दर्शन 3:19 - परमेश्‍वरए ताँ तमु क्युइर

¹⁹ म्हाँया लब्मैंलाइ ङइ हौदिमुँ, धै तार झोंम्। छतसि भों लसि क्‍हिइ लबै पापउँइँले सैं एद्।

दर्शन 3:19 Iomraidhean Croise

भजनमैं 39:11

आछ्याँबै केमैं लबै म्हिलाइ क्हिजी हौदिसि दण्ड पिंमुँ, चइ खोबै सैमैं ताँन् प्हुँलुइ चसि नास लवाब् धोंले क्हिजी नास लवाब्मुँ। म्हिमैं तोइ आङिं, चमैंम् मुठि घ्रि सो मत्‍त्रे ग! तिस्याँदे मैंन्

भजनमैं 6:1

ओ याहवेह, क्हि ह्रिस खमा ङ आहौदिद्, क्हिए ह्रिसर ङ प्हरेइ आप्रुद्।

भजनमैं 69:9

तलेबिस्याँ क्‍हिए धिं ङलाइ बेल्‍ले म्हाँया खम्, क्हिलाइ गाल् केब्‍मैंए गाल् ङए फिर तइमुँ।

भजनमैं 94:10

अरू ह्रेंमैंलाइ दु:ख पिंबै परमेश्‍वरजी दण्ड आपिं रो वा? म्हिमैंलाइ लोमिंबै परमेश्‍वरने बुद्धिए खाँचो तम् रो वा?

हितोपदेश 15:10

आछ्याँबै के लब्मैंइ थेबै दण्ड योंब्मुँ; धै लोदा सैंदाए ताँ आङिंबै म्हि सियाब्मुँ।

हितोपदेश 15:32

लोदा सैंदाए ताँ आथेबै म्हिइ ह्रोंसल्न न्होह्रों लम्, दिलेया लोदा सैंदाए ताँ ङिंबै म्हि ह्रब्-सेब् तम्।

हितोपदेश 22:15

कोलोमैं आचडु मत्त्रे लदा ङ्‍हाँम्; दिलेया तार झोंबर प्हरेइ प्रुमा आचडु लब पिवाम्।

मत्ती 25:7

छ बिब् थेसि च कन्येमैं च्यु छोरसि ह्रों-ह्रोंसए बत्ति सफा लसि छ्युगु झोंबर होंइ।

यूहन्‍ना 2:17

छ लब् म्रोंसि खीए चेलामैंइ परमेश्‍वरए छ्वेर प्‍ह्रिथेंबै चु ताँ चिइ, “ओ परमेश्‍वर, क्‍हिए धिं ङलाइ बेल्‍ले म्हाँया खम्। छतसि मिइ ख्रोंब् धोंले ङए सैं बेल्‍ले ख्रोंइँमुँ।”

रोमी 12:11

प्ल्हेउ आतल्‍ले लल् त्हुबै केमैं लद्। सैं न्होंउँइँले आनारल्‍ले परमेश्‍वरए सेवा लद्।

१ कोरिन्थी 11:32

दिलेया प्रभुजी ङ्योए निसाफ लमा खीए फिर बिश्‍वास आलब्मैं धोंलेन् ङ्यो या नास आतरिगे बिसि ङ्योलाइ तार झोंम्।

२ कोरिन्थी 6:9

ङिलाइ खाबज्यै ङो आसे बिलेया ताँनइ ङो सेइमुँ। ङि सियाब् धों तलेया ङि अझै सोगोंन् मुँ। ङिलाइ सजैं पिंलेया तिंयाँ समा आसैइमुँ।

२ कोरिन्थी 7:11

मैंन्दि, परमेश्‍वर ङाँइले खबै न्हुँइ लमा क्‍हेमैंला थेबै फायदा तइमुँ! क्‍हेमैंला खैबै फायदा तइमुँ बिस्‍याँ: क्‍हेमैंला छ्याँबै के लबै सैं खइमुँ, झाइले म्हिमैंए उँइँर “ङि छ्याब् आरेब्” खैले तब् ङ्‍हे बिबै सैं खइमुँ, पाप लब् म्रोंसि ह्रिस खइमुँ, परमेश्‍वरए ताँ आङिंना बिब् सेसि आतिदिइमुँ, ङने त्‍होदा ङ्हाँइमुँ, झन् झन् छ्याँबै के लबै सैं खइमुँ, च आछ्याँबै के लबै म्हिलाइ सजैं पिंबै सैं खइमुँ। छले क्‍हेमैंइ चु ताँन् केमैं ठिक लसि ह्रोंसलाइ छ्याब आरेब् उँइँइमुँ।

गलाती 4:18

छ्याँबै के लबर भों खब छ्याँब् ग। ङ क्हेमैं ङाँर मुँमा मत्‍त्रे आङिं, खोंयोंन् बिलै छाबै केमैं लरिल् त्हुम्।

तीतस 2:14

येशू ख्रीष्‍टजी ङ्योइ लबै ताँन् पापउँइँले जोगेमिंबर सै फोसि खामिंइ। छ्याँबै के लबै ह्रोंसए चोखो म्हिमैं तरिगे बिसि ह्रोंसन् ङ्योए ल्हागिरि सिमिंइ।

याकूब 1:12

खैबै दुःख तलेया तोइ आङ्हाँन्ले ढुक्‍काले टिबै म्हिइ आशिक योंब्मुँ, तलेबिस्याँ बिश्‍वासए जाँच तमा सैदिल् खाँबै म्हिइ लिउँइँ खोंयोंइ आखाँबै छ्ह योंब्मुँ। चु छ्ह परमेश्‍वरजी खीलाइ म्हाँया लब्मैंलाइ पिंम् बिसि बाछा फैइमुँ।

दर्शन 2:5

क्हिइ लबै आछ्याँबै केमैं मैंन्। च आछ्याँबै केमैंउँइँले सैं एसि ओंसों लब् धोंले तोगोइन ङलाइ म्हाँया लद्। छ आलस्‍याँ ङइ क्‍हेमैंए पानस चए क्‍ल्‍होउँइँले स्‍योवाब्‍मुँ।