दर्शन 11:3 - परमेश्‍वरए ताँ तमु क्युइर

³ दिलेया ङए ग्वाइ पिंब्‍मैं ङ्हिंलाइ हजार घ्रिसे ङ्हिप्रसे ट्हुच्‍यु त्हिंइ समा ह्रेंग खिसि ङए ताँ पोंबै भों पिंब्‍मुँ।”

दर्शन 11:3 Iomraidhean Croise

उत्पत्ति 37:34

छतमा चइ ह्रोंसए क्वें ट्होवाइ, धै ह्रेंगा खिसि ह्रोंसए च्हए ल्हागिर ल्हें त्हे समा शोक लइ।

भजनमैं 69:11

छले शोक लसि ङइ नइँए ह्रेंग खिमा म्हिमैंइ ङ प्ह्रम्।

योना 3:5

झाइले च ताँ थेसि निनवे सहरर्बै म्हिमैंइ परमेश्‍वरजी बिबै ताँ क्वेंइ। धै चिब्मैइ ताँनलाइ बर्त टिबर ल्हैदिइ, धै कोलमैं-चिबमैं ताँनइ “ङिइ आछ्याँबै केमैं लइनमैं” बिसि नइए रेंगए क्वें खिइ।

योना 3:8

छले म्हिमैं नेरो ख्योदोमैंइ नइए ह्रेंग कुरिगे धै बेल्‍ले ओरदै परमेश्‍वरने ग्वार् ह्रिरिगे। चमैंए ह्रोंसए दुष्‍ट केमैंउँइँले धै चमैंए आछ्याँन्ले प्रब टिबै बानि ब्योरउँइँले एरिगे।

मत्ती 11:21

“ओ खोराजीनथेंमैं नेरो बेथसेदाथेंमैं! धिक्‍कार मुँ क्‍हेमैं, तलेबिस्याँ क्हेमैं ङाँर लब् धोंबै औदिबै केमैं टुरोस नेरो सिदोन सहरजरे लस्याँ चमैंइ स्योंमन् ह्रेंगा खिसि मेब्ब्रो फोसि खेंमैंइ लबै आछ्याँबै केमैं पिसि परमेश्‍वरउँइँ सैं एमल।

मत्ती 18:16

दिलेया चइ क्‍हिए ताँ थेल् आङिंस्‍याँ म्‍हि घ्रिदे ङ्हिंदे साक्षि ग्वाइ लबर क्‍हिने बालु बोसि चने सल्‍ला लद्। तलेबिस्याँ ‘उजुर लस्‍याँ साक्षि ग्वाइ टिब्‍मैं ङ्हिंदे सोंदे चैदिम्,’ बिसि ठिमर प्‍ह्रिथेंइमुँ।

लूका 10:13

“धिक्‍कार मुँ खोराजीनथेंमैं! क्‍हेमैं बेल्‍ले सैं क्रोल् त्‍‍हुम्! धिक्‍कार मुँ बेथसेदाथेंमैं, क्‍हेमैं या बेल्‍ले सैं क्रोल् त्‍‍हुम्! तलेबिस्याँ क्‍हेमैंए नाँसजरे तब् धोंबै परमेश्‍वरए शक्‍तिए केमैं टुरोस नेरो सिदोनर तस्‍याँ चर्बै म्‍हिमैं स्‍योंमन् ह्रेंगा खिसि मेब्रो फिर क्हुँसि खेंमैंए आछ्याँबै बानि पिसि परमेश्‍वरउँइँ सैं एमल।

लूका 24:48

तलेबिस्याँ क्‍हेमैंन् चु ताँए ग्वाइ पिंब्मैं ग।

यूहन्‍ना 15:27

क्हेमैं ओंसों ओंनोंन् ङने बालु मुँबइले क्हेमैं या ङए साक्षि ग।”

यूहन्‍ना 3:27

यूहन्‍नाइ बिइ, “परमेश्‍वरजी स्वर्गउँइँले आपिंइ बिस्‍याँ म्हिमैंइ तोइ सै योंल् आखाँ।

चेला चिब्मैंए केमैं 1:8

दिलेया पबित्र प्ल्ह क्‍हेमैंए फिर युबै लिउँइँ क्‍हेमैंइ शक्‍ति योंब्‍मुँ। धै क्हेमैं यरूशलेमर, ताँन् यहूदीया नेरो सामरियार, धै ह्‍युलए कुना-कुना समा ङए ग्वाइ पिंब्मैं तब्मुँ।”

चेला चिब्मैंए केमैं 13:31

झाइले ल्हें त्हिंइ समन् ह्रोंसने बालु गालीलउँइँले यरूशलेमर खब्मैंने खी सोगों तसि त्होब्रें लइ। तोगो च म्हिमैं इस्राएलीमैंए उँइँर खीलाइ म्रोंइ बिसि ग्वाइ पिंब्मैं ग।

चेला चिब्मैंए केमैं 2:32

चुन् येशू परमेश्‍वरजी सिबउँइँले सोगों लमिंइ। चु ताँए साक्षि ङि ताँन् मुँ।

चेला चिब्मैंए केमैं 3:15

झाइले म्‍हिमैंलाइ खोंयोंन् बिलै आखाँबै छ्ह पिंबै येशू क्‍हेमैंइ सैवाइ। दिलेया परमेश्‍वरजी खीलाइ सिबउँइँले धबै सोगों लमिंइ। चु ताँ ङिइ म्रोंइमुँ।

