरजी ह्रोंसए म्हिमैंलाइ शक्ति नेरो भों पिंम्। परमेश्‍वरए मिं थेब् तरिगे!

प्रस्थान 19:16

नोगिम्धों न्हाँग तमा कोंर गड्‌याङगुडुङ तइ, धै काम्‍लि तिम्‍लि रासि कोंर रुँदो न्हाँमस्यो राइ, धै बेल्‍ले ङ्‍हेबै थुतुरिए कै थेइ। छतमा ब्यारेकर मुँबै ताँन् म्हिमैं ङ्हिंसि थरथर त्हारइ।

प्रस्थान 20:18

च त्हेर काम्‍लि तिम्‍लि रासि मु ङ्‍हेब नेरो थुतुरिए कै थेइ धै कोंउँइँले मिखु खब म्रोंसि चमैं थरथरले त्हारसि ह्रेंगोन् रारिइ।

प्रस्थान 25:37

पानसए ओंसों मि म्रोंरिगे बिसि ङिउलो पलर छ्युगु झोंसि म्रोंसि पानसए ओंसों थेंन्।

प्रस्थान 37:23

चइ पानसर थेंबै पलमैं, थनर (चिम्टा) नेरो पुज्या झोंबै भाँडो छ्याँबै माराला बनेइ।

मत्ती 25:1

येशूजी अझै बिइ, “स्‍वर्गर्बै ग्याल्स कन्ये च्युने च्हैंल् खाँम्। च कन्ये च्युइ ह्रों-ह्रोंसए बत्ति छेसि प्ह्रेंरोने त्‍होबर ह्‍याइ।

मत्ती 3:11

“क्‍हेमैंए सैं परमेश्‍वरउँइँ एइ बिब् उँइँबर ङइ क्‍युर प्‍ल्हुँमिंसि बप्‍तिस्‍मा पिंम्। दिलेया ङए लिलि युबै म्‍हि ङ भन्दा बेल्‍ले शक्‍ति मुँब मुँ। खीजी क्‍हेमैं परमेश्‍वरए पबित्र प्ल्ह नेरो मिइ बप्‍तिस्‍मा पिंब्‍मुँ। ङम् खीए जुत्ता नोबै लायगर्बै आरे।

चेला चिब्मैंए केमैं 2:3

झाइले मिए ले धों तबै सै चमैं ङाँर म्रोंयुसि चमैं ताँनए फिर टिइ।

दर्शन 1:4

एशिया ह्‍युलर्बै नाँस ङिर्बै बिश्‍वासीमैंने ङ यूहन्‍नाउँइँले जय मसीह मुँ। क्‍हेमैंलाइ परमेश्‍वर, प्ल्ह ङिउलो नेरो येशू ख्रीष्‍टउँइँले दयाम्हाँया नेरो शान्ति तरिगे। परमेश्‍वर मुँल, मुँ, लिउँज्‍यै या युब्‍मुँ। प्ल्ह ङिउलो खीए राजगद्दिए उँइँर मुँ।

दर्शन 10:3

झाइले सिंह ङ्‌हेब् धोंले चइ थेबै कै तेइ। चइ कै तेबै लिउँइँ काम्‍लि तिम्‍लि रादै मुउँइँले थेबै कै ङि त्होंइ।

दर्शन 11:19

च लिउँइँ स्वर्गर परमेश्‍वरए मन्‍दिरर्बै म्रा थोंयाइ, धै खीजी फैबै बाछाए ठिम झोंथेंबै म्हदुस मन्‍दिर न्होंर म्रोंइ। च्हमा काम्‍लि तिम्‍लि चारइ, मु ङ्‌हेइ, सयो खइ धै थे-थेबै तिस्‍यु युइ।

दर्शन 3:1

“सार्डिस नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “चु ताँ परमेश्‍वरए प्ल्ह ङि नेरो मुसारा ङि मुँबै येशूजी बिइमुँ: क्‍हेमैंइ लबै के ङइ सेइमुँ। म्हिमैंइमि क्‍हेमैं सोगोंन् मुँ ङ्हाँइमुँ, दिलेया क्‍हेमैं सियाइमुँ।

दर्शन 5:6

झाइले ङइ राजगद्दिए म्‍हाँजोरि, अथवा च सो प्ह्‍याबै सै प्लि नेरो ङ्हिस्युसे प्लि चिब्मैंए म्‍हाँजोरि, क्‍यु च्हज घ्रि रारिब् म्रोंइ। च क्‍यु च्हज सैवाल् खाँब् धों ब्‍योंब् मुँल। चल रुँ ङि नेरो मि ङि मुँल। चए मिमैं पृथ्‍बी तिगोंन् कुल्‍मिंबै परमेश्‍वरए प्ल्ह ङि मुँल।

दर्शन 8:5

झाइले च स्‍वर्गदूतइ ख्रो पिंबै क्ल्ह्‍योर्बै मि भुर धूपारार तिगोंले झोंसि पृथ्‍बीर भ्‍योंवाइ। झाइले मु ङ्‌हेसि, काम्‍लि तिम्‍लि रासि पृथ्‍बीर सयो ह्‍याइ।