दर्शन 2:21 - परमेश्‍वरए ताँ तमु क्युइर

²¹ ङइ चलाइ पापउँइँले सैं एबै मौका पिंइ, दिलेया चइ ब्यभिचार लबै पापउँइँले एबै सैं आलइमुँ।

दर्शन 2:21 Iomraidhean Croise

रोमी 9:22

छलेन परमेश्‍वरलै या ह्रोंसए ह्रिस नेरो शक्‍ति उँइँबै सैं मुँ। दिलेया ह्रिसर कुमालेइ भाँड कोचेब् धोंले कोचेल् त्हुबै म्‍हिमैं मुँलेया खीजी चमैंए आछ्याँबै केमैं सैदिसि टिइमुँ।

१ पत्रुस 3:20

चमैं स्‍योंम्‍बै नोआ बिबै म्‍हिए पलोर्बै म्‍हिमैं मुँल। नोआइ क्यु झाज बनेरिमा परमेश्‍वरजी बिबै ताँ चमैंइ ङिंम् उ आङिं बिसि परमेश्‍वरजी पैंरिल। दिलेया क्यु झाजर क्रेबै म्हि प्रे मत्‍त्रे थेबै नाँ बाडिउँइँले जोगेमिंइ, अरू ताँन् सियाइ।

२ पत्रुस 3:15

झाइले ङ्योए प्रभुजी म्‍हिमैंए पापमैं सैदिमा ङ्यो जोगेबै मौका पिंइमुँ बिसि सैंर मैंन्। चु ताँ ङ्योए खोबै आघें पावलज्यै या परमेश्‍वरजी पिंबै बुद्धिजी चु ताँमैं खीए प्ह्रिछ्यार क्‍हेमैंए ल्हागिर प्ह्रिइमुँ।

२ पत्रुस 3:9

को-कोइए सैंर “प्रभु युबर क्‍हैल् लइ,” ङ्हाँलेया प्रभुजी खीजी फैबै बाछा पूरा लबर क्हैल् आल। खाबै या नास आतरिगे बरु ह्रोंसए पापउँइँले सैं एसि खिउँइँ तोरिगे बिसि प्रभुजी क्हेमैंलाइ सैदिसि पैंरिइमुँ।

दर्शन 16:11

झाइले चमैंलाइ बेल्‍ले नल् लबै घा नेरो रुँइ दुःख पिंमा चमैंइ स्वर्गर्बै परमेश्‍वरए फिर गाल् केइ। दिलेया चमैं खेंमैंइ लबै पापउँइँले अझै सैं आए।

दर्शन 16:9

छतसि त्‍हिंयाँ बेल्‍ले छसि म्‍हिमैंलाइ ख्रोंवाइ। धै चमैंइ च्हौ थेबै दुःख पिंल् खाँबै परमेश्‍वरए मिं स्यारइ। दिलेया चमैंइ खेंमैंइ लबै पापउँइँले अझै सैं आए, धै परमेश्‍वरए मानै या आल।