दर्शन 4:4 - परमेश्‍वरए ताँ तमु क्युइर

⁴ च राजगद्दिए कारग्यु ङ्हिस्यु से प्लि ठिमैं मुँल। च ठिमैंए फिर क्हुँबै ङ्हिस्युसे प्लि चिब्मैंइ माराए मुकुट कुसि फोस्रे ब्योंबै क्‍वें खिल।

दर्शन 4:4 Iomraidhean Croise

एस्तर 8:15

च लिउँइँ म्रुँमैंइ खिबै तार्ग्या नेरो मु रङर्बै क्वें खिसि मोर्दकै कलाँजी रङर्बै सुतिए पछ्यौर पोइ, धै माराइ बनेबै मुकुट कुसि मोर्दकै म्रुँए दरबाराउँइँले त्होंइ। छले शूशन सहरर मुँबै ताँन् म्हिमैं बेल्‍ले सैं तोंदै उफर्दिइ,

भजनमैं 21:3

छ्याँ-छ्याँबै सैमैं पुयुसि क्हि चने त्होबर युइ, धै छ्याँबै माराए मुकुट चए क्रर कुमिंइ।

मत्ती 19:28

येशूजी चमैंने बिइ, “क्ह्रोंसेंन ङ क्हेमैंने बिमुँ, तारे खबै जुगरि बेल्‍ले मान योंबै राजगद्दिर म्हिए च्ह टिब्‍मुँ। क्‍हेमैं तोगो ङए लिलि ल्‍हैदिसेरो च त्हेर क्‍हेमैं या निसाफ लबै म्‍हिमैं धोंले ह्रों-ह्रोंसए च्युसे ङ्हिं गद्दिर टिब्‍मुँ। धै इस्राएल ह्रेंर्बै च्युसे ङ्हिं कुलए फिर क्‍हेमैंइ निसाफ लब्‍मुँ।

लूका 22:30

झाइले क्‍हेमैं या ङए ग्याल्सर ङने बालु चल् योंब्‍मुँ, थुँल् योंब्‍मुँ। धै राजगद्दिर क्हुँसि इस्राएलर्बै च्युसे ङ्हिं कुलए निसाफ लब्‍मुँ।”

२ तिमोथी 4:8

छले ङइ लबै केमैं खीए उँइँर ठिक ठर्दिबइले खीजी ङए ल्हागिर थेबै क्रेगि थेंइमुँ। छेनाले निसाफ लबै प्रभुजी च त्हिंइर च क्रेगि ङलाइ पिंब्मुँ - ङलाइ मत्‍त्रे आङिं, दिलेया प्रभुलाइ म्हाँया लसि खी युबै त्हिंइए घ्‍याँ ङ्ह्‍योरिब्‍मैं ताँनलाइ खीजी च क्रेगि पिंब्‍मुँ।

दर्शन 11:16

छबिमा परमेश्‍वरए उँइँर्बै ठिमैंर क्हुँरिबै ङ्हिस्युसे प्लि चिब्मैंइ परमेश्‍वरलाइ पद्खु तसि फ्‍योइ।

दर्शन 14:3

च लाख घ्रि से प्लिच्यु से प्लि हजार म्‍हिमैं राजगद्दिए ओंसों सो प्ह्‍याबै सै प्लि, नेरो ङ्हिस्युसे प्लि चिब्मैंए उँइँर रारिल। चमैंइ छारा भजन प्रिंमल, तलेबिस्याँ खीए ल्हागिर फुइ धों तरिगे बिसि पृथ्‍बीर्बै म्हिमैंए म्हाँजोउँइँले खीजी चुमैं त्हाँब् ग।

दर्शन 19:14

स्‍वर्गर्बै फौजमैं खीए लिलि प्रइ। चमैं बेल्‍ले छ्याँब फोस्रे ब्योंबै क्‍वें खिसि फोस्रे ब्योंबै घोडाए फिर क्रेल।

दर्शन 19:4

झाइले ङ्हिस्युसे प्लि चिब्मैं नेरो सो प्ह्‍याबै सै प्‍लिइ राजगद्दिर टिरिबै परमेश्‍वरलाइ पद्खुले फ्‍योसि बिइ, “आमेन। परमेश्‍वरए मिं थेब तरिगे!”

दर्शन 2:10

क्हेमैंए फिर खबि छेबै दुःखने आङ्हिंन्। थेद्, क्‍हेमैंलाइ पापर च्होवाबै ल्हागिर दुष्‍टइ को-कोइलाइ झेलर झोंब्‍मुँ। क्‍हेमैंलाइ च्‍युगैं मत्‍त्रे दुःख तब्‍मुँ। दिलेया क्‍हेमैं आसिन् समा ङए फिर बिश्‍वास लरिद्, छलस्याँ ङइ क्‍हेमैंलाइ इनामर खोंयोंइ आखाँबै छ्ह पिंब्मुँ।

