दर्शन 13:18 - परमेश्‍वरए ताँ तमु क्युइर

¹⁸ चु ताँ क्‍होबै ल्हागिर ज्ञान चैदिम्। मैंल् खाँबै म्हिइ च खेदोए नम्‍बरए अर्थ क्‍होल् खाँम्, तलेबिस्याँ च नम्‍बर म्‍हि घ्रिए मिंए नमुना ग। चए नम्‍बर टुब्रासे टुच्‍यु से टु (६६६) ग।

दर्शन 13:18 Iomraidhean Croise

भजनमैं 107:43

बुद्धि मुँबै म्हिमैंइ चु ताँमैं छेनाले क्होल् म्हैरिगे, धै याहवेहजी लबै खोंयोंइ आनुबै म्हाँया चमैंइ क्होब्मुँ।

मर्कूस 13:14

“क्हेमैंइ ‘नास लबै छेरन् तबै सै’ तल् आत्हुबै क्ल्ह्‍योर तब् म्रोंमा (चु ताँ खेबै म्‍हिइ क्‍होरिगे।) क्हेमैं यहूदीया ह्‍युलर मुँब्‍मैं कोंउँइँ भौदिल् त्हुब्मुँ।

रोमी 3:5

ङ्योइ लबै आछ्याँबै केमैंउँइँलेन् परमेश्‍वरजी लबै छ्याँबै केमैं म्हिमैंइ म्रोंम् बिस्याँ ङ्योइ तो बिब् दि? “खीए ह्रिस ङ्योए फिर उँइँमा परमेश्‍वरजी लल् आतबै के लइ!” बिब् वा? आङिं! (दिलेया म्हिमैंइ छलेन मैंल् खाँम्।)

दर्शन 1:3

चु कितब खेमिंबै म्‍हिइ आशिक योंब्मुँ, झाइले चु कितबर्बै ताँ थेसि चर बिब् धोंले छ्ह थोब्मैंइ आशिक योंब्मुँ, तलेबिस्याँ चु ताँन् ताँमैं तबै त्हे चेंदोन् खसिन् मुँ।

दर्शन 15:2

च लिउँइँ मिने सिसा कोंब् धों तबै मा ङ्युँइ ङइ म्रोंइ। झाइले च खेदोए फिर, चए कुए फिर, चए मिंए नम्‍बरए फिर ट्होब्‍मैं ङइ म्रोंइ। चमैं परमेश्‍वरजी पिंबै बीणा छेसि सिसा धों तबै मा ङ्युँइए रेर रारिल।

दर्शन 17:9

“क्होबै म्हिमैंइ मत्‍त्रे चु ताँ क्‍होल् खाँम्: च क्र ङिए अर्थ कों ङि ग, धै च कों ङिए फिर च च्हमिरि क्हुँमुँ। झाइले च क्र ङिए अर्को मतलब म्रुँ ङि ग।

दर्शन 21:17

झाइले च स्‍वर्गदूतइ बानु च्हैंमा म्‍हिमैंए चलेबै नाप अनुसार च बानु ट्हुच्युसे ङ्‍ह मिटर प्ल्हाब मुँल।