दर्शन 2:5 - परमेश्‍वरए ताँ तमु क्युइर

⁵ क्हिइ लबै आछ्याँबै केमैं मैंन्। च आछ्याँबै केमैंउँइँले सैं एसि ओंसों लब् धोंले तोगोइन ङलाइ म्हाँया लद्। छ आलस्‍याँ ङइ क्‍हेमैंए पानस चए क्‍ल्‍होउँइँले स्‍योवाब्‍मुँ।

दर्शन 2:5 Iomraidhean Croise

मत्ती 5:14

“झाइले अर्को ताँ, क्‍हेमैं ह्‍युलर्बै चारबै ह्‍वे ग। कोंर बनेबै सहर लोल् आखाँ।

मत्ती 5:15

म्हिमैंइ पानस म्रोसि पथि न्होंर आथें। बरु धिं न्होंर मुँब्मैंइ मि म्रोंरिगे बिसि पानस नुबै क्‍ल्‍ह्‍योर थेंम्।

मर्कूस 12:9

“छतसि म्रोंए क्‍ल्‍हेइ तो ललै? खी खसि च आधे लब्‍मैं सैवाब्‍मुँ, धै च अँगुरए म्रों अरू आधे लब्‍मैंने पिंब्‍मुँ।

लूका 1:17

परमेश्‍वरजी एलिया अगमबक्‍तालाइ शक्‍ति पिंब् धोंलेन्‌ क्‍हिए च्‍हज्यै या पबित्र प्ल्ह नेरो शक्‍ति योंब्‍मुँ। छतसि चइ आबामैं नेरो च्‍ह-चमिए म्हाँजोर क्ह्रिमिंब्‍मुँ, धै परमेश्‍वरजी बिब् आङिंब्‍मैंलाइ छ्याँबै घ्‍याँर डोरेब्मुँ। छले परमेश्‍वरजी कुल्‍मिंबै म्रुँ म्हाँदिबै ल्हागिर चइ म्‍हिमैं तयार लब्‍मुँ।”

लूका 20:16

च खसि च आधे लब्‍मैं सैवाब्मुँ, धै म्रों अरू म्हिमैंलाइन पिंवाब्मुँ।” चु ताँ थेसि म्हिमैंइ बिइ, “छाबम् खोंयोंइ आतरिगे!”

गलाती 5:4

ठिमर बिब् धोंले लसि परमेश्‍वरए उँइँर ठिक ठर्दिल् म्‍हैब्मैंइ खेंमैंलाइ ख्रीष्‍टउँइँले फ्रेवाइमुँ, धै परमेश्‍वरए दयाम्हाँयाउँइँले या ह्रेंगो तयाइमुँ।

फिलिप्पी 2:15

छले क्‍हेमैं तोइ छ्याब् आरेब तसि परमेश्‍वर ङो आसेब्मैंए म्हाँजोर तोइ खोट आरेबै परमेश्‍वरए सन्तान तद्। छतस्याँ परमेश्‍वर ङो आसेब्मैंए उँइँर क्‍हेमैं मुसारा धोंले चारब्मुँ।

हिब्रू 10:32

च ह्‍याबै त्हिंइमैं मैंन्, परमेश्‍वरए चारबै ह्‍वे योंबै लिउँइँ खैबै दुःख योंलेया क्हेमैं बिश्‍वासर भोंसि तइ टिल।

२ पत्रुस 3:17

ओ ङए खोबै थुमैं, ओंसों ओंनोंन् क्हेमैंइ चु ताँन् ताँमैं सेइमुँ। छतसि ठिम आम्हाँदिबै म्हिमैंइ परमेश्‍वरए ताँ लिग्याँने उग्याँ लवासि क्हेमैंलाइ आछ्याँबै केर च्होवाल् आखाँरिगे, छतसि ह्रोंसइ लबै बिश्‍वास आपिल्‍ले क्हेमैं न्ह क्रों मि क्रोंले टिद्।

यहूदाइ प्‍ह्रिबै प्ह्रिछ्या 1:24

क्‍हेमैंलाइ पापर च्होवाबै सैउँइँले परमेश्‍वरजी जोगेल् खाँम्, धै तोइ छ्याब् आरेब् लमिंसि परमेश्‍वरए उँइँर सैं तोंन्ले टिल् योंब लमिंल् खाँम्।

दर्शन 1:20

ङए क्‍योलो योर क्‍हिइ म्रोंबै मुसारा ङिउलो नेरो माराए पानस ङिउलोए अर्थ चु ग: मुसारा ङिउलोए अर्थ नाँस ङिउलोर्बै बिश्‍वासीमैंए फिर्बै चिब्मैं ग, झाइले चु पानस ङिउलोए अर्थ नाँस ङिउलोर्बै बिश्‍वासीमैं ग।

दर्शन 16:9

छतसि त्‍हिंयाँ बेल्‍ले छसि म्‍हिमैंलाइ ख्रोंवाइ। धै चमैंइ च्हौ थेबै दुःख पिंल् खाँबै परमेश्‍वरए मिं स्यारइ। दिलेया चमैंइ खेंमैंइ लबै पापउँइँले अझै सैं आए, धै परमेश्‍वरए मानै या आल।

दर्शन 2:16

छतसि क्हेमैंए पापमैंउँइँले सैं एद्। आस्‍याँ ङ क्‍हि ङाँर युनन् युसि च म्‍हिमैंने बालु ङए सुँउँइँले त्‍होंबै सेलाँइ ङइ ल्हडें लब्‍मुँ।

दर्शन 2:19

क्‍हिइ लबै के ङइ सेइमुँ। झाइले क्‍हिइ कति थेबै म्हाँया लमुँ, कति थेबै बिश्‍वास मुँ, कति छ्याँबै सेवा लमुँ, कति ढुक्‍कले सैदिसि टिमुँ, च ताँन् ङइ सेइमुँ। झाइले क्‍हेमैंइ ओंसों लब् भन्दा तिंजोरो झन् ल्हें के लइमुँ बिब् ङइ सेइमुँ।

दर्शन 2:2

क्हिए बिश्‍वासीमैंइ लबै केमैं, क्हेमैंइ बेल्‍ले भोंले लबै केमैं नेरो क्हेमैंइ सैदिबै दु:खमैं ङइ सेइमुँ। झाइले क्हेमैंइ आछ्याँबै के लबै म्हिमैंलाइ आसैदि बिसे या ङइ सेइमुँ। को-कोइइ ‘ङि प्रभु येशूजी कुल्मिंबै चेला चिब्मैं ग’ बिसि स्योर तेमा चमैंए सैं फो किंसि क्हेमैंइ चमैं स्‍योर्गों मुँन बिब् सेबै या ङइ सेइमुँ।

दर्शन 3:19

म्हाँया लब्मैंलाइ ङइ हौदिमुँ, धै तार झोंम्। छतसि भों लसि क्‍हिइ लबै पापउँइँले सैं एद्।