दर्शन 14:1 - परमेश्‍वरए ताँ तमु क्युइर

¹ ङइ धबै ङ्ह्‍योमा क्‍यु च्हज सियोन बिबै कोंर रारिब् म्रोंइ। खीने बालु लाख घ्रि से प्लिच्यु से हजार प्लि (१,४४,०००) म्‍हि मुँल। चमैंए ङ्‌होर क्‍यु च्हजए मिं नेरो खीए आबाए मिं प्‍ह्रिथेंल।

दर्शन 14:1 Iomraidhean Croise

भजनमैं 2:6

“सियोन बिबै ङए पबित्र कोंर ङइ ह्रोंसए म्रुँ थेंइमुँ,” बिसि खीजी बिम्।

लूका 12:8

“छतसि ङइ क्‍हेमैंने बिमुँ, खाबइ म्‍हिमैंए उँइँर ‘येशू ङए प्रभु ग’ बिमुँ, च म्हिलाज्यै या परमेश्‍वरउँइँले कुल्‍मिंबै म्हिए च्हजी परमेश्‍वरए स्‍वर्गदूतमैं उँइँर ‘चुम् ङए म्‍हि ग’ बिब्‍मुँ।

रोमी 9:33

येशू ख्रीष्‍टए बारेर परमेश्‍वरए छ्वेर छले प्ह्रिइमुँ, “ङ्‌ह्‍योद्, ङइ यहूदीमैंए म्‍हाँजोरि प्हले थुरबै युँमा थेंम्, च युँमार ल्हें म्‍हि थुरसि क्‍हुरयाब्‍मुँ, दिलेया खीए फिर बिश्‍वास लब्मैं खाबै या सैं च्योंब तल् त्हुरिब् आरे।”

दर्शन 14:14

झाइले ङइ फोस्रे ब्योंबै न्‍हाँम्‍स्यो म्रोंइ। च न्‍हाँम्‍स्योए फिर म्‍हि घ्रिइ योर कोरे छेसि टिरिब् म्रोंइ। चए क्रर माराए मुकुट मुँल।

दर्शन 14:3

च लाख घ्रि से प्लिच्यु से प्लि हजार म्‍हिमैं राजगद्दिए ओंसों सो प्ह्‍याबै सै प्लि, नेरो ङ्हिस्युसे प्लि चिब्मैंए उँइँर रारिल। चमैंइ छारा भजन प्रिंमल, तलेबिस्याँ खीए ल्हागिर फुइ धों तरिगे बिसि पृथ्‍बीर्बै म्हिमैंए म्हाँजोउँइँले खीजी चुमैं त्हाँब् ग।

दर्शन 15:5

च लिउँइँ स्‍वर्गर्बै मन्‍दिर थोंथेंब् ङइ म्रोंइ। परमेश्‍वरए बारेर ग्वाइ पिंबै सैमैं थेंबै तम्‍बु या च न्‍होंर ङइ म्रोंइ।

दर्शन 22:4

चमैंइ परमेश्‍वरए लि म्रोंब्‍मुँ, धै चमैंए ङ्‌होर खीए मिं तब्‍मुँ।

दर्शन 3:12

“ट्होबै म्हिमैंलाइ ङइ ङए परमेश्‍वरए मन्‍दिरर्बै त्हो लमिंम्। झाइले चमैं मन्‍दिरउँइँले बैरु त्होंल् आत्हु। चमैंए ङ्होर ङइ ङए परमेश्‍वरए मिं प्‍ह्रिमिंब्‍मुँ, झाइले स्‍वर्गउँइँले क्युरु युबै परमेश्‍वरए छारा यरूशलेम बिबै सहरए मिं प्‍ह्रिमिंब्‍मुँ, झाइले ङए छारा मिं या च म्‍हिमैंए ङ्होर ङइ प्‍ह्रिमिंब्‍मुँ।

दर्शन 4:1

च लिउँइँ ङइ धबै दर्शनर स्‍वर्गर्बै म्रा थोंथेंब् म्रोंइ। धै ङइ ओंसों थेबै कैइ “छुइ कैंडो खो, ङइ क्हिलाइ तारे लिउँइँ तबै ताँमैं उँइँमिंस्‍यो” बिबै बिगुलए कै ङइ थेइ।

दर्शन 6:8

ङइ उर्ग्या घोडा म्रोंइ। चए फिर क्रेबै म्‍हिए मिं “काल” मुँल, चए लिलि क्रों प्रमल। धै पृथ्‍बीर मुँबै म्हिमैं न्होंर्बै प्ल्हिबाँर्बै तिंबाँ सैबै हग चमैंलाइ पिंल। छतसि चमैंइ सेलाँइ ल्हिल् पिंब, अँङ्गल् तल् पिंब, नब छब तल् पिंब, धै क्ह्‍योंर्बै खेदोमैंइ थाल् पिंब लमल।