दर्शन 19:12 - परमेश्‍वरए ताँ तमु क्युइर

¹² खीए मि मिए राब धों तब् मुँल। खीए क्रर ल्हें मुकुटमैं मुँल। खीए ज्युर मिं प्‍ह्रिथेंल, दिलेया च मिं खीजी मत्‍त्रे सेल।

दर्शन 19:12 Iomraidhean Croise

उत्पत्ति 32:29

झाइले याकूबज्यै यो छ्युँ लसि चने “क्हिए मिं तो जा? ङने बिद्,” बिसि ङ्योएइ। “ङए मिं क्हिइ तो लबर ङ्योएल?” बिदै खीजी याकूबलाइ आशिक पिंइ।

भजनमैं 8:5

क्हिजी म्हिए च्हलाइ स्वर्गदूतमैं भन्दा च्युगुदे न्होंवाँइ थेंमिंइ, धै लिउँइँ खीलाइ थेबै मानए मुकुट कुमिंइ।

प्रस्थान 23:21

क्हेमैंइ चए ताँ छेनाले थेद्, तलेबिस्याँ चलाइ ङइ कुलब् ग। छतसि चए बिरोध आलद्, आस्याँ चइ क्हेमैंए पापमैं क्षमा लरिब् आरे।

हितोपदेश 30:4

स्वर्ग समा खाब् क्रेयासि युइमुँ? खाबइ ह्रोंस‍ए मुठिर खैं क्हाइमुँ? ह्रोंसए क्वेंर खाबइ मा ङ्युँइ बेर्दिइमुँ? पृथ्बीए साँद खाबइ तोक्दिइमुँ? खीए मिं तो जा, धै खीए च्हए मिं तो जा? क्हिइ सेइमुँ बिस्याँ ङने बिद्!

मत्ती 11:27

येशूजी धबै बिइ, “ङए आबाजी तोन्दोंरि सै ङने पिंइमुँ। परमेश्‍वर आबाजी बाहेक अरू खाबज्‍यै परमेश्‍वरए च्‍हलाइ ङो आसे। छलेन च्ह बाहेक खाबज्यै परमेश्‍वर आबालाइ ङो आसे। ‘परमेश्‍वर आबा ङो सेरिगे’ बिसि च्हजी तेंमिंब्मैंइ मत्‍त्रे परमेश्‍वर आबा ङो सेमुँ।

मत्ती 21:5

“सियोनए च्हमिने छ बिमिंन्, तारे क्‍हिए म्रुँ क्‍हि ङाँर खइन मुँ, थेब् आप्‍हैंन्‍ले गधाए फिर क्रेसि खइन मुँ, खी गधा झजए फिर क्रेसि खइमुँ,” बिसि बिल।

मत्ती 28:18

छतमा येशू चमैं ङाँर खसि बिइ, “स्वर्ग नेरो पृथ्‍बीर्बै तोन्दोंरि हग परमेश्‍वरजी ङने पिंइमुँ।

लूका 10:22

“ङए परमेश्‍वर आबाजी तोन्दोंरि सै ङलाइ पिंइमुँ। च्‍ह खाब् जा बिसि परमेश्‍वर आबाजी मत्‍त्रे सेमुँ अरूमैंइ आसे, परमेश्‍वर आबा खाब् जा बिसि च्हइ मत्‍त्रे सेमुँ अरूमैंइ आसे। ‘परमेश्‍वर आबा ङो सेरिगे’ बिसि ङइ उँइँदा ङ्हाँब्मैंइ मत्‍त्रे खीलाइ ङो सेम्, अरू खाबज्‍यै या परमेश्‍वर आबा ङो आसे।”

यूहन्‍ना 17:11

तारे ङ क्हि ङाँर खसिन् मुँ। ङ चु ह्‍युलर ल्हें आटि, चुमैं बिस्याँ चु ह्‍युलर्न टिम्। ओ पबित्र आबा, ङ्यो घ्रि तब् धोंलेन् क्हिजी ङने पिंब्मैं या घ्रिन् तरिगे बिसि क्हिए मिंए शक्‍तिउँइँले चमैं जोगेसि थेंमिंन्।

