दर्शन 21:5 - परमेश्‍वरए ताँ तमु क्युइर

⁵ राजगद्दिर क्हुँरिबै परमेश्‍वरजी ङने बिइ, “तारे ङइ ताँन् सैमैं छारा लम्।” खीजी धबै ङने बिइ, “चु ताँ प्‍ह्रिद्, तलेबिस्याँ चु ताँमैं क्वेंल् त्हुब नेरो भर लल् खाँब मुँ।”

दर्शन 21:5 Iomraidhean Croise

लूका 5:38

छतसि भर्खर त्होंबै अँगुरए खु ट्हुबिए भोंबै नेंदोंर झोंल् त्‍हुम्।

२ कोरिन्थी 5:17

तलेबिस्याँ खाबइ ख्रीष्‍टए फिर बिश्‍वास लइमुँ च म्‍हि छारा तम्। ओंसोंबै आछ्याँबै सैमैं ताँन् म्हह्‍याइ, तोन्‍दोंरि सै छारा तयाल् खाँइमुँ।

हिब्रू 12:27

“अझै तिखे” बिबै मतलब, लाल् खाँबै सैमैं, अथवा सृष्‍टि तबै सैमैं ताँन् स्‍योवाब्‍मुँ, दिलेया लाल् आखाँबै सैमैं चैरिब्मुँ बिब् ग।

दर्शन 1:11

“क्‍हिइ म्रोंबै ताँ कितबर प्‍ह्रिसि नाँस ङिर्बै एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नेरो लाउडिकिया बिबै नाँसर्बै बिश्‍वासीलाइ पिमिंन् बिब ङइ थेइ।”

दर्शन 1:19

छतसि तोगो म्रोंरिबै ताँमैं नेरो लिउँइँ तखबै ताँमैं ङ्हिंन-ङ्हिंन् क्‍हिइ प्‍ह्रिद्।

दर्शन 19:9

च लिउँइँ स्‍वर्गदूतइ ङने बिइ, “चु ताँ प्‍ह्रिद्: क्‍यु च्हजए ब्ह्‍याए न्हिम्तोर हुइब्मैं ङ्‍हो सब्मैं ग।” स्‍वर्गदूतइ धबै बिइ, “परमेश्‍वरजी बिबै क्ह्रोंसेंन्बै ताँमैं चुमैंन् ग।”

दर्शन 20:11

झाइले फोस्रे ब्योंबै थेबै राजगद्दि नेरो चर क्हुँबै परमेश्‍वर ङइ म्रोंइ। खीउँइँले पृथ्‍बी नेरो मु भौदियाइ, चमैंइ खनिरै क्ल्ह्‍यो आयों।

दर्शन 22:19

छलेन चु कितबर मुँबै ताँमैं थोबै म्हिउँइँले छ्ह पिंबै सिधुँउँइँले चइ योंल् त्हुबै रोए भाग परमेश्‍वरजी थोवाब्‍मुँ, धै खीए पबित्र सहरर टिबै हग या प्हेंवाब्‍मुँ। छले च छ्ह पिंबै सिंधुँ नेरो परमेश्‍वरए पबित्र सहरए बारेर्बै ताँ चु कितबर प्ह्रिइमुँ।

दर्शन 22:6

च लिउँइँ स्‍वर्गदूतइ ङने बिइ, “चु ताँमैं क्वेंल् त्हुब नेरो भर लल् खाँब् मुँ। याहवेह परमेश्‍वरजी खीए अगमबक्‍तामैंलाइ खीए प्ल्ह पिंम्। तारे युनन् तखबै सैमैं उँइँबर परमेश्‍वरजी ह्रोंसए स्‍वर्गदूतलाइ खीए के लब्मैं ङाँर कुल्मिंइमुँ।”

दर्शन 4:2

च तोंदोंन् पबित्र प्ल्हजी ङ प्लिंयाइ, धै स्वर्गर राजगद्दि घ्रि मुँल, चर परमेश्‍वर क्हुँरिल।

दर्शन 4:9

चर मुँबै सो प्ह्‍याबै सै प्लिइ राजगद्दिर क्हुँबै खोंयोंइ या तरिबै परमेश्‍वरलाइ थेबै मानले भजनमैं प्रिंसि खीए मिंलाइ थेब् लसि धन्‍यबाद पिंरिम्।

दर्शन 5:1

ङइ राजगद्दिर क्हुँबै परमेश्‍वरए क्‍योलो योरि दोहोरोन् प्‍ह्रिबै काउद प्हैं म्रोंइ। च काउद प्हैं लसि छाप ङि झोंल।