दर्शन 2:23 - परमेश्‍वरए ताँ तमु क्युइर

²³ ङइ च च्हमिरिए लिलि प्रबै म्‍हिमैंलाइ सैवाब्‍मुँ। ङइ म्‍हिए सैंर्बै ताँमैं नेरो चमैंइ लबै केमैं था सेमना बिसि ताँन् बिश्‍वासीमैंइ च त्हेर था सेब्‍मुँ, छले क्‍हेमैंइ खैबै के लमुँ, छाबन् नों ङइ क्हेमैं घ्रि घ्रिलाइ पिंब्‍मुँ।

दर्शन 2:23 Iomraidhean Croise

भजनमैं 139:1

ओ याहवेह, क्हिजी छेनाले ङए जाँच लइमुँ, धै ङ खैब मुँ बिसि क्हिजी सेइमुँ।

भजनमैं 26:2

ओ याहवेह, ङलाइ जाँचेद्, ङ खैबै म्हि जा बिसि बिचार लमिंन्; ङए सैं नेरो खों जाँचेद्।

भजनमैं 44:21

खीजी चु आसेमल् रो वा? तलेबिस्याँ खीजी खों न्होंर्बै ताँमैं सेम्।

भजनमैं 62:12

ओ याहवेह, क्हिजी खोंयोंइ आनुबै म्हाँया लमुँ। तलेबिस्याँ क्हिजी ताँन् म्हिमैंलाइ ह्रों-ह्रोंसइ लबै के अन्सार्बै नों सै पिंम्।

भजनमैं 7:9

ओ ठिक निसाफ लबै परमेश्‍वर, सैं नेरो खों खैतब मुँ बिसि क्हिजी ङ्‍ह्‍योम्। दुष्‍ट म्हिमैंइ लबै आछ्याँबै केमैं सदसुदुले म्हवाद्, दिलेया ठिक के लब्मैं भोंब लमिंन्।

मत्ती 16:27

तलेबिस्याँ म्हिए च्ह खीए आबाए मान योंसि स्‍वर्गदूतमैंने युमा म्‍हिमैंइ खैबै के लइमुँ छाबन् नों खीजी पिंब्‍मुँ।

लूका 16:15

धबै येशूजी चमैंने बिइ, “क्‍हेमैं म्‍हिमैंए उँइँरि ‘ङ छ्याँब धर्मि म्‍हि ग’ बिसि थेब प्‍हैंम्। दिलेया क्हेमैंए सैं न्होंर तो मुँ बिसि परमेश्‍वरजी सेम्। म्‍हिमैंए सैंर थेब ङ्हाँबै सै परमेश्‍वरए उँइँर तोइ आङिंबै सै ग।

यूहन्‍ना 21:17

येशूजी सोंखेबै लारै या चने “ओ यूहन्‍नाए च्ह सिमोन, क्हिइ ङलाइ म्हाँया लम्मा?” बिसि ङ्योएमा पत्रुसए सैं च्योंब तयाइ तलेबिस्याँ येशूजी सोंखेबै लारै या चने “क्हिइ ङलाइ म्हाँया लम्मा?” बिसि ङ्योएइ। छतसि चइ खीने बिइ, “प्रभु, क्हिजी तोन्दोंरि ताँ सेइमुँ। ङइ क्हिलाइ म्हाँया लम् बिसि क्हिजी सेइमुँ।” छबिमा येशूजी चने “ङए क्युमैं चल् पिंन्,” बिइ।

यूहन्‍ना 4:16

येशूजी चने “ह्‍याद्! क्‍हिए प्‍युँ हुइ पउ,” बिइ।

चेला चिब्मैंए केमैं 1:24

चमैंइ छले प्राथना लइ, “ओ प्रभु, क्‍हिजी ताँन् म्‍हिए सैं न्‍होंर्बै ताँ था सेम्। छतसि चु बारसाबास नेरो मत्तियासए न्‍होंरि क्‍हिजी त्‍हाँबै म्हि ङिने उँइँमिंन्।

