दर्शन 17:4 - परमेश्‍वरए ताँ तमु क्युइर

⁴ च च्हमिरिइ कलाँजी रङर्बै क्‍वें नेरो ओल्‍ग्‍या क्‍वें खिल, धै चइ माराए घानामैं नेरो सै ल्हें फेबै सकलि तुथुमैं पैरेल। चए योर्बै माराए प्‍हेल चइ लबै ब्यभिचारए केमैंइ प्‍लिंल।

दर्शन 17:4 Iomraidhean Croise

दर्शन 14:8

झाइले अर्को स्‍वर्गदूत ओंसोंबै स्‍वर्गदूतए लिलि ल्‍हैदिसि बिइ, “नास तयाइ! च बेबिलोन बिबै थेबै सहर नास तयाइ। च सहरर्बै म्‍हिमैंइ खैले खेंमैंइ ब्यभिचार लमुँ छलेन ताँन् ह्‍युलर्बै म्हिमैंलाइ ब्यभिचार लबर ल्हैदिल।”

दर्शन 18:12

चमैंए मारा, चाँदि, सै ल्हें फेबै हिरामोतिमैं, सै ल्हें फेबै क्‍वें, कलाँजी रङर्बै क्‍वें, रेशमि क्‍वें, ओल्‍ग्‍या क्‍वें; झाइले छ्याँबै थाँ खबै सिंमैं नेरो हात्तिए दाराउँइँले बनेबै सैमैं, सै ल्हें फेबै सिं, पित्तल, पै, छ्याँबै युँमा छाबै सैमैंउँइँले बनेबै ताँन् खालर्बै सैमैं;

दर्शन 18:16

‘आमै! आमै! च्‍हौ थेबै सहर नास तयान बिसि ह्रेंगोन् रासि क्रोब-म्‍होब लब्‍मुँ। चइ मलमलए क्‍वेंमैं, कलाँजी रङर्बै क्‍वेंमैं, नेरो ओल्‍ग्‍या क्‍वेंमैं खिमल माराए घाना नेरो सै ल्हें फेबै तुथुमैं प्हिरुमैं या पैरेमल।

दर्शन 19:2

खीजी ठिक निसाफ लम्। पृथ्‍बीर्बै ताँन् म्‍हिमैंलाइ ब्यभिचार लबर ल्हैदिसि न्होंवाबै च फ्यालुस्योलाइ खीजी दण्ड पिंइमुँ। छले खीए के लब्‍मैंलाइ सैवाबै खि खीजी किंइ।”

दर्शन 21:21

च च्युसे ङ्हिं म्रा च्युसे ङ्हिं मोतिमैंल् मुँल। च म्रामैं स्यो-स्योबै मोतिइ बनेल। च सहरए घ्याँ दर्पन धोंले टल्‍कदिबै माराल मुँल।

दर्शन 9:21

चमैंइ म्हि सैब, म्हुत मोंब, फा-फुइ टुना मुना लब, ब्यभिचार लब, ह्‍योब, छाबै आछ्याँबै केमैंउँइँले या सैं आए।