दर्शन 20:3 - परमेश्‍वरए ताँ तमु क्युइर

³ च दुष्‍टलाइ क्रोंर भ्‍योंवाइ, धै चर्बै म्रार साँजु झोंवाइ। तारे च स्‍योर्गुइ पृथ्‍बीर्बै ह्रेंमैंलाइ हजार घ्रि बर्ष समा लुसि ह्रोंस ङाँइ च्यारल् आयों। च लिउँइँ दुष्‍टलाइ तिस्याँए ल्हागिर पिवाल् त्‍हुम्।

दर्शन 20:3 Iomraidhean Croise

भजनमैं 90:4

क्हिए ल्हागिर हजार बर्ष घ्रि ह्‍याबै त्हिंइ घ्रि धों मत्‍त्रे ग, धै म्हुँइँसर्बै तिस्याँ मत्‍त्रे धों तब् ग।

मत्ती 24:24

तलेबिस्याँ ‘ङ परमेश्‍वरजी कुल्मिंबै म्रुँ ख्रीष्‍ट ग’ बिसि स्‍योर तेब्मैं खब्मुँ। चमैंइ थे-थेबै चिनुमैं नेरो प्लेटोयान् तबै केमैं लसि उँइँब्मुँ, धै परमेश्‍वरजी त्हाँबै म्‍हिमैं खेंमैं ङाँइ बोल् म्‍हैब्‍मुँ।

मत्ती 27:66

छबिमा चमैं ह्‍यासि छगों हुथेंबै युँमा ओल् आखाँल्‍ले भोंब् लसि छगों छेनाले रुँबै ल्हागिरि पालेमैं थेंइ।

मर्कूस 4:15

कोइ म्‍हिमैं घ्याँर फेबै प्लु धोंबन् मुँ। चमैंइ परमेश्‍वरए ताँ थेबै तोदोंन् दुष्‍टइ चमैंइ थेबै ताँ प्‍हेंबोम्। छतसि क्‍वेंल् आपिं।

लूका 8:31

“ङि सजैं पिंबै ल्हागिर क्रोंर आल्हाद्,” बिसि मोंमैंइ येशूने यो छ्युँ लइ।

२ कोरिन्थी 11:3

क्हेमैंइ छलकपट आलल्‍ले ख्रीष्‍टए फिर बिश्‍वास लबै सैं लइ, दिलेया स्‍योंम्‍बै हब्बालाइ प्‍हुरिइ खैले स्योर तेसि लुइ, छलेन क्हेमैंए सैं या न्होंवाम् उ बिसि ङ ङ्हिंइमुँ।

२ पत्रुस 3:8

ओ ङइ खोबै थुमैं, ताँ घ्रि खोंयोंइ आम्‍लेद्। प्रभुए ल्हागिर तिगैं हजार साल धों तम्, झाइले हजार साल तिगैं धों तम्।

दर्शन 12:9

मिखाएलइ च थेबै अजिङ्गरलाइ स्‍वर्गउँइँले भ्‍योंवाइ। च अजिङ्गर स्‍योंम्‍बै प्‍हुरि ग, चलाइ स्‍युर्गु नेरो दुष्‍ट बिम्। चइ ताँन् ह्‍युलर्बै म्‍हिमैंने स्‍योर तेसि लुइमुँ। च नेरो चए दूतमैंलाइ परमेश्‍वरए दूतमैंइ पृथ्‍बीर भ्‍योंवाइ।

दर्शन 13:14

ओंसोंबै खेदोए उँइँर चइ औदिबै चिनु मुँबै केमैं लबै शक्ति योंल, छतसि प्लेटोयान् तबै केमैं लसि चइ पृथ्‍बीर टिब्मैंए सैं खेंमैं ङाँइ लवाइ। धै “सेलाँइ ल्हिबै घा ससि सोबै ओंसोंबै खेदोए मान लबै ल्हागिर खेदोए कु घ्रि बनेद्” बिसि चइ म्‍हिमैंलाइ कर ल्‍हैदिइ।

दर्शन 17:2

पृथ्‍बीर्बै ताँन् म्रुँमैं च फ्यालुस्योने टिइमुँ। धै ह्‍युलर्बै म्‍हिमैं या च फ्यालुस्योनेन् ब्यभिचार लसि प्हा थुँब् धोंले म्हेरइमुँ।”

दर्शन 17:8

च खेदो ओंसों मुँल, दिलेया तोगो आरे। च बेल्‍ले गैरु क्रोंउँइँले त्होंब्मुँ, झाइले नास तयाब्‍मुँ। धै ह्‍युल बनेब् भन्दा ओंसों छ्ह योंब्‍मैंए मिं प्‍ह्रिथेंबै कितबर मिं आरेब्मैं च खेदो म्रोंसि प्लेटोयाब्‍मुँ। तलेबिस्याँ च खेदो ओंसों सोगों मुँल, तोगो आरेलेया धबै सोसि खब्मुँ।

दर्शन 20:1

च लिउँइँ ङइ स्‍वर्गउँइँले स्‍वर्गदूत घ्रि युरिब् म्रोंइ। चइ क्रोंर्बै साँजु नेरो बेल्‍ले ल्‍हिबै सँउँलि छेल।