दर्शन 2:10 - परमेश्‍वरए ताँ तमु क्युइर

¹⁰ क्हेमैंए फिर खबि छेबै दुःखने आङ्हिंन्। थेद्, क्‍हेमैंलाइ पापर च्होवाबै ल्हागिर दुष्‍टइ को-कोइलाइ झेलर झोंब्‍मुँ। क्‍हेमैंलाइ च्‍युगैं मत्‍त्रे दुःख तब्‍मुँ। दिलेया क्‍हेमैं आसिन् समा ङए फिर बिश्‍वास लरिद्, छलस्याँ ङइ क्‍हेमैंलाइ इनामर खोंयोंइ आखाँबै छ्ह पिंब्मुँ।

दर्शन 2:10 Iomraidhean Croise

भजनमैं 31:23

ओ खीए ताँन् म्हिमैं, याहवेहलाइ म्हाँया लद्! खीए फिर बिश्‍वास लब्मैंलाइ याहवेहजी रक्षा लम्, दिलेया थेब् प्हैंब्मैंलाइ बिस्याँ खीजी पिंल् त्हुबै दण्ड पिंम्।

मत्ती 10:22

क्हेमैंइ ङए मिं किंबइले ताँन् म्‍हिमैंइ क्‍हेमैं हेल लब्‍मुँ। दिलेया सैदिसि लिउँइँ समा बिश्‍वासर भोंब् तेरिब्‍मैं परमेश्‍वरजी जोगेमिंब्मुँ।

मत्ती 10:28

“क्‍हिए ज्यु सैल् खाँब्‍मैंने आङ्हिंन्, तलेबिस्याँ चमैंइ क्‍हिए प्‍ल्‍ह सैल् आखाँ। बरु प्‍ल्‍ह नेरो ज्यु ङ्हिंन-ङ्हिंन् नर्गर भ्‍योंवासि नास लल् खाँबै परमेश्‍वर म्रोंसि ङ्हिंन्।

मत्ती 24:13

दिलेया लिउँइँ समा खीए फिर बिश्‍वास लसि टिब्मैंलाइ परमेश्‍वरजी जोगेमिंब्मुँ।

मर्कूस 13:13

ङए फिर बिश्‍वास लब्मैं तबइले ताँनइ क्‍हेमैं हेल् लब्‍मुँ। दिलेया लिउँइँ समा दुःख सैदिसि ढुक्‍कले टिब्मैं जोगेल् योंब्‍मुँ।

मर्कूस 8:35

तलेबिस्याँ खाबइ ह्रोंसए ज्युए म्हाँया लमुँ, चइ खोंयोंइ आखाँबै छ्ह आयों, छलेन ङउँइँले खबै सैं तोंबै ताँ बिप्रमा ह्रोंसए ज्यु नास तयालेया चइ खोंयोंइ आखाँबै छ्ह योंब्मुँ।

लूका 21:12

चु ताँन् सैमैं तब् भन्दा ओंसों म्हिमैंइ क्हेमैंलाइ ह्रुगुदिब्‍मुँ। चमैंइ क्‍हेमैं क्हासि च्हों धिंजरे बोसि क्हेमैंए मिंर मुद्दा झोंसि झेलर च्युवाब्‍मुँ। क्हेमैंइ ङए मिं किंबइले म्रुँमैं नेरो क्रथेमैंए उँइँर बोब्‍मुँ।

यूहन्‍ना 12:25

ह्रोंसए ज्यु म्हाँया लब्मैंला ज्यु नास तयाब्मुँ। दिलेया परमेश्‍वरए केए ल्हागिरि सिलन् त्हुलेया तो धोंइ आङ्हाँन्ले प्रब्मैंइ बिस्याँ खोंयोंइ आखाँबै छ्ह योंब्‍मुँ।

यूहन्‍ना 13:2

दिलेया ङेसार्बै चब् चबै त्हे भन्दा ओंसोंन् दुष्‍टइ येशूलाइ क्हाल् पिंबै सैं इस्करयोतथें सिमोनए च्ह यहूदाए सैंर झोंल् खाँल।

यूहन्‍ना 13:27

चइ च क्हें लुँठे चबै तोदोंन् चए सैंर दुष्‍ट होंइ। झाइले येशूजी चने “क्‍हिइ तो लल् म्हैल, च युनन् लद्,” बिइ।

चेला चिब्मैंए केमैं 20:24

दिलेया ङइ ह्रोंसए छ्ह ह्रोंसए ल्हागिर तोइ सैइ आमैं। बरु परमेश्‍वरजी म्हिमैंए फिर दयाम्हाँया लबै बारेर सैं तोंबै ग्वाइ बिप्रबर प्रभु येशूजी पिंबै के ङइ ताँन् लल् खाँरिगे बिब् मत्‍त्रे ङइ मैंम्।

चेला चिब्मैंए केमैं 21:13

दिलेया खिइ बिइ, “क्‍हेमैं छले क्रोसि ङए सैं तले च्योंब् लमुँ? प्रभु येशूए ल्हागिर ङ जेलर फैब् मत्‍त्रे आङिं, यरूशलेमर सिल् त्हुनाबिलेया ङ तयार मुँ।”

