दर्शन 3:7 - परमेश्वरए ताँ तमु क्युइर7 “फिलाडेल्फिया नाँसर्बै बिश्वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्ह्रिद् बिसि येशूजी यूहन्नाने ल्हैदिइ: “पबित्र नेरो क्ह्रोंसेंन्बै ताँ पोंबै येशूजी चु ताँ बिइमुँ: ङने स्योंम्बै दाऊद म्रुँए साँजु मुँ। छतसि ङइ थोंबै म्रा खाबज्यै तोरल् आखाँ, छलेन ङइ तोरबै म्रा खाबज्यै थोंल् आखाँ। Faic an caibideil |
दर्शन 3:7
38 Iomraidhean Croise
क्ह्रोंसेंन्बै परमेश्वरलाइ ङ्योइ ङो सेरिगे बिसि खीए च्ह युसि ङ्योइ खीलाइ ङो सेबै ज्ञान पिंब ङ्योइ सेइमुँ। झाइले ङ्यो क्ह्रोंसेंन्बै परमेश्वरए च्ह येशू ख्रीष्टने घ्रिन् तसि क्ह्रोंसेंन्बै परमेश्वरने घ्रिन् तम् बिसे या सेइमुँ। क्ह्रोंसेंन्बै परमेश्वर खीन् ग धै खीउँइँले खोंयोंइ आखाँबै छ्ह योंम्।
च सो प्ह्याबै सैमैं प्लिल प्ह्या टु-टु मुँल, चमैंए ज्यु तिगोंन् नेरो प्ह्यागों न्होंरै या मि-मि मुँल। चमैंइ त्हिंयाँ म्हुँइँस “तोन्दोंरि लल् खाँबै याहवेह परमेश्वर पबित्र, पबित्र, पबित्र मुँ। खी ओंसों ओनोंन् मुँल, तिंयाँ या मुँ, लिउँज्यै या तरिब्मुँ।” बिसि भों आन्हल्ले भजन प्रिंबै प्रिंबन् लरिमल।
झाइले चमैंइ छारा भजन घ्रि प्रिंइ: “च काउदए प्हैं किंसि चर्बै छाप फोर्दिसि ङ्ह्योबै लायकर्बै क्हि मुँ। तलेबिस्याँ म्हिमैंइ क्हिलाइ सैवाल, दिलेया ताँन् कुलउँइँले, ताँन् क्युइ पोंब्मैंउँइँले, ताँन् ह्युलर्बै म्हिमैंउँइँले नेरो ताँन् ह्रेंमैंउँइँले, क्हिए कोजी परमेश्वरए ल्हागिर क्हिजी म्हिमैंलाइ खामिंइ।
Sanasan