यूहन्‍ना 17:12

ङ चमैंने मुँमा क्हिए मिंए शक्‍तिउँइँले ङइ चमैं जोगेसि थेंमिंइ। परमेश्‍वरए छ्वेर प्ह्रिबै ताँ पूरा तबै ल्हागिर नास तल् त्हुबै चेला बाहेक अरू खाबै या नास आतइमुँ।

एफिसी 1:21

चर क्हुँसि ख्रीष्‍टजी ताँन् स्‍वर्गदूतमैंए फिर, स्‍वर्गदूतमैंए चिब्मैंए फिर, अधिकारिमैंए फिर नेरो स्‍यागि-म्‍होंगिमैंए चिब्मैंए फिर, तोन्‍दोंरि सैए फिर ग्याल्स लम्। चु जुगर मत्‍त्रे आङिं, तारे तबै जुगर्बै या ताँन् थे-थेबै सैमैंए फिर ख्रीष्‍टलाइ ग्याल्स लल् पिंइमुँ।

हिब्रू 2:9

दिलेया ताँन् सै खीए न्होंर मुँ बिबै ताँ ङिइ सेइमुँ। दे त्हेए ल्हागिर खीलाइ स्वर्गदूतमैं भन्दा दे क्युरु लमिंइ, तलेबिस्याँ म्हिमैंए फिर्बै परमेश्‍वरए दयाम्हाँयाइ लमा म्हिमैंए पाप ख्रुमिंबै ल्हागिर खी दु:खले सिल् त्हुइ। दिलेया सिबइले खी धबै सोगों तसि खइ। छतसि परमेश्‍वरजी खीलाइ थेबै मानए मुकुट कुमिंइ।

दर्शन 1:14

खीए क्र पै, अथवा क्‍लिं धोंले फोस्रे ब्‍योंब मुँल। झाइले खीए मि मिए राब धों तब् मुँल।

दर्शन 12:3

च लिउँइँ धबै मुर अर्को औदिबै चिनु म्रोंइ: चर बेल्‍ले थेबै ओल्‍ग्‍या अजिङ्गर मुँल। चए क्र ङि मुँल, धै क्र ह्रोंसे मुकुट मुँल। झाइले चए रुँ च्‍यु मुँल।

दर्शन 13:1

च लिउँइँ मा ङ्युँउँइँले खेदो घ्रि त्‍होंरिब् ङइ म्रोंइ। च खेदोल रुँ च्‍यु, क्र ङि मुँल। चए रुँ ह्रोंसे मुकुट मुँल, क्र ह्रोंसे परमेश्‍वरए मिं वाबै आछ्याँबै मिं प्‍ह्रिल।

दर्शन 19:16

खीए क्‍वें नेरो प्‍हाँर “प्रभुमैंए फिर्बै प्रभु, झाइले म्रुँमैंए फिर्बै म्रुँ,” बिबै मिं प्‍ह्रिल।

दर्शन 3:12

“ट्होबै म्हिमैंलाइ ङइ ङए परमेश्‍वरए मन्‍दिरर्बै त्हो लमिंम्। झाइले चमैं मन्‍दिरउँइँले बैरु त्होंल् आत्हु। चमैंए ङ्होर ङइ ङए परमेश्‍वरए मिं प्‍ह्रिमिंब्‍मुँ, झाइले स्‍वर्गउँइँले क्युरु युबै परमेश्‍वरए छारा यरूशलेम बिबै सहरए मिं प्‍ह्रिमिंब्‍मुँ, झाइले ङए छारा मिं या च म्‍हिमैंए ङ्होर ङइ प्‍ह्रिमिंब्‍मुँ।

दर्शन 6:2

झाइले ङइ ङ्ह्‍योमा चर फोस्रे ब्योंबै घोडा म्रोंइ। च घोडाए फिर क्रेबै म्‍हिइ त्‍हले छेल। धै चए क्रर मुकुट घ्रि कुमिंइ। झाइले चइ ट्होसि धबै अरूलाइ ट्होबर ह्‍याइ।