दर्शन 22:10 - परमेश्‍वरए ताँ तमु क्युइर

¹⁰ धबै चइ ङने बिइ, “चु परमेश्‍वरए ताँ आलोथेंन्, तलेबिस्याँ चु ताँन् ताँ तबि छेबै त्हे चेंदोन् तखइमुँ।

दर्शन 22:10 Iomraidhean Croise

मत्ती 10:27

छतसि ङइ क्‍हेमैंने मिछु खैबर बिबै ताँ त्‍हिंइर बिमिंन्। धै ङइ क्‍हेमैंने खाबज्यै आथेल्‍ले बिबै ताँ क्हेमैंइ ताँनइ थेल्‍ले धिंए प्हेंउँइँले बिमिंन्।

रोमी 13:11

मैंन्‍दि, खैबै जुग खबर होंइमुँ बिसि क्‍हेमैंज्यै सेइमुँ। तारे क्‍हेमैं न्‍हरुउँइँले छोरसि न्ह क्रों मि क्रोंले टिद्। थेद्, ओंसोंबै बिश्‍वास लबै त्हिंइ भन्दा तिंजोरो ङ्योलाइ जोगेमिंबै त्हिंइ झन् चेंदो तखइमुँ।

रोमी 13:12

म्‍हुँइँस ह्‍याल् खाँइ, तारे त्हिंयाँ प्रेबर होंइमुँ। छतसि मिछु खैबर लबै केमैं पिवाद्। बरु परमेश्‍वरए ह्‍वेर टिसि छ्याँबै के लद्, हत्‍यारमैं छेसि पापने नेद्।

२ थेसलोनिकी 2:3

खाबज्‍यै या क्‍हेमैंलाइ लुल् आपिंन्, तलेबिस्याँ प्रभु येशू युब् भन्‍दा ओंसों ल्‍हें म्‍हिमैंइ परमेश्‍वरए बिरोध लब्मुँ, धै परमेश्‍वरए थेबै शत्तुर घ्रि त्‍होंब्‍मु। च ठिम बिरोध लबै दुष्‍ट शत्तुर आखिरर नास तल् त्‍हुब्‍मु।

१ पत्रुस 4:7

ताँन् सै नुयाबै त्हे तखइमुँ। छतसि प्राथना लल् खाँरिगे बिसि छ्याँबै सैं प्ह्‍यासि न्ह क्रों मि क्रों तरिद्।

दर्शन 1:11

“क्‍हिइ म्रोंबै ताँ कितबर प्‍ह्रिसि नाँस ङिर्बै एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नेरो लाउडिकिया बिबै नाँसर्बै बिश्‍वासीलाइ पिमिंन् बिब ङइ थेइ।”

दर्शन 1:3

चु कितब खेमिंबै म्‍हिइ आशिक योंब्मुँ, झाइले चु कितबर्बै ताँ थेसि चर बिब् धोंले छ्ह थोब्मैंइ आशिक योंब्मुँ, तलेबिस्याँ चु ताँन् ताँमैं तबै त्हे चेंदोन् खसिन् मुँ।

दर्शन 10:4

च कैमैं त्होंमा ङ चमैंइ बिबै ताँ प्‍ह्रिबर होंइ, दिलेया “चु ङ्‌हेबै कैमैंइ बिबै ताँमैंर छाप ल्हैदिद्, चमैंइ बिबै ताँ आप्‍ह्रिद्, चु ताँ खाबलाज्यै आबिद्!” बिसि स्‍वर्गउँइँले युबै कै ङइ थेइ।

दर्शन 22:16

येशूजी बिइमुँ, “क्हेमैं ङए फिर बिश्‍वास लब्‍मैंए ल्हागिर चु ताँ बिमिंबर ह्रोंसए स्‍वर्गदूत ङइ कुल्मिंइमुँ। ङ दाऊदए सन्‍तानर्बै मुल खे ग। न्‍हाँगर्बै चारबै मुसारा ङन् ग।”

दर्शन 22:18

चु कितबर्बै तारे तखबै ताँमैं थेब्‍मैंलाइ ङ यूहन्‍नाइ बिमुँ: चु ताँमैंए फिर अर्को ताँमैं थप्‍दिबै म्हिए फिर चु कितबर प्‍ह्रिबै थेबै दुःखमैं परमेश्‍वरजी थप्‍दिमिंब्‍मुँ।

दर्शन 22:20

चु ताँन् ताँए ग्वाइ पिंबै प्रभु येशूजी “क्ह्रोंसेंन, ङ युनन् युसिन् मुँ,” बिइमुँ। आमेन! ओ प्रभु येशू, युनन् यु!

दर्शन 22:7

“थेद्! ङ युनन् युब्‍मुँ बिसि,” येशूजी बिइमुँ। “चु कितबर प्ह्रिबै ‘लिउँइँ तखम्’ बिबै ताँ ङिंबै म्‍हिइ आशिक योंब्मुँ।”

दर्शन 22:9

दिलेया चइ ङने बिइ, “छ आलद्! परमेश्‍वर मत्‍त्रे फ्‍योद्! क्हि, अगमबाणि पोंबै क्‍हिए आघें-अलिमैं नेरो चु कितबर मुँबै ताँमैंइ बिब् धोंले प्रब्मैं धोंबन् ङ परमेश्‍वरए के लबै दूत मत्‍त्रे ग।”

दर्शन 5:1

ङइ राजगद्दिर क्हुँबै परमेश्‍वरए क्‍योलो योरि दोहोरोन् प्‍ह्रिबै काउद प्हैं म्रोंइ। च काउद प्हैं लसि छाप ङि झोंल।