दर्शन 18:6 - परमेश्‍वरए ताँ तमु क्युइर

⁶ चइ खै लल चने छान् लद्, चइ तिल दुःख पिंल, क्हिइ ङ्हिल दु:ख पिंन्। चइ क्हेमैंलाइ तो सैइ म्हेरल् लल च भन्दा झन् म्हेरल् लबै सैइ क्हिइ चलाइ म्हेरल् लवाद्।

दर्शन 18:6 Iomraidhean Croise

भजनमैं 137:8

ओ बेबिलोनए च्हमि, क्हि नास लवाब्मुँ। ङिए फिर क्हिइ खै लल, छाबन् खि किंबै म्हिइ आशिक योंब्मुँ।

भजनमैं 28:4

चमैंइ लबै आछ्याँबै केमैं नेरो चमैंए योइ लबै केमैं ङ्ह्‍योसि योंल् त्हुबै दण्ड चमैंलाइ पिंन्; चमैंए योइ खैबै के लइमुँ छाबन् दण्ड चमैंलाइ पिंन्, चमैंइ योंल् तुबै दण्ड चमैंलाइ पिंन्।

२ तिमोथी 4:14

अलेक्‍जेन्डर बिबै कुमालेइ ङलाइ बेल्‍ले दुःख पिंइ। प्रभुजी चलाइ चइ लबै के अनुसार्बै दण्‍ड पिंब्‍मुँ।

दर्शन 13:10

झेलर झोंल् त्हुब्मैं झेलर्न झोंब्मुँ। सेलाँइ सैल् त्हुब्मैं, सेलाँइन सैब्मुँ। छतब म्रोंलेया परमेश्‍वरए म्‍हिमैं आङ्हिंन्, ढुक्‍कले बिश्‍वासर भोंब् तद्।”

दर्शन 14:10

चमैंइ परमेश्‍वरए बेल्‍ले थेबै ह्रिसए प्हा थुँल् त्‍हुब्‍मुँ। च त्हेर तिफुँइ ल्हयो आखल्‍ले परमेश्‍वरजी सजैं पिंब्‍मुँ। च म्‍हिमैंइ पबित्र स्‍वर्गदूतमैं नेरो क्‍यु च्हजए उँइँरि मि नेरो गन्‍धकरि बेल्‍ले दुःख योंब्‍मुँ।

दर्शन 16:19

च लिउँइँ च थेबै सहर सोंबाँ तयाइ। झाइले ताँन् ह्‍युलर्बै सहरमैं नास तयाइ। च त्हेर परमेश्‍वरजी बेबिलोन बिबै थेबै सहरलाइ मैंइ। छतसि खीए बेल्‍ले थेबै ह्रिसइ प्लिंबै प्‍हेल बेबिलोनलाइ थुँबर कर ल्‍हैदिइ।

दर्शन 17:2

पृथ्‍बीर्बै ताँन् म्रुँमैं च फ्यालुस्योने टिइमुँ। धै ह्‍युलर्बै म्‍हिमैं या च फ्यालुस्योनेन् ब्यभिचार लसि प्हा थुँब् धोंले म्हेरइमुँ।”

दर्शन 17:4

च च्हमिरिइ कलाँजी रङर्बै क्‍वें नेरो ओल्‍ग्‍या क्‍वें खिल, धै चइ माराए घानामैं नेरो सै ल्हें फेबै सकलि तुथुमैं पैरेल। चए योर्बै माराए प्‍हेल चइ लबै ब्यभिचारए केमैंइ प्‍लिंल।

दर्शन 18:20

(ओ स्वर्ग, च सहर थुँयाब् म्रोंसि सैं तोंन्! ओ परमेश्‍वरए म्‍हिमैं, कुल्मिंबै चेला चिब्मैं नेरो अगमबक्‍तामैं क्हेमैं ताँन् सैं तोंन्। तलेबिस्याँ च सहरइ क्‍हेमैं बेल्‍ले दुःख पिंल, छतसि परमेश्‍वरजी चलाइ नास लवाइ।)