दर्शन 18:2 - परमेश्‍वरए ताँ तमु क्युइर

² चइ थेबै कै तेसि बिइ, “थुँयाइमुँ! थुँयाइमुँ! बेबिलोन बिबै थेबै सहर थुँयाइमुँ! चर स्यागि म्होंगिमैंइ प्लिंयाइमुँ, आछ्याँबै सैं प्ह्‍याबै प्ल्हमैंइ प्लिंइमुँ, धै से चल् आतबै नमेमैं नेरो से चल् आतबै खेदोमैं ताँन् चर मुँ।

दर्शन 18:2 Iomraidhean Croise

दर्शन 1:15

खीए प्‍हले भट्टिर खारदिबै सरेस धोंले वाँ वाँ ब्योंब् मुँल। खीए कै बेल्‍ले ङ्‍हेबै छारे धों तब् मुँल।

दर्शन 10:3

झाइले सिंह ङ्‌हेब् धोंले चइ थेबै कै तेइ। चइ कै तेबै लिउँइँ काम्‍लि तिम्‍लि रादै मुउँइँले थेबै कै ङि त्होंइ।

दर्शन 11:8

झाइले चमैंए सिनुमैं खेंमैंए प्रभुलाइ क्रूसर सैबै थेबै सहरए घ्याँर तब्‍मुँ। (च सहरलाइ अहानर सदोम सहर नेरो मिश्र ह्‍युल बिम्।)

दर्शन 14:15

झाइले अर्को स्‍वर्गदूत मन्‍दिरउँइँले बैरु त्‍होंसि थेबै कैले च न्हाँम्स्योर क्हुँरिबै म्हिने बिइ, “क्‍हिए कोरे छेसि बालि खैंन्, तलेबिस्याँ पृथ्‍बीर्बै बालिमैं खैंबै त्हे तयाल् खाँइमुँ।”

दर्शन 14:8

झाइले अर्को स्‍वर्गदूत ओंसोंबै स्‍वर्गदूतए लिलि ल्‍हैदिसि बिइ, “नास तयाइ! च बेबिलोन बिबै थेबै सहर नास तयाइ। च सहरर्बै म्‍हिमैंइ खैले खेंमैंइ ब्यभिचार लमुँ छलेन ताँन् ह्‍युलर्बै म्हिमैंलाइ ब्यभिचार लबर ल्हैदिल।”

दर्शन 16:13

झाइले अजिङ्गरए सुँउँइँले, आछ्याँबै खेदोए सुँउँइँले नेरो स्योलिबै ताँ पोंबै अगमबक्‍ताए सुँउँइँले प्‍हत्‍गु धों तबै स्यागि म्होंगि सों त्‍होंह्‍याब ङइ म्रोंइ।

दर्शन 16:19

च लिउँइँ च थेबै सहर सोंबाँ तयाइ। झाइले ताँन् ह्‍युलर्बै सहरमैं नास तयाइ। च त्हेर परमेश्‍वरजी बेबिलोन बिबै थेबै सहरलाइ मैंइ। छतसि खीए बेल्‍ले थेबै ह्रिसइ प्लिंबै प्‍हेल बेबिलोनलाइ थुँबर कर ल्‍हैदिइ।

दर्शन 17:18

“क्‍हिइ म्रोंबै च्हमिरि थेबै सहर ग, चइ पृथ्‍बीर्बै ताँन् म्रुँए फिर ग्याल्स लम्।”

दर्शन 17:5

च च्हमिरिए ङ्‌होर मिं घ्रि प्‍ह्रिल। च मिंए अर्थ “थेबै बेबिलोन सहर, अथवा पृथ्‍बीर्बै आछ्याँबै ब्यभिचार लबै ताँन् फ्यालुस्योमैं नेरो छेरन ङ्हाँबै के लबै ताँन् म्‍हिए आमा चुन् ग बिब् मुँल।”

दर्शन 18:10

चमैं चए थेबै दुःख म्रोंसि ङ्हिंब्मुँ। झाइले चमैं ह्रेंगोन् रासि ‘आमै! आमै! कति थेबै नोक्‍सान तना! च थेब नेरो भोंबै बेबिलोन सहरइ तिस्यार्न सजैं योंना,’ बिब्मुँ।

दर्शन 18:21

च लिउँइँ धबै बेल्‍ले भोंबै स्‍वर्गदूत घ्रिइ ह्रेंदो धों तबै थेबै युँमा घ्रि छेसि मा ङ्युँइर भ्‍योंवासि “च थेबै बेबिलोन सहरलाज्यै या छलेन् भ्‍योंवाब्‍मुँ,” बिइ। “तारे क्हेमैंइ च धबै म्रोंरिब् आरे।

दर्शन 5:2

झाइले बेल्‍ले भोंबै स्‍वर्गदूत ङइ म्रोंइ। चइ थेबै कैले, “चु फैथेंबै काउदए प्हैं प्‍ल्हबै लायकर्बै खाब् मुँ?” बिइ।