१ कोरिन्थी 9:25

खेलर भाग किंबै म्हिमैं तोन्दोंरि सैर ह्रोंसए ज्यु तार झोंम्। चमैं नास तयाबै पुरस्‍कार योंबै ल्हागिर छ लम्, दिलेया ङ्यो खोंयोंइ नास आतबै पुरस्कार योंबै ल्हागिर छ लम्।

एफिसी 2:2

च त्हेर क्‍हेमैं चु ह्‍युलर्बै रोसर प्रमल, धै शक्‍ति मुँबै मुर टिबै सैमैंए चिबलाइ म्‍हाँदिमल। तिंजोरो या परमेश्‍वरलाइ आम्‍हाँदिब्‍मैं च चिबए न्होंर्न टिइमुँ।

एफिसी 6:12

तलेबिस्याँ ङ्यो म्‍हिमैंने नेब्मैं आङिं, ङ्योम् शासकमैं, अधिकारमैं, चु जुगए मिछु खैबर टिबै दुष्‍ट शक्‍ति मुँबै सैमैं नेरो परमेश्‍वरलाइ आम्‍हाँदिबै ताँन् स्‍यागि-म्‍होंगिमैंए बिरोधर नेब्मैं ग।

याकूब 1:12

खैबै दुःख तलेया तोइ आङ्हाँन्ले ढुक्‍काले टिबै म्हिइ आशिक योंब्मुँ, तलेबिस्याँ बिश्‍वासए जाँच तमा सैदिल् खाँबै म्हिइ लिउँइँ खोंयोंइ आखाँबै छ्ह योंब्मुँ। चु छ्ह परमेश्‍वरजी खीलाइ म्हाँया लब्मैंलाइ पिंम् बिसि बाछा फैइमुँ।

१ पत्रुस 5:4

छलस्याँ ताँन् भन्दा मूलि प्‍ह्रोंछैं युबै त्हेर क्‍हेमैंइ खोंयोंइ आङ्योंलोंब नास आतबै छ्याँबै मुकुट योंब्‍मुँ।

१ पत्रुस 5:8

बरु न्ह क्रों मि क्रोंले टिद्, तलेबिस्याँ क्‍हेमैंए शत्तुर दियाबलस बिबै दुष्‍ट खाबलाइ सैसि चब् ङ्‍हे बिसि सिंह धोंले बेल्‍ले थेबै कै तेदै स्युर प्रम्।

दर्शन 13:14

ओंसोंबै खेदोए उँइँर चइ औदिबै चिनु मुँबै केमैं लबै शक्ति योंल, छतसि प्लेटोयान् तबै केमैं लसि चइ पृथ्‍बीर टिब्मैंए सैं खेंमैं ङाँइ लवाइ। धै “सेलाँइ ल्हिबै घा ससि सोबै ओंसोंबै खेदोए मान लबै ल्हागिर खेदोए कु घ्रि बनेद्” बिसि चइ म्‍हिमैंलाइ कर ल्‍हैदिइ।

दर्शन 13:2

ङइ म्रोंबै च खेदो चितुवा धों ब्योंब् मुँल। चए प्‍हले भलुए प्‍हले धों तब् मुँल, झाइले चए सुँ सिंहल् धों ब्योंब् मुँल। च अजिङ्गरइ च चितुवा धों ब्योंबै खेदोलाइ ह्रोंसए शक्‍ति, थेबै हग नेरो राजगद्दि पिंइ।

दर्शन 13:7

च खेदोइ परमेश्‍वरए म्‍हिमैंने ल्हडें लसि चमैंलाइ ट्होवाल् पिंइ। झाइले ताँन् कुलर्बै म्‍हिमैं, ताँन् ह्‍युलर्बै म्‍हिमैं, ताँन् क्युइ पोंब्‍मैं नेरो ताँन् ह्रेंर्बै म्‍हिमैंए फिरै या चलाइन ग्याल्स लल् पिंइ।

दर्शन 17:14

चमैंइ क्‍यु च्हजए बिरोधर ल्हडें लब्‍मुँ। दिलेया क्‍यु च्हज नेरो खीजी हुइसि त्‍हाँबै बिश्‍वास लबै म्‍हिमैंइ चमैंलाइ ट्होवाब्‍मुँ, तलेबिस्याँ खी प्रभुमैंए फिर्बै प्रभु नेरो म्रुँमैंए फिर्बै म्रुँ ग।”

दर्शन 2:13

दुष्‍टइ ग्याल्स लबै क्ल्ह्‍योर क्‍हि टिइमुँ बिब ङइ सेइमुँ। दिलेया दुष्‍ट टिबै क्‍ल्‍ह्‍योर ङए बारेर भर लल् खाँबै ग्वाइ पिंबै एण्‍टिपासलाइ म्‍हिमैंइ सैवानाबिलेया क्‍हिइ ङए फिर बिश्‍वास लब आपिइमुँ।

दर्शन 2:9

क्‍हिए दुःखमैं नेरो क्‍हि ङ्हाँदु मुँ बिब ङइ सेइमुँ। दिलेया क्‍हिम् क्‍ह्रोंसेंन प्लब मुँ। कोइ म्‍हिमैंइ ‘ङ यहूदी ग,’ बिमुँ, दिलेया चमैं यहूदीमैं आङिं, चमैं दुष्‍टए न्होंर टिब्‍मैं ग। चमैंइ क्‍हिए फिर पोंबै आछ्याँबै ताँमैं ङइ सेइमुँ।