दर्शन 20:4

झाइले ङइ ठिमैं म्रोंइ। धै परमेश्‍वरजी चए फिर क्हुँब्मैंलाइ निसाफ लबै हग पिंइ। येशूए ल्हागिर ग्वाइ पिंमा नेरो परमेश्‍वरए क्ह्रोंसेंन्बै ताँ बिप्रमा सैवाब्मैंए प्‍ल्‍ह ङइ म्रोंइ। च खेदोए छाप चमैंए ङ्‌हो नेरो योर आल्‍हैदिल, झाइले च खेदो नेरो चए कुलाज्यै या चमैंइ आफ्योल। चमैं सिबउँइँले धबै सोगों तसि ख्रीष्‍टने बालुन् हजार घ्रि बर्ष ग्याल्स लइ।

दर्शन 3:18

छतसि ङइ क्हेमैंलाइ चु सल्‍ला पिंम्: क्‍हि प्लब् तबै ल्हागिर मिर खारदिबै छ्याँबै मारा ङउँइँले किंन्, म्‍हिमैंइ क्‍हेमैंलाइ क्‍लुना तब् आम्रोंरिगे बिसि खिबै ल्हागिर ङउँइँले फोस्रे ब्योंबै क्‍वें किंन्, झाइले क्‍हिए मि म्रोंरिगे बिसि ङउँइँले मि म्रोंल् लबै मैं किंसि फोद्।

दर्शन 4:10

छ लरिमा च ङ्हिस्युसे प्लि चिब्मैंइ राजगद्दिर क्हुँबै खोंयोंइ या तरिबै परमेश्‍वरलाइ पद्खु तसि फ्योम्, झाइले खेंमैंइ कुबै मुकुट राजगद्दिए उँइँर थेंसि छ बिरिम्,

दर्शन 4:6

च राजगद्दिए उँइँर सिसा धोंबै टल्‍कदिबै मा ङ्युँइ धों तबै सै मुँल। राजगद्दिए कारग्युले सो प्ह्‍याबै सैमैं प्लि मुँल। चए ज्यु तिगोंन् मि-मि मुँल।

दर्शन 5:11

झाइले ङइ धबै ङ्ह्‍योमा राजगद्दि, सो प्ह्‍याबै सै प्लि नेरो ङ्हिस्युसे प्लि चिब्मैंए कारग्युले च्योसे च्योल् आखाँबै स्‍वर्गदूतमैं मुँल।

दर्शन 5:14

झाइले सो प्ह्‍याबै सै प्लिइ बिइ, “आमेन, छान् तरिगे!” छबिबै तोदोंन् ङ्हिस्युसे प्लि चिब्मैंइ पद्खु तसि फ्‍योइ।

दर्शन 5:6

झाइले ङइ राजगद्दिए म्‍हाँजोरि, अथवा च सो प्ह्‍याबै सै प्लि नेरो ङ्हिस्युसे प्लि चिब्मैंए म्‍हाँजोरि, क्‍यु च्हज घ्रि रारिब् म्रोंइ। च क्‍यु च्हज सैवाल् खाँब् धों ब्‍योंब् मुँल। चल रुँ ङि नेरो मि ङि मुँल। चए मिमैं पृथ्‍बी तिगोंन् कुल्‍मिंबै परमेश्‍वरए प्ल्ह ङि मुँल।

दर्शन 5:8

च्हमा चर्बै सो प्ह्‍याबै सै प्लि नेरो ङ्हिस्युसे प्लि चिब्मैंइ क्‍यु च्हजलाइ पद्खु तसि फ्‍योइ। चमैं ताँनए योर बीणा नेरो धुप झोंबै माराए धुपारामैं मुँल। च धुपए थाँ परमेश्‍वरए म्‍हिमैंए प्राथनमैं मुँल।

दर्शन 6:11

चमैं घ्रि घ्रिलाइ फोस्रे ब्योंबै क्‍वें पिंसि “म्‍हिमैंइ क्‍हेमैंलाइ सैवाब् धोंलेन्, क्‍हेमैंए अलि-अङाँमैं नेरो अरू के लबै थुमैंलाज्यै या सैवाब्‍मुँ। च सैल् त्हुब्मैं ताँन् आसैन् समा अझै तिस्‍याँदे पैंन्,” बिसि परमेश्‍वरजी चमैंने बिइ।

दर्शन 7:11

राजगद्दि, ङ्हिस्युसे प्लि चिब्मैं नेरो सो प्ह्‍याबै सै प्लिए कारग्युले स्‍वर्गदूतमैं मुँल। चमैं ताँनइ राजगद्दिए उँइँर पद्खु तसि छ बिदै परमेश्‍वरलाइ फ्योइ,

दर्शन 7:9

च लिउँइँ खाबज्‍यै च्योसे च्‍योल् आखाँबै म्‍हिए हुल ङइ म्रोंइ। चमैं ताँन् ह्रें-ह्रेंर्बै, ताँन् कुलर्बै, ताँन् ह्‍युलर्बै नेरो ताँन् ह्रों-ह्रोंसए क्युइ पोंब्‍मैं मुँल। चमैं फोस्रे ब्योंबै क्‍वें खिसि छोरए धुँए हाँगमैं योर छेसि राजगद्दि नेरो क्‍यु च्हजए उँइँर रारिल।

दर्शन 9:7

च तिरिमैं ल्हडें लबर तयार तबै घोडा धों तब् मुँल। चमैंए क्रर माराए मुकुट धों तबै सै मुँल, धै चमैंए लि म्‍हिल् धों तब मुँल।