दर्शन 13:8 - परमेश्‍वरए ताँ तमु क्युइर

⁸ पृथ्‍बीर टिब्मैं ताँनइ च खेदोलाइ फ्‍योब्‍मुँ, दिलेया खाब् म्‍हिमैंए मिं सैवाबै क्‍यु च्हजए कितबर ह्‍युल बनेब् भन्दा ओंसोंन् प्ह्रिल, चमैंइ च खेदोलाइ आफ्यो। छ्ह योंब्‍मैंए मिं क्‍यु च्हजए कितबर प्‍ह्रिल् खाँइमुँ।

दर्शन 13:8 Iomraidhean Croise

उत्पत्ति 22:7

छले ह्‍यारिमा इसहाकइ ह्रोंसए आबाने बिइ, “ओ आबा।” आबाइ बिइ, “तो बिल, च्हेज्यों?” चइ बिइ, “ङ्योने मि नेरो सिंमैं मुँ, दिलेया ख्रो पिंबै क्यु झज खोइ?”

भजनमैं 69:28

छ्ह योंब्‍मैंए मिं प्‍ह्रिथेंबै कितबउँइँले चमैंए मिं मेटियारिगे; धै ठिक के लब्मैंने बालु चमैंए मिं आप्ह्रिरिगे।

प्रस्थान 32:32

दिलेया चमैंए पाप क्हिइ क्षमा लमिंन्। क्षमा आलमिंस्याँ क्हिजी ह्रोंसए म्हिमैंए मिं प्ह्रिबै कितबउँइँले ङए मिं मेटिमिन्।”

मत्ती 25:34

झाइले म्रुँजी ह्रोंसए क्‍योलो हारबै म्‍हिमैंने ‘खो, ङए आबाउँइँले आशिक योंबै म्‍हिमैं, ह्‍युल बनेब् ओंनोंन् क्‍हेमैंए ल्हागिर बनेथेंबै ग्याल्सर क्ल्हे लबर खो,’ बिब्मुँ।

लूका 10:20

दिलेया क्‍हेमैंइ बिब मोंमैंइ ङिंना बिसि सैं आतोंन्, बरु परमेश्‍वरजी क्‍हेमैंए मिं स्वर्गर प्‍ह्रिथेंइमुँ बिसि सैं तोंन्।”

यूहन्‍ना 1:29

प्‍हँन्हाँग्धों यूहन्‍नाइ येशू खरिब् म्रोंसि बिइ, “ङ्‌ह्‍योत्ति! ह्‍युलर्बै पाप नोइ बोयाबै परमेश्‍वरए क्‍यु झज।

एफिसी 1:4

च आशिकमैं तो जा बिस्‍याँ, ङ्यो परमेश्‍वरए उँइँर छ्याँबै छ्ह थोल् खाँरिगे बिसि चु ह्‍युल बनेब् भन्दा ओंसोंन् ख्रीष्‍टने घ्रिन् लसि खीजी ङ्योलाइ त्‍हाँइ।

फिलिप्पी 4:3

ओ ङइ भर लल् खाँबै ङए थु, ङ क्हिने बिमुँ: “च च्हमिरिमैंलासे या ल्होब्रें लद्।” तलेबिस्याँ सैं तोंबै ताँ म्हिमैंने बिप्रबै केर ङ, क्लेमेस नेरो अरू थुमैंने बालुन् चुमैंज्यै या बेल्‍ले के लइमुँ। चुमैंए मिं खोंयोंइ आखाँबै छ्ह योंबै कितबर मुँ।

तीतस 1:2

खोंयोंन् बिलै स्योर आतेबै परमेश्‍वर आबाजी सृष्‍टि लब् भन्दा ओंसोंन् खोंयोंइ आखाँबै छ्ह चमैंलाइ पिंम् बिबै बाछा खीजी लल।

