दर्शन 16:1 - परमेश्‍वरए ताँ तमु क्युइर

¹ झाइले च स्‍वर्गदूत ङिलाइ स्‍वर्गउँइँले थेबै कैले छ बिब ङइ थेइ, “ह्‍याद्, धै प्‍हेल ङिर मुँबै परमेश्‍वरए ह्रिस पृथ्‍बीए फिर युवाद्।”

दर्शन 16:1 Iomraidhean Croise

भजनमैं 79:6

च ह्रेंमैंइ क्हिलाइ आम्हाँदि, च ह्‍युलमैंर्बै म्हिमैंइ क्हिए मिं आकिं, छतसि चमैंए फिर क्हिए ह्रिंस उँमिंन्।

दर्शन 11:19

च लिउँइँ स्वर्गर परमेश्‍वरए मन्‍दिरर्बै म्रा थोंयाइ, धै खीजी फैबै बाछाए ठिम झोंथेंबै म्हदुस मन्‍दिर न्होंर म्रोंइ। च्हमा काम्‍लि तिम्‍लि चारइ, मु ङ्‌हेइ, सयो खइ धै थे-थेबै तिस्‍यु युइ।

दर्शन 14:15

झाइले अर्को स्‍वर्गदूत मन्‍दिरउँइँले बैरु त्‍होंसि थेबै कैले च न्हाँम्स्योर क्हुँरिबै म्हिने बिइ, “क्‍हिए कोरे छेसि बालि खैंन्, तलेबिस्याँ पृथ्‍बीर्बै बालिमैं खैंबै त्हे तयाल् खाँइमुँ।”

दर्शन 14:18

छलेन अर्को स्‍वर्गदूत ख्रो पिंबै क्ल्ह्‍योउँइँले खइ। च स्‍वर्गदूतइ लुँरिबै मि सिल् आपिंबै जिम्‍मा योंल। च स्‍वर्गदूतइ बेल्‍ले छ्यारबै कोरे छेबै स्‍वर्गदूतने थेबै कैले बिइ, “पृथ्‍बीर्बै अँगुर ताँन् मिंल् खाँइमुँ। छतसि क्हिए कोरे छेसि थुद्।”

दर्शन 15:1

धबै स्‍वर्गर बेल्‍ले थेबै औदिबै चिनु घ्रि ङइ म्रोंइ। चर स्‍वर्गदूत ङि मुँल, चमैंने आखिरि थेबै दुःख ङि मुँल। च दुःख तल् खाँबै लिउँइँ मत्‍त्रे परमेश्‍वरए ह्रिस म्हम्।

दर्शन 16:17

अर्को स्‍वर्गदूतइ ह्रोंसने मुँबै प्‍हेलर्बै ह्रिस मुर युवाइ। झाइले मन्‍दिरर्बै राजगद्दिउँइँले “तारे खाँयाइ!” बिबै थेबै कैइ थेइ।