दर्शन 12:6 - परमेश्‍वरए ताँ तमु क्युइर

⁶ च च्‍ह फिबै च्हमिरि बिस्याँ क्यु आयोंबै क्ल्ह्‍योउँइँ भौदिह्‍याइ। चरि चए ल्हागिर हजार घ्रिसे ङ्हिब्रसे ट्हुच्‍यु (१,२६०) त्हिंइ समार्बै चब् थुँबै सैमैं परमेश्‍वरजी ओंसोंन् तौदु लथेंल।

दर्शन 12:6 Iomraidhean Croise

मत्ती 4:11

येशूजी छ बिबै तोदोंन् दुष्‍ट खीलाइ वाथेंसि ह्‍याइ। धै स्‍वर्गदूतमैं युसि येशूए सेवा लइ।

दर्शन 12:14

दिलेया च च्हमिरि अजिङ्गरउँइँले लोबर म्‍हि आटिबै क्‍ल्‍ह्‍यो समा प्‍हुरह्‍यारिगे बिसि परमेश्‍वजी चलाइ थेबै क्व्रेए प्‍ह्‍या ङ्हिं पिंइ। च म्हि आटिबै क्‍ल्‍ह्‍योर सोंदिं से म्हैंन ट्हुल् समा च च्हमिरिए ल्हागिर चब-थुँबै सैमैं परमेश्‍वरजी ओंसोंन् तौदु लथेंल।

दर्शन 12:4

चए म्येइ मुर्बै सारा सोंबाँर तिबाँ सोर्दिसि पृथ्‍बीर भ्‍योंवाइ। कोलो फिबै तोंदोंन् क्ल्ह्‍योंवाब् बिसि च अजिङ्गर कोलो फिबि छेबै च्हमिरिए उँइँर रारिल।

दर्शन 13:5

च खेदोलाइ परमेश्‍वरए बिरोधर आछ्याँबै ताँमैं पोंल् पिंइ। चलाइ प्लिच्‍यु से म्हैंन ङ्हिल् समा पाप लबै हग पिंल।

दर्शन 17:3

झाइले ङ पबित्र प्ल्हए न्होंर मुँमा च स्‍वर्गदूतइ क्यु आयोंबै क्ल्ह्‍योरि ङलाइ क्‍हासि बोइ। चर च्हमिरि घ्रि ओल्‍ग्‍या खेदो फिर क्हुँरिब् ङइ म्रोंइ। च खेदोए ज्यु तिगोंन् परमेश्‍वरए आब्रु वाबै ताँमैं प्‍ह्रिथेंल, धै चल क्र ङि नेरो रुँ च्‍यु मुँल।