दर्शन 12:15

झाइले च च्हमिरिलाइ नोबोरिगे बिसि च अजिङ्गरइ ह्रोंसए सुँउँइँले थेबै स्‍यों तेइ।

दर्शन 13:12

चइ ओंसोंबै खेदोए ताँन् हग चए उँइँर्न ओलेमल। पृथ्‍बी नेरो पृथ्‍बीर टिब्मैंलाइ च ओंसोंबै खेदोलाइ चइ फ्‍योद् बिसि ल्‍हैदिमल। च ओंसोंबै खेदोए थेबै घा सयाल।

दर्शन 17:8

च खेदो ओंसों मुँल, दिलेया तोगो आरे। च बेल्‍ले गैरु क्रोंउँइँले त्होंब्मुँ, झाइले नास तयाब्‍मुँ। धै ह्‍युल बनेब् भन्दा ओंसों छ्ह योंब्‍मैंए मिं प्‍ह्रिथेंबै कितबर मिं आरेब्मैं च खेदो म्रोंसि प्लेटोयाब्‍मुँ। तलेबिस्याँ च खेदो ओंसों सोगों मुँल, तोगो आरेलेया धबै सोसि खब्मुँ।

दर्शन 21:27

दिलेया खोंयोंइ आखाँबै छ्ह योंब्मैंए मिं प्ह्रिबै क्‍यु च्हजने मुँबै कितबर मिं मुँब्‍मैं मत्‍त्रे च सहरर होंल् योंब्‍मुँ। चर आछ्याँबै सैं प्ह्‍याब्मैं, छेरन् ङ्हाँबै के लब्मैं नेरो स्‍योर ताँ पोंब्‍मैं खाबइ या होंल् योंरिब् आरे।

दर्शन 3:10

पृथ्‍बीर्बै ताँन् म्हिलाइ जाँच लबर दुःख तबै त्हे खब्‍मुँ। दिलेया ङइ ‘ढुक्‍कले सैदिद्’ बिमा क्‍हेमैंइ ङिंइ, छतसि च जाँच लबै त्हेर खबै दु:खउँइँले ङइ क्‍हेमैंलाइ जोगेमिंस्‍यो।

दर्शन 3:20

थेद्, ङ म्रार रासि हुइमुँ। खाबज्‍यै या ङए कै थेसि म्रा थोंस्‍याँ ङ न्‍होंर खब्मुँ, धै चने बालु चब्‍मुँ, चै या ङने बालुन् चब्‍मुँ।

दर्शन 3:5

“शैतान दुष्‍टए फिर ट्होगों तब्मैंलाइ ङइ फोस्रे ब्योंबै क्‍वें खिमिंब्‍मुँ। झाइले छ्ह योंब्‍मैंए मिं प्‍ह्रिथेंबै कितबउँइँले ङइ चए मिं मेटिरिब आरे। ङए आबाए उँइँर नेरो खीए स्‍वर्गदूतमैंए उँइँर ‘च ङल् ग’ बिसि ङइ ग्वाइ पिंब्‍मुँ।

दर्शन 5:12

च स्वर्गदूतमैंइ बेल्‍ले थेबै कैले “सैवाबै क्‍यु च्हज तोन्दोंरि लल् खाँब, भोंब, ह्रब, म्हारब, छ्याँब, माब, ताँनइ म्हाँदिल् त्हुब मुँ!” बिसि क्वे प्रिंमल।

दर्शन 5:13

छलेन स्‍वर्गर, पृथ्‍बीर, क्रोंर, मा ङ्युँइर, खन्तोंदोंन् मुँबै सो प्ह्‍याबै सैमैंइ “राजगद्दिर क्हुँबै परमेश्‍वर नेरो क्‍यु च्हजलाइ धन्‍यबाद, थेबै मान नेरो भों खोंयोंन् बिलै तरिगे।” बिसि क्वे प्रिंब ङइ थेइ।

दर्शन 6:1

झाइले क्‍यु च्हजजी छाप ङि न्‍होंर्बै ओंसोंबै छाप फोर्दिब ङइ म्रोंइ। च लिउँइँ च सो प्ह्‍याबै सै प्लि न्‍होंर्बै घ्रिइ मु ङ्‌हेब् धों तबै कैइ “खो” बिब ङइ थेइ।