रोमी 14:12

छतमा ङ्यो ताँनइ ह्रों-ह्रोंसइ लबै केए हिसाब परमेश्‍वरलाइ बुजीदिल् त्‍हुम्।

रोमी 8:27

झाइले म्‍हिमैंए सैंर्बै ताँमैं था सेबै परमेश्‍वरजी पबित्र प्ल्हए बिचारै या था सेम्, तलेबिस्याँ पबित्र प्ल्हजी परमेश्‍वरए म्‍हिमैंए ल्हागिर परमेश्‍वरजी मैंब् धोंले खीने यो छ्युँ लमिंम्।

२ कोरिन्थी 5:10

तलेबिस्याँ ख्रीष्‍टजी निसाफ लमा ङ्यो ताँन् खीए उँइँर राल् त्‍हुम्। ङ्यो सोगों मुँमा छ्याँबै के ललेया, आछ्याँबै के ललेया ह्रोंसइ लबै केए नों ङ्योइ योंब्‍मुँ।

गलाती 6:5

तलेबिस्याँ ताँन् म्‍हिमैंइ ह्रोंसइ लल् त्‍हुबै के ह्रोंसइन लल् त्‍हुम्।

हिब्रू 4:13

परमेश्‍वरए उँइँरि तो सै या लोल् आखाँ। ताँन् सै परमेश्‍वरजी म्रोंल् खाँम्, छतसि ङ्योइ लबै केए हिसाब खीलाइन पिंल् त्‍हुम्।

१ पत्रुस 1:17

म्हिमैंइ लबै के ङ्‍ह्‍योसि खाबै आफेलनाले निसाफ लबै परमेश्‍वरलाइ आबा बिसि प्राथना लम् बिस्याँ, चु ह्‍युलर टिबै छ्ह तिगोंन् परमेश्‍वरने ङ्हिंसि टिद्।

दर्शन 2:11

“पबित्र प्ल्हजी बिश्‍वासीमैंने बिबै ताँ न्‍ह मुँब्मैंइ छेनाले थेरिगे। “शैतान दुष्‍टए फिर ट्होगों तबै म्हि ङ्हिंब्ले सिल् त्हुरिब् आरे, बरु खोंयोंइ आखाँबै छ्ह योंब्मुँ।”

दर्शन 2:7

“पबित्र प्ल्हजी बिश्‍वासीमैंने बिबै ताँ न्‍ह मुँब्मैंइ छेनाले थेरिगे। “शैतान दुष्‍टए फिर ट्होगों तब्मैंलाइ परमेश्‍वरए बगैंचार मुँबै छ्ह पिंबै सिं धुँर्बै रोमैं ङइ चल् पिंब्‍मुँ।”

दर्शन 20:12

सियाब्‍मैं, थेब, च्‍योंब ताँन् राजगद्दिए उँइँर रारिब् ङइ म्रोंइ। परमेश्‍वरजी कितबमैं फैथेंल। सियाब्‍मैंइ सोगों मुँमा तो तो के लल, च केमैं ताँन् च कितबर प्‍ह्रिथेंल। धै चमैंइ लबै के ङ्‍ह्‍योसि परमेश्‍वरजी निसाफ लमल। (अर्को कितब घ्रि या खीजी फैइ। च कितबर खोंयोंइ आखाँबै छ्ह योंबै म्हिमैंए मिं प्‍ह्रिल।)

दर्शन 20:13

मा ङ्युँइर सिबै म्‍हिमैं मा ङ्युँइइ पिंइ, छलेन काल नेरो क्रोज्यै या खेंमैंने मुँबै सिनुमैं पिंइ। धै चमैंइ लबै केमैं ङ्‍ह्‍योसि परमेश्‍वरजी निसाफ लइ।

दर्शन 22:12

“थेद्! म्हिमैंइ खैबै के लइमुँ छाबन् नों पिंबर ङ युनन् युब्‍मुँ बिसि,” येशूजी बिइमुँ।

दर्शन 6:8

ङइ उर्ग्या घोडा म्रोंइ। चए फिर क्रेबै म्‍हिए मिं “काल” मुँल, चए लिलि क्रों प्रमल। धै पृथ्‍बीर मुँबै म्हिमैं न्होंर्बै प्ल्हिबाँर्बै तिंबाँ सैबै हग चमैंलाइ पिंल। छतसि चमैंइ सेलाँइ ल्हिल् पिंब, अँङ्गल् तल् पिंब, नब छब तल् पिंब, धै क्ह्‍योंर्बै खेदोमैंइ थाल् पिंब लमल।