दर्शन 2:12 - परमेश्‍वरए ताँ तमु क्युइर

¹² “पर्गामम नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “छ्यारबै दोहोरो धार मुँबै सेलाँ मुँबै येशूजी चु ताँ बिइमुँ:

दर्शन 2:12 Iomraidhean Croise

हिब्रू 4:12

परमेश्‍वरए ताँ सोगों मुँ धै खोंयोंन् बिलै के लरिम्, धै चु धार ङ्हिं मुँबै सेलाँ भन्दा छ्यारब् तम्। चुइ सो नेरो प्ल्हलाइ, चए जोर्नि-जोर्नि नेरो ह्रुइबए टों समा भाग भाग लसि क्योंजा चोंजा तल्‍ले थोंसि सैंर्बै ताँ नेरो बिचार जाँच लल् खाँम्।

दर्शन 1:11

“क्‍हिइ म्रोंबै ताँ कितबर प्‍ह्रिसि नाँस ङिर्बै एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नेरो लाउडिकिया बिबै नाँसर्बै बिश्‍वासीलाइ पिमिंन् बिब ङइ थेइ।”

दर्शन 1:16

खीए क्‍योलो योर मुसारा ङि मुँल। झाइले खीए सुँउँइँले दोहोरोन् धार मुँबै सेलाँ त्‍होंल। खीए लि त्‍हिंयाँ आधार्बै त्‍हिंयाँ धोंले बेल्‍ले चारब मुँल।

दर्शन 19:15

ताँन् ह्रेंमैंलाइ ल्हिबर खीए सुँउँइँले छ्यारबै सेलाँ त्‍होंल। खीजी पैए प्‍हरे छेसि ताँन् ह्रेंमैंए फिर ग्याल्स लमा ताँन् भन्दा थेबै शक्‍ति मुँबै परमेश्‍वरए ह्रिसइ प्लिंबै कोल खीजी प्लेवाब्‍मुँ।

दर्शन 19:21

झाइले चमैंए ताँन् फौजमैंलाइ घोडाए फिर क्रेबै म्‍हिए सुँउँइँले त्‍होंबै सेलाँइ सैवाइ। धै ताँन् नमेमैंइ चमैंए से म्रेंन्ले चइ।

दर्शन 2:1

“एफिसस नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “मुसारा ङिउलो क्‍योलो योर छेसि माराए पानस ङिउलोए म्‍हाँजोर प्रबै येशूजी चु ताँ बिइमुँ:

दर्शन 2:16

छतसि क्हेमैंए पापमैंउँइँले सैं एद्। आस्‍याँ ङ क्‍हि ङाँर युनन् युसि च म्‍हिमैंने बालु ङए सुँउँइँले त्‍होंबै सेलाँइ ङइ ल्हडें लब्‍मुँ।