दर्शन 12:3 - परमेश्‍वरए ताँ तमु क्युइर

³ च लिउँइँ धबै मुर अर्को औदिबै चिनु म्रोंइ: चर बेल्‍ले थेबै ओल्‍ग्‍या अजिङ्गर मुँल। चए क्र ङि मुँल, धै क्र ह्रोंसे मुकुट मुँल। झाइले चए रुँ च्‍यु मुँल।

दर्शन 12:3 Iomraidhean Croise

दर्शन 12:1

च लिउँइँ मुर औदिबै चिनु म्रोंइ: च्हमिरि घ्रिइ त्‍हिंयाँ खिल, चए प्‍हले न्‍होंर लयाँ मुँल, धै चए क्रर च्युसे ङ्हिं मुसारए मुकुट मुँल।

दर्शन 12:13

ह्रोंसलाइ स्‍वर्गउँइँले पृथ्‍बीर भ्योंवाब् था सेसि अजिङ्गरइ कोलो फिबै च्हमिरिलाइ ल्हाइ।

दर्शन 12:17

छतमा च अजिङ्गर च च्हमिरिने बेल्‍ले ह्रिस खइ। धै च च्हमिरिए अर्को सन्‍तानमैंने, अथवा परमेश्‍वरए ताँ ङिंब्‍मैं नेरो येशूए बारेर क्ह्रोंसेंन्‍बै ग्वाइ पिंब्मैंने ल्हडें लबर ह्‍याइ।

दर्शन 12:4

चए म्येइ मुर्बै सारा सोंबाँर तिबाँ सोर्दिसि पृथ्‍बीर भ्‍योंवाइ। कोलो फिबै तोंदोंन् क्ल्ह्‍योंवाब् बिसि च अजिङ्गर कोलो फिबि छेबै च्हमिरिए उँइँर रारिल।

दर्शन 12:7

च लिउँइँ स्‍वर्गर ल्हडें तइ। मिखाएल बिबै थेबै स्‍वर्गदूत नेरो चए न्होंर्बै स्‍वर्गदूतमैंइ च अजिङ्गरने ल्हडें लइ। च अजिङ्गर नेरो चए दूतमैं या चमैंने ल्हडें लइ।

दर्शन 12:9

मिखाएलइ च थेबै अजिङ्गरलाइ स्‍वर्गउँइँले भ्‍योंवाइ। च अजिङ्गर स्‍योंम्‍बै प्‍हुरि ग, चलाइ स्‍युर्गु नेरो दुष्‍ट बिम्। चइ ताँन् ह्‍युलर्बै म्‍हिमैंने स्‍योर तेसि लुइमुँ। च नेरो चए दूतमैंलाइ परमेश्‍वरए दूतमैंइ पृथ्‍बीर भ्‍योंवाइ।

दर्शन 13:1

च लिउँइँ मा ङ्युँउँइँले खेदो घ्रि त्‍होंरिब् ङइ म्रोंइ। च खेदोल रुँ च्‍यु, क्र ङि मुँल। चए रुँ ह्रोंसे मुकुट मुँल, क्र ह्रोंसे परमेश्‍वरए मिं वाबै आछ्याँबै मिं प्‍ह्रिल।

दर्शन 13:2

ङइ म्रोंबै च खेदो चितुवा धों ब्योंब् मुँल। चए प्‍हले भलुए प्‍हले धों तब् मुँल, झाइले चए सुँ सिंहल् धों ब्योंब् मुँल। च अजिङ्गरइ च चितुवा धों ब्योंबै खेदोलाइ ह्रोंसए शक्‍ति, थेबै हग नेरो राजगद्दि पिंइ।

दर्शन 13:4

झाइले च अजिङ्गरइ ह्रोंसए हग खेदोलाइ पिंबइले ताँन् म्‍हिमैंइ अजिङ्गरलाइ फ्‍योइ। चमैंइ च खेदोलाज्यै या फ्‍योसि बिइ, “चु खेदो धों तब खाब् मुँ? चुने बालु खाबै या ल्हडें लल् आखाँ।”

दर्शन 15:1

धबै स्‍वर्गर बेल्‍ले थेबै औदिबै चिनु घ्रि ङइ म्रोंइ। चर स्‍वर्गदूत ङि मुँल, चमैंने आखिरि थेबै दुःख ङि मुँल। च दुःख तल् खाँबै लिउँइँ मत्‍त्रे परमेश्‍वरए ह्रिस म्हम्।

दर्शन 16:13

झाइले अजिङ्गरए सुँउँइँले, आछ्याँबै खेदोए सुँउँइँले नेरो स्योलिबै ताँ पोंबै अगमबक्‍ताए सुँउँइँले प्‍हत्‍गु धों तबै स्यागि म्होंगि सों त्‍होंह्‍याब ङइ म्रोंइ।

दर्शन 17:12

“क्‍हिइ म्रोंबै रुँ च्‍युए अर्थ च्‍योंबै म्रुँ च्‍यु ग। चमैंइ तिंयाँ समा ग्याल्स लल् आयोंइमुँ, दिलेया चमैंइ च खेदोने बालु घण्टा घ्रिए ल्हागिर ग्याल्स लल् योंब्‍मुँ।

दर्शन 17:16

क्‍हिइ म्रोंबै च रुँ च्‍यु मुँबै खेदोइ च फ्यालुस्योलाइ हेल लब्मुँ, धै चने मुँबै ताँन् सैमैं प्हेंवासि चलाइ क्‍लुना लवाब्‍मुँ। चमैंइ चए से चब्‍मुँ, झाइले चलाइ मिर झोंवाब्‍मुँ।

दर्शन 17:7

दिलेया स्‍वर्गदूतइ ङने बिइ, “क्‍हि तले प्लेटोयाल? ङइ क्हिने च फ्यालुस्योलाइ नोबै क्र ङि नेरो रुँ च्‍यु मुँबै खेदोए अर्थ खोल्‍दिमिंस्‍यो।

दर्शन 19:12

खीए मि मिए राब धों तब् मुँल। खीए क्रर ल्हें मुकुटमैं मुँल। खीए ज्युर मिं प्‍ह्रिथेंल, दिलेया च मिं खीजी मत्‍त्रे सेल।

दर्शन 20:2

च स्‍वर्गदूतइ च अजिङ्गरलाइ, अथवा स्‍योंम्‍बै प्‍हुरिए क्हो किंबै स्‍योर्गु, शैतान बिबै दुष्‍टलाइ क्‍हासि हजार घ्रि बर्ष समा सँउँलिइ फैसि