दर्शन 18:7 - परमेश्‍वरए ताँ तमु क्युइर

⁷ चइ खैले सयल लसि सुख योंल, छलेन् चए फिर दुःख नेरो शोक तल् पिंन्। तलेबिस्याँ ‘ङ चुर म्रुँस्‍यो तसि टिइमुँ। म्हरेस्योलाइ धोंले ङलाइ शोक तरिब् आरे, ङ क्रोब-म्‍होब खोंयोंइ लल् त्हुरिब् आरे!’ बिसि चइ मैंम्।

दर्शन 18:7 Iomraidhean Croise

एस्तर 6:10

झाइले म्रुँइ हामानने बिइ, “छ बिस्याँ क्हिइ बिब् धोंलेन् च क्वें नेरो घोडा युनन् पखो, धै यहूदी मोर्दकैए ल्हागिर छान् लद्। च दरबारर्बै ओंसों मुल म्रार टिरिम्। क्हिइ बिबै ताँन् ताँमैंर घ्रि या आछुटिरिगे।”

भजनमैं 10:6

“तो सैज्यैया ङलाइ लाल् खाँरिब् आरे, छतमा ङए फिर खोंयोंन् बिलै तोइ दुःख तरिब् आरे,” बिसि चमैंए सैंर मैंम्।

भजनमैं 45:9

क्हिउँइँले मान योंबै च्हमिरिमैं न्होंर म्रुँमैंए च्हमिमैं या मुँ; क्हिए क्योलोउँइँ ओपीरर्बै माराए घानइ पैरिदिबै म्रुँस्यो राइमुँ।

१ तिमोथी 5:11

दिलेया ट्च्यु बर्ष न्होंर्बै म्हरेस्योमैंए मिं सेवा लमिंबर आप्ह्रिद्, तलेबिस्याँ चमैं ब्ह्‍या लदा ङ्हाँसि ख्रीष्‍टउँइँले ह्रेंगो तयाम्, धै ब्ह्‍या लबै सैं लम्।

दर्शन 18:3

च च्हमिरिने ल्हैदिबै ताँन् ह्रेंर्बै म्‍हिमैं प्हाइ धोंले म्हेरइमुँ। पृथ्‍बीर्बै म्रुँमैं या च च्हमिरिने ल्हैदिइमुँ। च फ्यालुस्योइ तो लदा ङ्हाँमुँ चन् लप्रइमुँ, धै छों लब्मैं चने क्ह्रिसि प्लइमुँ।”

दर्शन 18:9

“चलाइ ख्रोंवाबै मिखु म्रोंसि च च्हमिरिने ल्हैदिसि सयल लबै पृथ्‍बीर्बै म्रुँमैं क्रोब-म्‍होब तसि थेबै शोक तब्‍मुँ।