१ कोरिन्थी 12:28

ख्रीष्‍टए फिर बिश्‍वास लब्मैं न्‍होंरि परमेश्‍वरजीन् केए भाग थेंमिंइँमुँ। ओंसोंबै कुल्मिंबै चेला चिब्मैं, ङ्हिं अगमबक्‍तामैं, सों परमेश्‍वरए बारेर ताँ लोमिंबै म्‍हिमैं, झाइले परमेश्‍वरए मिंर औदिबै के लब्मैं, नब् छब् सल् लबै बरदान योंब्‍मैं, अरूमैंलाइ ल्होमिंब्‍मैं, रेखदेख लब्मैं, ल्हें खालर्बै क्युइ पोंब्‍मैं ताँनलाइ परमेश्‍वरजी खेंमैंए क्‍ल्‍ह्‍योर थेंमिंइमुँ।

२ कोरिन्थी 13:1

तारे ङ सोंखेबै लार क्‍हेमैं ङाँर खसिन् मुँ। खाब् मुँलै म्हिए फिर तोइ दोष ल्हैदिस्याँ परमेश्‍वरए छ्वेर प्‍ह्रिब् धोंले, “म्‍हि ङ्हिं सोंइ बिबै ताँ क्ह्रिस्याँ मत्‍त्रे च ताँ पक्‍का तम्।”

एफिसी 4:11

खीजी पिंबै बरदानमैं ल्‍हें खालर्बै मुँ। कोइलाइ कुल्मिंबै चेला चिब तबर, कोइलाइ अगमबक्‍तामैं तबर, कोइलाइ सैं तोंबै ताँ बिप्रबर, कोइलाइ खीए म्हिमैंलाइ प्‍ह्रोंछैंमैंइ धोंले छेनाले छैं लबर नेरो कोइलाइ खीए ताँ लोमिंबर खटिदिइ।

दर्शन 1:5

येशू ख्रीष्‍ट क्ह्रोंसेंन्‍बै भर लल् खाबै साक्षि मुँ, सिबउँइँले खी ताँन् भन्दा ओंसों सोगों तल, खी पृथ्‍बीर्बै म्रुँमैंए क्ल्हे ग। प्रभु येशूजी ङ्योलाइ म्हाँया लम्। खी सिमिंसि खीए कोउँइँले ङ्यो पापउँइँले फ्रेमिंइमुँ।

दर्शन 11:2

दिलेया मन्‍दिर बैरुबै ह्‍युमैं बिस्याँ आच्हैंन्, तलेबिस्याँ ङलाइ बिश्‍वास आलबै अरू ह्रेंमैंलाइ ङइ च ह्‍यु पिंइमुँ। प्लिच्यु से म्हैंन ङ्हिंल् समा (४२) चमैंइ पबित्र सहरलाइ प्‍लेथेंब्‍मुँ।

दर्शन 11:6

खेंमैंइ परमेश्‍वरए ताँ छेनाले बिप्रल् योंबै ल्हागिर मुउँइँले नाँ युल् आलबै शक्‍ति चमैंने मुँ, चमैंइ स्योंमैं या को लवाल् खाँमुँ, छलेन चमैंए सैंर मैंबै त्हेर पृथ्‍बीर तब आतब दुःख पल् खाँबै शक्‍ति या चमैंने मुँ।

दर्शन 12:6

च च्‍ह फिबै च्हमिरि बिस्याँ क्यु आयोंबै क्ल्ह्‍योउँइँ भौदिह्‍याइ। चरि चए ल्हागिर हजार घ्रिसे ङ्हिब्रसे ट्हुच्‍यु (१,२६०) त्हिंइ समार्बै चब् थुँबै सैमैं परमेश्‍वरजी ओंसोंन् तौदु लथेंल।

दर्शन 13:5

च खेदोलाइ परमेश्‍वरए बिरोधर आछ्याँबै ताँमैं पोंल् पिंइ। चलाइ प्लिच्‍यु से म्हैंन ङ्हिल् समा पाप लबै हग पिंल।

दर्शन 19:10

स्‍वर्गदूतइ छबिमा ङ चलाइ फ्‍योबर पद्खु तइ, दिलेया चइ ङने बिइ, “छ आलद्! ङ परमेश्‍वरए के लबै दूत मत्‍त्रे ग। ङज्यै या क्‍हि नेरो क्हिए अलि-अङाँमैं धोंले येशूए ताँ क्‍वेंम्। परमेश्‍वरलाइ मत्‍त्रे फ्‍योद्।” तलेबिस्याँ येशूजी पिंबै ग्वाइ अगमबक्‍तामैंइ पोंइ।

दर्शन 20:4

झाइले ङइ ठिमैं म्रोंइ। धै परमेश्‍वरजी चए फिर क्हुँब्मैंलाइ निसाफ लबै हग पिंइ। येशूए ल्हागिर ग्वाइ पिंमा नेरो परमेश्‍वरए क्ह्रोंसेंन्बै ताँ बिप्रमा सैवाब्मैंए प्‍ल्‍ह ङइ म्रोंइ। च खेदोए छाप चमैंए ङ्‌हो नेरो योर आल्‍हैदिल, झाइले च खेदो नेरो चए कुलाज्यै या चमैंइ आफ्योल। चमैं सिबउँइँले धबै सोगों तसि ख्रीष्‍टने बालुन् हजार घ्रि बर्ष ग्याल्स लइ।